গণাণা 20:20 - Chakma Bible

²⁰ ইদোমীয়গুনে আরঅ্‌ কোই পাদেলাক্, “না, ইয়েনন্দি তুমি যেই ন-পারিবা ।” ইয়েনর পরেদি ইদোমীয়গুনে বোউত্‌ সৈন্য নেযেইনে তারার্‌ খেমতা বাহাদুরি গুরি ইস্রায়েলীয়গুনোর বিপক্ষে নিগিলি এলাক।

গণাণা 20:20 Iomraidhean Croise

পত্থম 27:41

যাকোবে তা বাবত্তুন্‌ বর্ পেইয়্যে বিলিনে এষৌ তারে ইংসে গরা ধুরিলো। তে মনে মনে কলঅ, “আমা বাপ্পোত্তে আবিলেজ্ গুরিবার দিনুন ঘোনেই এজের্‌। সে পরেদি মুই মঅ ভেই যাকোবরে মারে ফেলেম।”

পত্থম 32:6

মানুচ্চুনে ফিরি এইনে যাকোবরে কলাক্, “আমি তঅ ভেই এষৌ মুজুঙোত্ যেইয়্যেই। তে ইক্কুনি চের্‌শঅ মানুচ্ নিনেই তঅ লগে দেগা গুরিবাত্তে এজের্।”

গীতসংহিতা 120:7

মুই সুগ্-শান্দিরে গম্ পাং, মাত্তর্ যেক্কেনে মুই সুগ্-শান্দি কধা কং সেক্কেনে তারা যুদ্ধো গুরিবাত্তে চান্।

আমোষ 1:11

লগেপ্রভু কত্তে, “ইদোমর তিনেন্ পাপ, এমন কি, চেরান পাপর কারনে মুই হামাক্কায় তারে সাজা দিম, কিত্যে বেক্ মেয়্যে-দোয়্যেনি ছাড়িনে তে লাম্বা ছুরিলোই তা ভেইবোরে লোড়েয়্যে। ইয়েনি বাদেয়ো তার্ অমকদ রাগ নিত্য দেগা দিয়্যে আর তে সিয়েন্ মন ভিদিরে রাগেয়্যে।

গণাণা 20:18

মাত্তর্‌ জোবত্‌ ইদোমর্‌ রাজাবো কলঅ, “না, তুমি ইয়েনন্দি যেই ন-পারিবা। যুনি তুমি যেবার্‌ চেট্টা গরঅ সালে আমি যুদ্ধো গুরিবাত্তে নিগিলিনেই তমারে আক্রমণ গুরিবোং।”

গণাণা 20:21

ইদোমীয়গুনে তারার্‌ দেজর্‌ ভিদিরেন্দি যেবাত্তে দিবার্‌ রাজী ন-অলে ইস্রায়েলীয়গুনে তারার্‌ কায়-কুরেত্তুন্‌ ফিরি গেলাক্।

বিচের গুরিয়্যেগুন 11:17

সে পরেন্দি ইস্রায়েলীয়গুনে ইদোমর রাজার ইদু মানুচ্‌ পাধেইনে কোই পাদেলাক্‌, ‘তঅ দেজর ভিদিরেন্দি যেবাত্তে আমারে উগুম্‌ দে।’ মাত্তর্‌ ইদোমর রাজাবো সে কধালোই কান ন-পাদিলো। তারা মোয়াবর রাজার ইদুয়ো মানুচ্‌ পাদেয়োন মাত্তর্‌ তেয়ো রাজী ন-অয়। সেনত্তেই ইস্রায়েলীয়গুনে কাদেশত্‌ থেলাক্‌।

বিচের গুরিয়্যেগুন 11:20

মাত্তর্‌ সীহোন ইস্রায়েলীয়গুনোরে বিশ্বেজ্ ন-গুরিনে তা দেজর ভিদিরেন্দি তারারে যেবাত্তে উগুম্‌ ন-দিলো। তে তার্‌ বেক্‌ মানুচ্চুনোরে এগত্তর্ গুরিনে যহসত্‌ তাম্বুলান্ ফেলেল আর ইস্রায়েলীয়গুনো সমারে যুদ্ধো গুরিলো।