গণাণা 20:12 - Chakma Bible

¹² মাত্তর্‌ লগেপ্রভু মোশি আর হারোণরে কলঅ, “তুমি মঅ উগুরে বিশ্বেজ্ ন-গরঅ আর ইস্রায়েলীয়গুনোর মুজুঙোত্‌ মরে সুদ্ধো-সাংগ বিলি ন-মানঅ। সেনত্তে যে দেজ্‌চান্‌ মুই ইস্রায়েলীয়গুনোরে দিম্‌ তুমি তারারে সিয়েনত্‌ নেযেই ন-পারিবা।”

গণাণা 20:12 Iomraidhean Croise

২ বংশধর 20:20

তার্‌ কেল্যে বেন্যেপোত্যে তারা তকোয় ধূল্যেচর-চাগালা ইন্দি যাহ্ ধুরিলাক্‌। তারা যেবার্‌ আগেন্দি যিহোশাফটে থিয়্যেইনে কলঅ, “ও যিহূদা আর যিরূশালেম মানুচ্চুন, মঅ কধাগান শুনো। তুমি তমার্‌ গোজেন লগেপ্রভু উগুরে বিশ্বেজ্‌ গরঅ, সালে তুমি ঠিগ্‌ থেই পারিবা। তা ভাববদীগুনো উগুরে বিশ্বেজ্‌ রাগ, সেক্কে তুমি ফোলেবা।”

গীতসংহিতা 106:32

মরীবার পানি পারত্ তারা লগেপ্রভুরে রাগ তুলি দুয়োন্; তারাত্তে মোশি দযাত্ পল্ল।

গীতসংহিতা 99:8

ও আমা গোজেন লগেপ্রভু, তুই তারার ডাগনিলোই শমক্ দিদে; তুই তারার খেমাগুরিয়্যে গোজেন ইজেবে এলে, যুনিয়ো তারার অন্যেয়র সাজা দিবাত্তে তুই ন-ছাড়স্।

যিশাইয় 7:9

ইফ্রয়িমর্ মাঢা শমরিয়াই বা কি, আর শমরিয়ার মাঢা রমলিয়র পুয়োবো বা কন্না? তমার্ বিশ্বেজে যুনি তুমি থির্ ওইনে ন-থাগ সালে তুমি কনবাবদে থিয়্যেই থেই ন-পারিবা।’ ”

যিশাইয় 8:13

বেগত্তুন্ খেমতাবলা লগেপ্রভুরে পবিত্র বিলিনে মান; তারে দরঅ, তারে দর্‌‌‌‍গরেপারা বিলিনে মনে গরঅ।

যিহিষ্কেল 20:41

মুই যেক্কে জাদ্‌‌‌‌‌তুনো ভিদিরেত্তুন তমারে নিগিলেই আনিম আর যেদক্কানি দেজত্ ছিদি পোজ্যন সিয়েনিত্তুন্ এগত্তর্ গুরিম সেক্কে তুম্বাজ্ আগর্‌বাট্টি ধোক্ক্যেন মুই তমারে গুজি লোম। সেক্কে তমা মাধ্যমে জাদ্‌‌‌‌‌তুনে বুঝি পারিবাক্ যে, মুই সুদ্ধো-সাংগ।

যিহিষ্কেল 36:23

যে নাঙান্ জাদ ভিদিরে অসর্মান গরা ওইয়্যে মর্ সেই মহৎ নাঙানর্ পবিত্রতাগান মুই দেগেম; তুমি তারা ভিদিরে সেই নাঙান্ অপবিত্র গোজ্য। যেক্কে মুই তারা চোগো মুজুঙোত্ তমা ভিদিরেদি নিজোর্ পবিত্রতাগান দেগেম্ সেক্কে জাদ্‌‌‌‌‌‌‌‌‌‌‌তুনে হবর্ পেবাক্ যে, মুয়ই লগেপ্রভু।

যিহিষ্কেল 38:10

সেদিন্যে তঅ মনত্ নানান্ চিন্তে এবঅ আরঅ তুই এক্কান কুজুরোমি মনত্ আনিবে।

লেবীয় 10:3

সেক্কে মোশি হারোণরে কলঅ, “লগেপ্রভু কোইয়্যেদে, ‘যিগুনে মইদু এজন্‌ তারা যেন মরে পবিত্র বিলিনে মানন্‌। মানুচ্চুনোর্‌ চোগোত্‌ তারা যেন মর্‌ সর্মান্‌ তুলি ধরন।’ ” হারোণে জুরো গুরি রলঅ।

গণাণা 11:15

তুই যুনি মর্‌ অবস্থাগান এধোক্ক্যেন গরচ্‌ সালে ইক্কুনি তুই মরে মারে ফেলা। যুনি মুই তর্‌ দোয়্যে পেই থাং সালে নিজোর্‌ চোগেদি মর্‌ নিজোর্‌ দজাগান মরে দেগিবাত্তে ন-দিস্‌।”

গণাণা 20:24

“হারোণত্তুন্‌ তার্‌ পুরোণি মানুচ্চুনোর ইদু যাহ্ পুরিবো। যে দেজ্‌চান্‌ মুই ইস্রায়েলীয়গুনোরে দিম্‌ তার্‌ সিদু যানা ন-অবঅ, কিত্যে মরীবাদত্‌ সেই পানিগানর্‌ পৌইদ্যেনে তুমি মর্ উগুমোর্‌ বিরুদ্ধে কাম্‌ গোজ্য।

