গণাণা 19:18 - Chakma Bible

¹⁸ সে পরেদি সিজি অবস্থায় আঘে এধোক্ক্যেন এক্কো মানুচ্‌ এসোবর্‌ কয়েক্কো ডেলা সেই পানিগানত্‌ ভুরেইনে সেই তাম্বুলোত্‌, সে ভিদিরে পজাপিরানিত্‌ আর মানুচ্চুনো উগুরে সিয়েন্‌ ছিদি দিবো। মান্‌জ্যর হাড়্‌ বা গোর্ বা মারে ফেলেয়্যে বা মুরি যেইয়্যে মান্‌জ্যরে ধোজ্যে এধোক্ক্যেন মান্‌জ্য উগুরেয়ো সেই পানিগান্‌ ছিদি দিয়্যে পুরিবো।

গণাণা 19:18 Iomraidhean Croise

গীতসংহিতা 51:7

এসোব গাজর্ ডাল্লোই তুই মরে সিজি গর্, সিয়েন্দোই মুই সিজি ওম্; মরে ধোই ফেলা, সেক্কে মুই ধোক্ ধোক্যে ধুব্ ওম।

গীতসংহিতা 51:9

তুই মর্ পাপ্পানির ইন্দি ন-চেজ্; মর্ বেক্ অন্যেয়ানি তুই খেমা গর্।

যিশাইয় 52:15

মাত্তর্ পরেদি তে ভালোক্ জাদর মান্‌জ্যরে শুজি গুরিবো, আর সেনত্তে রাজাগুনে মুয়োনি নাঢি রাগেবাক্, কিত্তে যিয়েনি তারারে কুয়ো ন-অয় সিয়েনি তারা দেগিবাক্, আর যিয়েনি তারা ন-শুনোন্ সিয়েনি তারা বুঝিবাক্।”

গণাণা 19:17

এই বেক্‌ অসিজি মানুচ্চুনোরে অসিজিত্তুন্‌ সিজি গুরিবার্‌ আজাই যে য়েমানুন্‌ পুড়ো ওইয়্যে সিত্তুন্‌ কিজু ছেই এক্কো পানিকুমো ভিদিরে রাগেইনে সিবে উগুরে গঙার্‌ পানি ঢালি দিয়্যে পুরিবো।

গণাণা 19:19

সিজি অবস্থায় আগেদে মানুচ্চো অসিজি অবস্থায় পোজ্যে মানুচ্চো উগুরে তিন দিনোত্‌ আর সাত দিনোত্‌ সেই পানিগান্‌ ছিদি দিবো আর সাত দিনোত্‌ তে তারে সিজি গুরিবো। যিবেরে সিজি গরা অর্‌ তাত্তুুন্‌ তা কাবড়-চুগোরানি ধোয়্‌ ফেলেইনে পানিলোই গাদা পুরিবো আর্‌ সেদিন্যে তে সাজোন্যাত্তুন্‌ ধুরি সিজি অবঅ।

গণাণা 19:9

সিজি অবস্থায় আঘে এধোক্ক্যেন কনঅ মান্‌জ্যে সেই গোরুবোর্‌ ছেইয়ান তুলি নেযেইনে তাম্বুলোর্‌ বারেন্দি কনঅ সিজি জাগাত্‌ রাগেব। সেই ছেইয়ান্‌ ইস্রায়েলীয়গুনে সিজি গুরিবার্‌ পানি বানেই রাগেবাত্তে থোই দিবাক্‌। ইয়েন্‌ অসিজিত্তুন্‌ সিজি অবাত্তে বেবহার গরা পুরিবো।

যোহন 17:17

সত্যলোই তর্ নাঙে তুই তারারে যুদো গুরি থঅ। তর্ কধাগানি সেই সত্য।

যোহন 17:19

তারাত্যে তর্ নাঙে মুই নিজোরে যুদো গোজ্যং যেন সত্যলোই তারারেয়ো ফারগ্ গরা অয়।

১ করিন্হীয় 1:30

যীশু খ্রীষ্ট সমারে যে তুমি এগত্তর্ গুরি আঘ সিয়েন গোজেনত্তুন্ ওইয়্যে। যীশু খ্রীষ্ট আমা ইধু গোজেনর্ দিয়্যে জ্ঞান; তেয়ই আমার নিদ্দুজি, পবিত্র আর উদ্ধোর্।

ইব্রীয় 9:14

মাত্তর্ যে উমর্‌অ পবিত্র আত্মালোই গোজেন ইধু নিজোরে থুদো নেইয়্যে উৎসর্ব ইজেবে দান গুরিলো সেই যীশুর লো-গানে আমা বিবেগরে ফল-নেইয়্যে কামত্তুন্ আরঅ কত্তমান বেশ্ গুরি সিজি গুরিবো, যেনে আমি জেদা গোজেনর্ সেবা গুরি পারিই!

ইব্রীয় 9:19

বেক্‌ মানুচ্চুনো ইধু রীদি-সুদোমর্ পত্তি উগুম ফগদাং গরানার্ পর্ মোশি গোরু ছঅ আর ছাগলর্ লো ললঅ আর সিয়েন সমারে পানি মিজেইনে রাঙা রঙে রাঙেইয়্যে ভেড়ার কেশ্ আর এসোব গাজর্ ডেলালোই সিয়েন রীদি-সুদোমর্ বোইয়ো উগুরে আর মানুচ্চুনো উগুরে ছিদি দিলো।