গণাণা 19:20 - Chakma Bible

²⁰ অসিজি অনার পরেদি যুনি কনজনে নিজোরে সিজি গুরি ন-নেযায় সালে তারে তার্‌ সমাজ ভিদিরেত্তুন্‌ সমাজ বাড়া গরা পুরিবো, কিত্যে নিজোরে সিজি ন-গুরিনে তে লগেপ্রভুর পবিত্র তাম্বুলান অসিজি গোজ্যে। সিজি গুরিবার্‌ পানিগান্‌ তা উগুরে ছিদেনা ন-অয় বিলি তে অসিজি।

গণাণা 19:20 Iomraidhean Croise

পত্থম 17:14

যে মানুচ্চোর চুনুগুলোবোর্ মুজুঙেদি চামান্‌ কাবা নয় তারে তা জাদঅ ভিদিরেত্তুন্‌ তুলি দিয়া পড়িবো, কিত্তে তে মর্‌ সুদোমান অমান্য গোজ্যে।”

যাত্রা 30:33

যুনি কনজনে এধোক্ক্যেন তুম্বাস্‌ জিনিস বানান্‌ বা ধর্মগুরু বাদে আর কারঅ কিয়্যেত্‌ সিয়েন্‌ দুয়োন্‌ সালে তারে তার্‌ জাদ ভিদিরেত্তুন্‌ বাদ্‌ দিয়্যে পুরিবো।”

লেবীয় 15:31

যেরেদি লগেপ্রভু মোশি আর হারোণরে কলঅ, “ইস্রায়েলীয়গুনো ভিদিরে মর্‌ থেবার্‌-তাম্বুল আঘে। তুমি বেক্‌ ফি-বলাগানত্তুন্‌ তারারে দূরোত্‌ রাগেবা যেনে তারা থেবার-তাম্বুলান ফি-বলা গুরিনে তারা ফি-বলাগান ভিদিরে মুরি ন-যান।”

লেবীয় 17:16

মাত্তর্‌ তে যুনি কাবড়-চুগোর্‌ ন-ধয়্‌ আর ন-গাদে সালে তারে তার অন্যেয়ানত্তে দায়ী গরা অবঅ।”

লেবীয় 22:4

কিয়্যেত্‌ চামাড়ারুগ্‌ নিইনে বা ফি-বলা মাসকাবরর্‌ অবস্থায় হারোণর্‌ কনঅ বংশধর্‌ সুদ্ধো-সাংগ ন-অনা সং উৎসর্ব গোজ্যে কনঅ পবিত্র জিনিস্ হেই ন-পারিবাক্। যুনি তে মরাকিয়্যেত্‌ বাজেদে কনঅ ফি-বলা জিনিস্ ধুরি ফেলায় বা যুনি তার্‌ বীর্যপাত(লের্ নিগিলে) ওই থায় বা কনঅ ফি-বলা চিগোন্-চাগোন্ প্রাণী বা ফি-বলা মানুচ্‌ তে ধুরি থায়-এক্কান কধায় তার্‌ ফি-বলাগানর্‌ কারনে যিয়েন্‌ অদ সাৎ, তে সাজোন্যে সং ফি-বলা অবস্থায় থেবঅ। পানিত্‌ ন-গাদানা সং তে কনঅ উৎসর্ব গোজ্যে পবিত্র জিনিস্ হেই ন-পারিবো।

গণাণা 15:30

“মাত্তর্‌ ইস্রায়েলীয় বা তারা ভিদিরে বজত্তি গোজ্যে অন্য জাদর্ মানুচ্চুনো ভিদিরেত্তুন্‌ যুনি কনজনে আওজ্ গুরি অন্যেয় গরন্‌ সালে তে লগেপ্রভুরে অগমান গরে। তারে তার্‌ জাদ ভিদিরেত্তুন্‌ উদেই দিয়্যে পুরিবো।

গণাণা 19:13

যুনি কনজনে কারঅ মরাকিয়্যেগান্ ধরানার পরেদি নিজোরে সিজি গুরি ন-নেযায় সালে তে লগেপ্রভুর থেবার্‌-তাম্বুলান অসিজি গরে। সেই মানুচ্চোরে ইস্রায়েলীয়গুনো ভিদিরেত্তুন্‌ বাদ দিয়্যে পুরিবো। তার্‌ কিয়্যেত্‌ সিজি গুরিবার্‌ পানি ছিদি দিয়্যে ন-অয় বিলি তে অসিজি থেবঅ আর তার্‌ অসিজিগান্‌ তা উগুরে থেই যেবঅ।

গণাণা 9:13

মাত্তর্‌ ফি-বলা নয় বা যাত্রা পদথঅ নয় এধোক্কেন কনঅ মান্‌জ্যে যুনি উদ্ধোর অনার-পরপ্পো পালন্‌ ন-গরে, সালে তে ঠিগ্ সময়োত্‌ লগেপ্রভুর নাঙে উৎসর্ব ন-গরে বিলি তারে তার্‌ জাদ ভিদিরেত্তুন্‌ বাদ দিয়া পুরিবো। তাত্তুন্‌ তার্‌ পাপর ফল ভোগ্‌ গরাই পুরিবো।

মার্ক 16:16

যে কেঅ বিশ্বেজ্ গরে আর অবগাহন্ লয় তেয়ই পাপত্তুন্ উদ্ধোর্ পেবঅ; মাত্তর্ যে বিশ্বেজ্ ন-গরে গোজেনে তারে দুষি বিলি ঠিগ্ গুরিনে সাজা দিবো।

২ পিতর 3:14

কোচ্‌পেইয়্যে ভেইয়ুন, তুমি ইক্কিনে ইয়েনি বেক্কানিত্যে বাজ্জেই আঘঅ বিলিনে মনেপরাণে চেষ্টা গরঅ যেনে তে এইনে তমারে থুদো নেইয়্যে ওইনে নিদ্দুজি অবস্থায় সুগে-শান্দিয়্যে বজত্তি গত্তে দেগেগি।

ফগদাং পেইয়্যে 22:11

যে জঘন্য, তে ইয়েনর্ পরেদিয়ো জঘন্য থোক্। গম্ মানুচ্ ইয়েনর্ পরেদিয়ো গম্ কাম গরানাত্ থোক্ আর যে মানুচ্চো পবিত্র, তে ইয়েনর্ পরেদিয়ো পবিত্র থোক্।”