গণাণা 19:17 - Chakma Bible

¹⁷ এই বেক্‌ অসিজি মানুচ্চুনোরে অসিজিত্তুন্‌ সিজি গুরিবার্‌ আজাই যে য়েমানুন্‌ পুড়ো ওইয়্যে সিত্তুন্‌ কিজু ছেই এক্কো পানিকুমো ভিদিরে রাগেইনে সিবে উগুরে গঙার্‌ পানি ঢালি দিয়্যে পুরিবো।

গণাণা 19:17 Iomraidhean Croise

পত্থম 26:19

ইস্‌হাক চাগরুনে সে শুগুনো গাঙানত্‌ কূয়ো খুড়িবাত্তে যেইনে এন্‌ এক্কো কুয়ো তোগেইনে পেইয়োন যিবের্‌ তলাত্তুন্‌ অন্‌জুর্‌ পানি উদের্‌।

পরমগীত 4:15

তুই যেন বাগানর্ পয়নালা, যেন উদুরে উঠ্যে কূয়ো পানি, যেন লেবাননত্তুন্ লামি এচ্চ্যে পানি গঙার্।

যিহিষ্কেল 36:25

মুই তমা উগুরে সাব্ পানি ছিদি দিম্, আর সেক্কে তুমি সিজি অবা; তমার্ বেক্ কজরানি আর মূত্তিগুনোত্তুন্ মুই তমারে সিজি গুরিম।

সখরিয় 13:1

মুই বেগত্তুন্ খেমতাবলা লগেপ্রভু কঙর্, সেদিন্যে দায়ূদো বংশর আর যিরূশালেম আদাম্মেগুনোর পাপ আর অসিজিগান ধোই ফেলেবাত্তে এক্কো পয়নালা খুলো অবঅ। সেদিন্যে দেজত্তুন্ মূত্তিগুন দূর গুরি দিয়্যে অবঅ আর তারার্ নাঙানিয়ো আর কারঅ মনত্ ন-থেবঅ। মুই দেজত্তুন্ তারার্ ভাববাদীগুনোরে দূর্ গুরি দিম আর ভান্ন্যেই আত্মাগুনোরেয়ো দূর্ গুরি দিম।

গণাণা 19:18

সে পরেদি সিজি অবস্থায় আঘে এধোক্ক্যেন এক্কো মানুচ্‌ এসোবর্‌ কয়েক্কো ডেলা সেই পানিগানত্‌ ভুরেইনে সেই তাম্বুলোত্‌, সে ভিদিরে পজাপিরানিত্‌ আর মানুচ্চুনো উগুরে সিয়েন্‌ ছিদি দিবো। মান্‌জ্যর হাড়্‌ বা গোর্ বা মারে ফেলেয়্যে বা মুরি যেইয়্যে মান্‌জ্যরে ধোজ্যে এধোক্ক্যেন মান্‌জ্য উগুরেয়ো সেই পানিগান্‌ ছিদি দিয়্যে পুরিবো।

গণাণা 19:9

সিজি অবস্থায় আঘে এধোক্ক্যেন কনঅ মান্‌জ্যে সেই গোরুবোর্‌ ছেইয়ান তুলি নেযেইনে তাম্বুলোর্‌ বারেন্দি কনঅ সিজি জাগাত্‌ রাগেব। সেই ছেইয়ান্‌ ইস্রায়েলীয়গুনে সিজি গুরিবার্‌ পানি বানেই রাগেবাত্তে থোই দিবাক্‌। ইয়েন্‌ অসিজিত্তুন্‌ সিজি অবাত্তে বেবহার গরা পুরিবো।

যোহন 7:38

যে মঅ উগুরে বিশ্বেজ্ গরে, পবিত্র বোইবোর্ কধা মজিম্ তা মনত্তুন্ জেদা পানির গাঙ্ বেঈ যানাত্ থেবঅ।”

ইব্রীয় 9:13

যিগুনে অসিজি অদাক্ সিগুনো উগুরে ছাগল আর বলদর্ লো বা গোরুছ-পুজ্জ্যে ছেই ছিদেনা অদঅ; সিয়েন্দোই তারার্ বারেদি কিয়্যেগান বানা সিজি ওইনে সাব্ অদঅ।

ফগদাং পেইয়্যে 7:17

কিয়া সেই ভেড়া-ছবুয়ো যিবে সিংহাসন উগুরে বৈ আঘে তেয়ই ইগুনোর্ গরক্ অবঅ। তাজা পানির উইফুদ ইধু তে ইগুনোরে নেযেব, আর গোজেনে ইগুনোর চোগো পানি পুঝি দিবো।”