গণাণা 20:21 - Chakma Bible

²¹ ইদোমীয়গুনে তারার্‌ দেজর্‌ ভিদিরেন্দি যেবাত্তে দিবার্‌ রাজী ন-অলে ইস্রায়েলীয়গুনে তারার্‌ কায়-কুরেত্তুন্‌ ফিরি গেলাক্।

গণাণা 20:21 Iomraidhean Croise

২ বংশধর 20:10

“ইক্কিনে অম্মোন আর মোয়াব আর সেয়ীর মুড়োবোর মানুচ্চুনে ইদু এচ্ছ্যন্‌। যেক্কে ইস্রায়েলীয়গুনে মিসরত্তুন্‌ নিগিলিনে এত্তন্‌ সেক্কে তুই ইগুনোর দেজত্‌ তারারে সোমেবাত্তে ন-দুয়োচ্‌। সেনত্তে তারা তারারে ভস্ত ন-গুরিনে তারা কায়-কুরেত্তুন্‌ যেয়োন্দোই।

গণাণা 21:23

মাত্তর্‌ সীহোনে তার রেজ্যর্ ভিদিরেন্দি ইস্রায়েলীয়গুনোরে যেবাত্তে ন-দিলো। তে তার্‌ বেক্‌ সৈন্যদলুন নেযেইনে ধূল্যেচর-চাগালাত্‌ ইস্রায়েলীয়গুনোর বিরুদ্ধে যুদ্ধো গুরিবাত্তে গেলঅ। তে যহস শঅরত্‌ আঝিল্ ওইনে ইস্রায়েলীয়গুনো সমারে যুদ্ধো গুরিলো।

গণাণা 21:4

ইয়েনর্ পরেদি ইস্রায়েলীয়গুনে ইদোম দেজর্‌ এককিত্তেন্দি ঘুরি যেবাত্তে হোর মুড়োবোত্তুন্‌ আকাবা বড়গাঙর্ পদ্‌থান্‌ ধুরিনে আদা মারিলাক্। মাত্তর্‌ পদথ্‌ তারা ধৈজ্য আরেইনে গোজেন আর মোশির বিরুদ্ধে কুয়া ধুরিলাক্, “এই ধূল্যেচর-চাগালাত্‌ মারা পরিবাত্তে কিত্তে তুমি মিসর দেজত্তুন্‌ আমারে নিগিলেই আনিলা? ইয়েনত্‌ পিদেয়ো নেই পানিয়ো নেই, আর এই বাজে খানা আমি দ্বিচোগেদি চেই ন-পারির্‌।”

দ্বি’লম্বর বিররণ 2:27

তর্‌ দেজর্‌ ভিদিরেন্দি আমারে যেবাত্তে দে। আমি ডেনে-বাঙে ন যেইনে দাঙর্‌ পথ্‌তান্‌ ধুরিনে যেবং।

দ্বি’লম্বর বিররণ 23:7

মাত্তর্‌ ইদোমীয়গুনোরে তুমি ন-ঘিনেবা, কিত্যে তারা তমার ভেই। মিসরীয়গুনোরেয়ো ন-ঘিনেবা, কিত্যে তারার্‌ দেজত্‌ তুমি বিদেশী ইজেবে বজত্তি গোজ্য।

বিচের গুরিয়্যেগুন 11:17

সে পরেন্দি ইস্রায়েলীয়গুনে ইদোমর রাজার ইদু মানুচ্‌ পাধেইনে কোই পাদেলাক্‌, ‘তঅ দেজর ভিদিরেন্দি যেবাত্তে আমারে উগুম্‌ দে।’ মাত্তর্‌ ইদোমর রাজাবো সে কধালোই কান ন-পাদিলো। তারা মোয়াবর রাজার ইদুয়ো মানুচ্‌ পাদেয়োন মাত্তর্‌ তেয়ো রাজী ন-অয়। সেনত্তেই ইস্রায়েলীয়গুনে কাদেশত্‌ থেলাক্‌।

বিচের গুরিয়্যেগুন 11:18

সে পরেন্দি তারা ধূল্যে-চর চাগালার ভিদিরেন্দি যেইনে ইদোম আর মোয়াব দেজ্‌চান ঘুরিনে মোয়াব দেজর পূগেন্দি যেইনে অর্ণোন গাঙর্‌ উই পারন্দি তাম্বুলান ফেলেয়োন। তারা মোয়াব দেজত্‌ ন-চমন্‌, কিয়া অর্ণোন গাঙান্‌ এলদে মোয়াব দেজর ধুজি।

বিচের গুরিয়্যেগুন 11:24

তর্‌ কমোশ-দেবেদাবো তরে যিয়েন গজক্‌ গুরিবাত্তে দিয়্যে সিয়েন কি তঅ আন্দারে নেই? ঠিগ্ সেধোক্কেন্‌গুরি আমার্‌ গোজেন লগেপ্রভু আমা মুজুঙেত্তুন্‌ যিগুনোরে ধাবেই দিয়্যে আমি তারার জাগায়ানি গজক্‌ গুরি আগিই।