গণাণা 20:10 - Chakma Bible

¹⁰ মোশি আর হারোণে সেই পাত্তর্‌বো ইদু মানুচ্চুনোরে এক সমারে এগত্তর্‌ গুরিলো। সে পরেদি মোশি তারারে কলঅ, “উল্লোমীগুন্‌ শুনো, আমি কি তমাত্তে এই পাত্তর্‌বোত্তুন্‌ পানি নিগিলেই আনিবোং?”

গণাণা 20:10 Iomraidhean Croise

পত্থম 40:8

জোবত্‌ তারা তারে কলাক্, আমি দ্বিজনে এক্কান গুরি স্ববন দেক্ক্যেই, মাত্তর্‌ সিয়েন অত্তগান্‌ কোইদি পারন এবাবোত্যে মানুচ্‌ ইধু নেই। যোষেফে তারারে কলঅ, অত্তগান্‌ কোই দিবার্‌ খেমতা কি গোজেনর নেই? তমা স্ববনর্ কধাগান্‌ মরে কঅ ।

পত্থম 41:16

জোবত্‌ যোষেফে ফরৌণরে কলঅ, “সে খেমতাগান মর্‌ নেই। মাত্তর্‌ গোজেনে রাজা বাবুর্ স্ববনর্‌ অত্তগান্‌ কোই দিইনে তা মনান্‌ শান্ত-গুরিবো।”

গীতসংহিতা 78:16

মুড়ো ধোক্ক্যেন শিলোত্তুন্ তে পানি গঙার নিগিলেই আনিলো; সেই পানিগান তে ছড়া ধোক্ক্যেন বুয়োই দিলো।

যাত্রা 17:6

সে পরেদি মুই হোরেব মুড়োবোর্‌ ইদু তঅ মুজুঙোত্‌ এক্কো পাত্তর উগুরে যেইনে ঠিয়েম্‌। তুই সেই পাত্তর্‌বোত্‌ আঘাত্‌ গুরিবে আর সেক্কে মানুচ্চুনে হেবাত্তে সিয়োত্তুন্‌ পানি নিগিলি এবঅ‌।” ইস্রায়েলীয় বুড়ো নেতাগুনো মুজুঙোত্‌ মোশি সিয়েনোই গুরিলো।

গণাণা 20:24

“হারোণত্তুন্‌ তার্‌ পুরোণি মানুচ্চুনোর ইদু যাহ্ পুরিবো। যে দেজ্‌চান্‌ মুই ইস্রায়েলীয়গুনোরে দিম্‌ তার্‌ সিদু যানা ন-অবঅ, কিত্যে মরীবাদত্‌ সেই পানিগানর্‌ পৌইদ্যেনে তুমি মর্ উগুমোর্‌ বিরুদ্ধে কাম্‌ গোজ্য।

মথি লেখ্যে গম্ হবর্ 5:22

মাত্তর্ মুই তমারে কঙর্, যে কনজনে তা ভেইয়ো উগুরে রাগ্ গরে তে বিচেরর্ দায়ত্ পড়িবো। যে কনজনে তা ভেইয়োরে কয়, তুই বেকুব্, তে দাঙর্ তেম্মাঙর্ বিচেরর্ দায়ত্ পড়িবো। আর যে তা ভেইবোরে কয়, তুই বিবেক্ নেইয়্যে, তে নরগ আগুনো দায়ত্ পড়িবো।

১ করিন্হীয় 3:7

সেনত্তে যে বীজি লাগায় বা যে সিগুনোত্ পানি দে তে কিচ্চু নয়; মাত্তর্ গোজেনে, যিবে বাড়েই তুলে, তেয়ই বেক্কানি।

ইফিষীয় 4:26

যুনি রাগ গরঅ সালে সেই রাগত্যে পাপ ন-গোজ্জ্য; বেলান্ ডুবিবার আগেদি তমা রাগ্‌‌‌কানি বাদ্ দুয়ো,

দ্বি’লম্বর বিররণ 9:24

মুই যেক্কেত্তুন্‌ ধুরি তমারে চিনি পাজ্যং সেক্কেত্তুন্‌ ধুরি দেখ্যংগে, তুমি লগেপ্রভুর বিরুদ্ধে বানা উল্লোমী গুরি যল্লোই।

যাকোব 3:2

আমি বেক্কুনে নানান্ ধগে অন্যেয় গুরি থেই। যুনি কেঅ কধালোই অন্যেয় ন-গরে সালে তে নিদ্দুজি; তার্ পুরো কিয়্যেগানরে তে সামেলেই পারে।