গণাণা 27:14

ইয়েনর্‌ কারনান্‌ অলঅ, সীন ধূল্যেচর-চাগালাত্‌ ইস্রায়েলীয়গুনে যেক্কে পানিত্যে উল্লোমী গোজ্যন্‌ সেক্কে ইস্রায়েলীয়গুনো মুজুঙোত্‌ মরে সুদ্ধো-সাংগ বিলি মান্য গুরিবার্‌ উগুমান্‌ তুমি অমান্য গোজ্য।” ইয়েন্‌ সীন ধূল্যেচর-চাগালাত্‌ কাদেজর্‌ মরীবার পানিগানর কধা।

মথি লেখ্যে গম্ হবর্ 17:17

জোবত্ যীশু কলঅ, “অবিশ্বেজি আর পাজি মানুচ্চুন! আর কয়দিন মুই তমা লগে লগে থেম্? কয়দিন তমারে সোজ্য গুরিম? পুয়োবোরে ইয়েনত্ মইধু আনঅ।”

মথি লেখ্যে গম্ হবর্ 17:20

যীশু তারারে কলঅ, তমার কম্ বিশ্বেজর কারনে ন-পারিলা। মুই তমারে ঘেচ্চেকগুরি কঙর্, যুনি এক্কো সোজ্য বীজি ধোক্ক্যেন্ বিশ্বেজ্অ তমার্ থেদঅ সালে তুমি এ মুড়োবোরে কধা, ইয়োত্তুন সুরিনে উবোত্ যাহ্, আর সেক্কে সিবে সুরি যেবঅ। তমার পক্ষে কিচ্চু আগাত্যে ন-অবঅ।

লূকে লেখ্যে গম্ হবর্ 1:20

চাহ্, মঅ কধাগান সময়মজিম্ পূরোণ অবঅ, মাত্তর্ তুই মঅ কধাগান বিশ্বেজ্ ন-গরচ্ বিলি ববা ওই থেবে। যেদক বিলোন্ সং ইয়েনি বেক্কানি ন-ঘদে সেদক্ বিলোন্ সং তুই কধা কোই ন-পারিবে।”

লূকে লেখ্যে গম্ হবর্ 1:45

তুই বর্‌পেইয়্যে, কিয়া তুই বিশ্বেজ্ গোজ্যস্, প্রভু তরে যিয়েন কোইয়্যে সিয়েন্ পূরোণ অবঅ।”

যোহন 1:17

মোশির্ মাধ্যমে রীদি-সুদোম দিয়্যে ওইয়্যে, মাত্তর্ যীশু খ্রীষ্টর্ মাধ্যমে দোয়্যে আর সত্য এচ্চ্যে।

রোমীয় 4:20

গোজেনর্ এগেমান পৌইদ্যেনে তা মনত্ কনদিন্অ কনঅ সন্দেহ ন-এজে, বরং তে বিশ্বেজে আরঅ দরমর ওইনে গোজেনরে বাঈনি গুরিদো।

দ্বি’লম্বর বিররণ 1:37

তমার্‌ কারনে লগেপ্রভু মঅ উগুরে অমকদ বেজার্‌ ওইনে কোইয়্যেদে, সেই দেজত্‌ তমারঅ সমানা ন অবঅ,

দ্বি’লম্বর বিররণ 34:4

সে পরেন্দি লগেপ্রভু তারে কলঅ, “ইয়েনই সেই দেজ্‌চান যিয়েন অব্রাহাম, ইসহাক আর যাকোব ইদু শমক্ গুরি কোইয়োং, ‘দেজ্‌চান মুই তর বংশধরুনোরে দিম্‌।’ দেজ্‌চান মুই তরে নিজোর চোগেদি চেবার সুযোগ দিলুং, মাত্তর গাঙ্‌ পার ওইনে তর্‌ সিয়েনত্‌ যেই ন-পারিবো।”

দ্বি’লম্বর বিররণ 4:21

তমাত্তে লগেপ্রভু মঅ উগুরে বেজার্‌ অলঅ। তে শমক্‌ খেইনে কোইয়্যেদে, সোম্বোত্তি ইজেবে যে অমকদ দোল্‌ দেজ্‌ছান তমার গোজেন্‌ লগেপ্রভু তমারে দিবাত্তে যার্‌, যর্দন গাঙান্‌ পার্‌ ওইনে মর্‌ সিদু যানা ন-অবঅ।

যিহোশূয় 1:2

মঅ চাগর্‌ মোশি মুরি যেইয়্যে। সেনত্তে ইক্কিনে তুই আর বেক্‌ ইস্রায়েলীয়গুনে যর্দন গাঙান্‌ পার ওই যেবাত্তে যুক্কোল্‌ অ আর যে দেজ্‌চান মুই ইস্রায়েলীয়গুনোরে দিবাত্তে যাঙর্‌ সিয়েনত্‌ যঅ‌।

১ পিতর 3:15

বরং খ্রীষ্টরে তমা মন ভিদিরে প্রভু ইজেবে জাগা দুয়ো। তমার্ আজা-ভরসা পৌইদ্যেনে যুনি কেঅ পুযোর্ গরন্ সালে তারে জোব্ দিবাত্যে নিত্য যুক্কোল্ থেয়ো, মাত্তর্ ইয়েনর্ জোব্‌পান্ চিদে আর ভোক্তি গুরিনে দুয়ো।