গণাণা 20:15 - Chakma Bible

^15-16 আমা পুরোণি মানুচ্চুনে মিসর দেজত্‌ যেইয়োন্‌ আর আমি বোউত্‌ বজর্‌ সিয়েনত্‌ বজতি গোজ্যেই। মিসরীয়গুনে আমার্‌ আর আমা পুরোণি মানুচ্চুনো উগুরে ভান্ন্যেই বেবহার্‌ গরানায় আমি লগেপ্রভু ইদু কানাকুদি গোজ্যেই। তে আমা কানাকুদি শুনিনে তার্‌ দূত পাদেইনে মিসরত্তুন্‌ আমারে নিগিলেই আন্যে।

গণাণা 20:15 Iomraidhean Croise

পত্থম 15:13

সেক্কে লগেপ্রভু তারে কলঅ, তুই এ কধাগান হামাক্কায়্‌ হবর্‌ পাছ্‌, তঅ বংশর্‌ মানুচ্চুনে এন্‌ এক্কান্‌ দেজত্‌ যেই্‌নে বজত্তি গুরিবাক্‌ যিয়েন্‌ তারার্‌ নিজোর্‌ নয়। সিয়েনত্‌ তারা অন্যগুনোর্‌ চাগর্‌ ওইনে চেরশঅ বজর্‌ সং অত্যেচার্‌ ভোগ গুরিবাক্‌।

পত্থম 46:6

যিদুক্কুন্‌ য়েমান আর ধন-সোম্বোত্তি তারা কনান দেজত্তুন্‌ পেইয়োন্‌ সিয়েনি বেক্কানি লোইনে যাকোবে আর তা পরিবারর্‌ বেক্কুনে মিসরত্‌ গেলাক্।

পত্থম 46:7

যাকোবে তা পুয়ো-ঝিগুন আর নাদিনুনোরে, অত্তাৎ তা বংশর্‌ বেক্কুনোরে লোইনে মিসরত্‌ গেলঅ।

২ শমূয়েল 12:18

অসুগ্‌ অনার্‌ সাত দিনোত্‌ পূঅবো মুরি গেলঅ। পূঅবো যে মুরি যেইয়্যে সে কধাগান দায়ূদোরে জানেবাত্তে তার্‌ সে চাগরুনোর সাহস ন-অলঅ। তারা কলাক্, “পূঅবো যেক্কে বাঁজি এলঅ সেক্কে আমি তারে কলেয়ো তে আমা কধানি কান্ ন-পাদে। ইক্কিনে আমি কেধোক্ক্যেনগুরি কবং, পূঅবো মুরি যেইয়্যে? কলে অয়ত তে নিজোর্‌ কনঅ ক্ষেতি গুরিবো নাহি।”

যাত্রা 1:16

“গুরো অবার্‌ অক্তত্ ইব্রীয় মিলেগুনোরে বল্‌ দিবাত্তে গেলে তুমি গমেডালে রিনি চেবা তারা গুরোগুন্‌ মিলে না কি মরদ; মরদ অলে তারারে মারে ফেলেবা আর মিলে অলে বাজেই রাগেবা।”

যাত্রা 1:22

পরেদি ফরৌণে তা মানুচ্চুনো উগুরে এই উগুমান্‌ জারি গুরিলো, “ইব্রীয়গুনো ভিদিরে কনঅ পূয়োর্ জর্ম অলে তুমি তারে নীল গাঙত্‌ ফেলেই দিবা, মাত্তর্‌ মিলেগুনোরে বাঁজেই রাগেবা।”

যাত্রা 12:40

মিসর দেজত্‌ ইস্রায়েলীয়গুনে বেক্কুনে মিলিনে চেরশঅ ত্রিশ বজর্‌ বজত্তি গোজ্যন্‌।

যাত্রা 5:14

পরেদি একদিনোত্ ফরৌণর সেই সদ্দারুনে তারার্‌ কাম দিয়্যে ইস্রায়েলীয় পরিচালক্কুনোরে পিদিনে কলাক্, “যিদুক্কুন ইট দিনপত্তি তমার্‌ বানেবার্‌ কধা তুমি আগঅ ধোক্ক্যেন সিদুক্কুন্‌ ন-গরর্‌ কিত্তে? তুমি এচ্ছ্যেয়ো সিয়েন ন-গরঅ আর তা আগঅ দিন্নোত্‌‌অ ন-গরঅ।”

গণাণা 11:5

মিসর দেজত্‌ টেঙা-পোজে ছাড়া মাছ হেবার্‌ কধা আমার্‌ মনত্‌ উদে। ইয়েনিবাদে মাম্‌রা, খোর্‌মোজ্, পিঁয়েজ, পিয়েজর শাক্‌ আর রোনোর্‌ কধায়ো আমাত্তুন্‌ মনত্‌ উদের্‌।

গণাণা 16:13

তুই এই ধূল্যেচর-চাগালাত্ মারে ফেলেবাত্তে এধোক্ক্যেন দেজত্তুন্‌ আমারে নিগিলেই আন্ন্যচ্‌ যিয়েনত্‌ দুধ, মধু আর কনঅ কিজুর অভাব ন-এলঅ। ইয়েনই কি যগাজ্যে নয়? সিয়েন উগুরে ইক্কিনে আর আমার্‌ নেতা অবাত্তে চঅর্‌।

গণাণা 20:14

পরেদি মোশি কাদেশত্তুন্‌ মানুচ্‌ পাদেইনে ইদোম দেজর্‌ রাজাবোরে কোই পাদেল, “আমি, তর্‌ ইস্রায়েলীয় ভেইয়ুন, তরে এক্কান্‌ কধা কবাত্তে চেই। তুই আমার্‌ দুঘ-কষ্টর্‌ কধা জানচ্‌।

প্রেরিত্‌ 7:15

যাকোবে মিসরত্ গেলঅ, আহ্ সিধু তে আর আমা পূরোণি মানুচ্চুনে মুরি গেলাক্।

প্রেরিত্‌ 7:19

সেই রাজাবো আমা মানুচ্চুনোরে থোগেদ আর আমা পূরোণি মানুচ্চুনোরে অমকদ অত্যেচার্ গুরিদো। এমন্‌ কি, তারার যিদুক্কুন চিগোন গুরো জোর্মেদাক্ সিগুন যেনে মরন্ সেনত্তে সেই চিগোন গুরোগুনোরে বারেদি ফেলেই থবাত্তে বাধ্য গুরিদো।

দ্বি’লম্বর বিররণ 26:6

মাত্তর্‌ মিসরীয়গুনে আমা লগে গম্‌ বেবহার ন-গরন। তারা আমারে দুখ্‌ দুয়োন আর আমা উগুরে এক্কান যাগুলুক্কে কামর্‌ বুধি চাপি দুয়োন।