গণাণা 19:19 - Chakma Bible

¹⁹ সিজি অবস্থায় আগেদে মানুচ্চো অসিজি অবস্থায় পোজ্যে মানুচ্চো উগুরে তিন দিনোত্‌ আর সাত দিনোত্‌ সেই পানিগান্‌ ছিদি দিবো আর সাত দিনোত্‌ তে তারে সিজি গুরিবো। যিবেরে সিজি গরা অর্‌ তাত্তুুন্‌ তা কাবড়-চুগোরানি ধোয়্‌ ফেলেইনে পানিলোই গাদা পুরিবো আর্‌ সেদিন্যে তে সাজোন্যাত্তুন্‌ ধুরি সিজি অবঅ।

গণাণা 19:19 Iomraidhean Croise

পত্থম 2:2

গোজেনে তার বেক্‌ সৃট্টির কামানি ছয় দিনোত্‌ থুম্‌ গুরিলো; তে সাত দিনোত্‌ জিরেল কনঅ সৃট্টির কাম ন-গুরিলো।

যাত্রা 19:10

লগেপ্রভু মোশিরে আরঅ‌ কলঅ, “এচ্চ্যে আর কেল্যে এই দ্বিদিন্‌ তুই মানুচ্চুনো ইদু যেইনে তারারে সিজি গুরিবে। তারা যেনে তারার্‌ কাবড়্‌-চুগোরানি ধোই ফেলান্‌ আর তিন্‌ দিনোত্‌ যুক্কুলেই থান্‌, কিত্তে এই তিন্‌ দিনোত্‌ মুই লগেপ্রভু বেক্‌ মানুচ্চুনোর্‌ চোগো মুজুঙোত্‌ সিনাই মুড়োবো উগুরে লামি এই‌ম।

যিহিষ্কেল 36:25

মুই তমা উগুরে সাব্ পানি ছিদি দিম্, আর সেক্কে তুমি সিজি অবা; তমার্ বেক্ কজরানি আর মূত্তিগুনোত্তুন্ মুই তমারে সিজি গুরিম।

লেবীয় 14:7

যিবেরে সে চামাড়া রুগোত্তুন্‌ সুদ্ধো-সাংগ গরা অবঅ তা উগুরে ধর্মগুরুবো সাতবার সে লো-গান্‌ ছিদি দিইনে তারে সুদ্ধো-সাংগ বিলি ফগদাঙ্‌ গুরিবো। ইয়েনর পরেদি ধর্মগুরুগুনোত্তুন্‌ খুলো মাদত্‌ সে জেদা পেক্কোরে ইরি দিয়্যে পুরিবো।

লেবীয় 14:9

সে সাত দিনোর্‌ শেজ দিন্নোত্‌ তারে তার্‌ কিয়্যের্‌ বেক্‌ চুলানি, অত্তাৎ তার্‌ মাদাবো চুলানি, দাড়ি, চোগো কেশ্‌চানি আর কিয়্যের্‌ কেশ্‌চানি কাবি ফেলা পুরিবো। পরেদি তাত্তুন্‌ তার্‌ কাবড়-চুগোরানি ধোইনে পানিত্‌ গাদা পুরিবো, আর সে পরেদি তে পুরোপুরি গুরিনে সুদ্ধো-সাংগ অবঅ।

গণাণা 19:12

তিন দিনোত্‌ আর সাত দিনোত্‌ তাত্তুন্‌ সিজি গুরিবার পানিলোই নিজোরে সিজি গরা পুরিবো আর সে পরেদি তে সিজি অবঅ। মাত্তর্‌ যুনি তে তিন দিনোত্‌ আর সাত দিনোত্‌ এধোক্ক্যেনগুরি নিজোরে সিজি গুরি ন-নেযায় সালে তে অসিজি অবস্থায় থেই যেবঅ।

গণাণা 19:13

যুনি কনজনে কারঅ মরাকিয়্যেগান্ ধরানার পরেদি নিজোরে সিজি গুরি ন-নেযায় সালে তে লগেপ্রভুর থেবার্‌-তাম্বুলান অসিজি গরে। সেই মানুচ্চোরে ইস্রায়েলীয়গুনো ভিদিরেত্তুন্‌ বাদ দিয়্যে পুরিবো। তার্‌ কিয়্যেত্‌ সিজি গুরিবার্‌ পানি ছিদি দিয়্যে ন-অয় বিলি তে অসিজি থেবঅ আর তার্‌ অসিজিগান্‌ তা উগুরে থেই যেবঅ।

গণাণা 19:18

সে পরেদি সিজি অবস্থায় আঘে এধোক্ক্যেন এক্কো মানুচ্‌ এসোবর্‌ কয়েক্কো ডেলা সেই পানিগানত্‌ ভুরেইনে সেই তাম্বুলোত্‌, সে ভিদিরে পজাপিরানিত্‌ আর মানুচ্চুনো উগুরে সিয়েন্‌ ছিদি দিবো। মান্‌জ্যর হাড়্‌ বা গোর্ বা মারে ফেলেয়্যে বা মুরি যেইয়্যে মান্‌জ্যরে ধোজ্যে এধোক্ক্যেন মান্‌জ্য উগুরেয়ো সেই পানিগান্‌ ছিদি দিয়্যে পুরিবো।

গণাণা 31:19

“তমা ভিদিরে যিগুনে কাররে মাজ্যন্‌ বা মারে ফেলেইনে কাররে ধোজ্যন্‌ তারাত্তুন সাত দিন সং তাম্বুলোর্‌ বারেন্দি থাহ্ পুরিবো। তিন দিনোত্‌ বা সাত দিনোত্‌ তমার্‌ নিজোর্‌ বা বোন্দী গুরি আন্যে মানুচ্চুনোরে সিজি গুরি নেযা পুরিবো।

গণাণা 31:24

সাত দিনোত্‌ তুমি তমার্‌ কাবড়-চুগোরানি ধোয় ফেলেবা আর্‌ সেক্কে তুমি সিজি অবা আর তাম্বুলো ভিদিরে যেই পারিবা।”

তীত 2:14

যীশু খ্রীষ্ট আমাত্যে নিজো জিংকানিগান দিয়্যে, যেন বেক্‌ পাপ্‌পানিত্তুন আমারে উদ্ধোর্ গুরি পারে আর সিয়েন্দোই এমন্‌ এক দল মান্‌জ্যরে সিজি গুরি পারে যিগুনে বানা তা মানুচ্ অবাক্ আর যিগুনে অন্যগুনোরে উপকার গুরিবাত্যে আয়োজি অবাক্।

ইব্রীয় 10:22

সেনত্যে বিশ্বেজর্ মাধ্যমে যে নিচ্চয়তাগান এজে, এজঅ, আমি সেই পুরোপুরি নিচ্চয়তাগানর্ খাটি রিবেঙোই গোজেন মুজুঙোত্ যেই; কিয়া দুষি বিবেগ আঢত্তুন্ আমা রিবেঙানরে লো ছিদিনেই সিজি গরা ওইয়্যে আর পন্ পানিলোই আমা কিয়্যেগানিরে ধূয়ো ওইয়্যে।

১ যোহন 1:7

মাত্তর্ গোজেনে যেধোক্ক্যেন পহ্‌রত আঘে আমিয়ো যুনি সেধোক্ক্যেন পহ্‌রত চলিই সালে আমা ভিদিরে উদোন্-বজন্ থায় আর তা পুয়োবো যীশুর লো-গান্দোই বেক্ পাপ্পানিত্তুন্ আমারে সিজি গরে।

যিহূদা 1:23

আগুনোত্তুন্ তুলি আনিনে অন্যগুনোরে রোক্ষ্যে গরঅ। পাপ-খাচ্চ্যদ্‌‌‌‌তোই যিগুনোর্ জিংকানিগানি কাজর্ ওইয়্যে তারার্ কাবড়ানিয়ো ঈচ্ গরঅ আর নিজোরে উজিয়ারে থোইনে তারারে দোয়্যে গরঅ।