গণাণা 19:13 - Chakma Bible

¹³ যুনি কনজনে কারঅ মরাকিয়্যেগান্ ধরানার পরেদি নিজোরে সিজি গুরি ন-নেযায় সালে তে লগেপ্রভুর থেবার্‌-তাম্বুলান অসিজি গরে। সেই মানুচ্চোরে ইস্রায়েলীয়গুনো ভিদিরেত্তুন্‌ বাদ দিয়্যে পুরিবো। তার্‌ কিয়্যেত্‌ সিজি গুরিবার্‌ পানি ছিদি দিয়্যে ন-অয় বিলি তে অসিজি থেবঅ আর তার্‌ অসিজিগান্‌ তা উগুরে থেই যেবঅ।

গণাণা 19:13 Iomraidhean Croise

যাত্রা 30:33

যুনি কনজনে এধোক্ক্যেন তুম্বাস্‌ জিনিস বানান্‌ বা ধর্মগুরু বাদে আর কারঅ কিয়্যেত্‌ সিয়েন্‌ দুয়োন্‌ সালে তারে তার্‌ জাদ ভিদিরেত্তুন্‌ বাদ্‌ দিয়্যে পুরিবো।”

গম্ উপদেজ্ 14:32

পাজিগুনোর অন্যেয় কামানিয়ে তারারে তলে লামেই দে, মাত্তর্ গোজেন ভক্ত মানুচ্চুনোর মরণর সময়ত্অ আজা থায়।

যিহিষ্কেল 44:26

সিজি অলে পরেদি তাত্তুন্ সাত দিন বাজ্জ্যেই থাহ্ পড়িবো।

লেবীয় 15:31

যেরেদি লগেপ্রভু মোশি আর হারোণরে কলঅ, “ইস্রায়েলীয়গুনো ভিদিরে মর্‌ থেবার্‌-তাম্বুল আঘে। তুমি বেক্‌ ফি-বলাগানত্তুন্‌ তারারে দূরোত্‌ রাগেবা যেনে তারা থেবার-তাম্বুলান ফি-বলা গুরিনে তারা ফি-বলাগান ভিদিরে মুরি ন-যান।”

লেবীয় 20:3

তাত্তুন্‌ মুই মুয়োন্‌ ফিরেই নিম্‌ আর তা জাদত্তুন্‌ মুই তারে তুলি ফেলেম, কিত্যে মোলক দেবেদা ইদু তার্‌ পূঅবো উৎসর্ব গুরিনে তে মর্‌ পবিত্র তাম্বুলান্ ফি-বলা গোজ্যে আর মর্‌ পবিত্র নাঙানর্‌ পবিত্রতাগান্‌ বরবাদ্ গোজ্যে।

লেবীয় 22:3

তুই তারারে কোই দিবে তারার্‌ বংশধরুনো ভিদিরে যুনি কনজনে ফি-বলা অবস্থায় লগেপ্রভুর নাঙে উৎসর্ব গোজ্যে কনঅ পবিত্র জিনিজোর্‌ কায়-‌কুরে এজন্‌ সালে তারে মঅ মুজুঙোত্তুন্‌ উদেই দিয়্যে পুরিবো। মুই লগেপ্রভু।

লেবীয় 22:4

কিয়্যেত্‌ চামাড়ারুগ্‌ নিইনে বা ফি-বলা মাসকাবরর্‌ অবস্থায় হারোণর্‌ কনঅ বংশধর্‌ সুদ্ধো-সাংগ ন-অনা সং উৎসর্ব গোজ্যে কনঅ পবিত্র জিনিস্ হেই ন-পারিবাক্। যুনি তে মরাকিয়্যেত্‌ বাজেদে কনঅ ফি-বলা জিনিস্ ধুরি ফেলায় বা যুনি তার্‌ বীর্যপাত(লের্ নিগিলে) ওই থায় বা কনঅ ফি-বলা চিগোন্-চাগোন্ প্রাণী বা ফি-বলা মানুচ্‌ তে ধুরি থায়-এক্কান কধায় তার্‌ ফি-বলাগানর্‌ কারনে যিয়েন্‌ অদ সাৎ, তে সাজোন্যে সং ফি-বলা অবস্থায় থেবঅ। পানিত্‌ ন-গাদানা সং তে কনঅ উৎসর্ব গোজ্যে পবিত্র জিনিস্ হেই ন-পারিবো।

লেবীয় 5:17

“যুনি কনজনে হবর্ ন-পেইনে লগেপ্রভুর্ মানা গোজ্যে কনঅ কিজু গুরিনে অন্যেয়্‌ গুরি ফেলায় ছালে তে দুষি অবঅ আর সেনত্তে তাত্তুন্‌ দায়ী উয়ো পুরিবো।

লেবীয় 5:3

যিয়েন্‌ মান্‌জ্যরে ফিবলা গুরিনে মান্‌জ্যর্‌ কিয়্যের এমন্‌ ফিবলা কনঅ কিজু যুনি কনজনে হবর্‌ ন পেইনে ধরন্‌ ছালে সিয়েন্‌ জানিবার্‌ পরেদি তে দুষি অবঅ।

লেবীয় 5:6

সেক্কে সে অন্যেয়র্‌ জরিবানা ইজেবে তাত্তুন্‌ লগেপ্রভুর্ নাঙে পাপ-উৎসর্বত্তে এক্কো পাদি ভেড়াছাগল-ছঅ বা পাদিছাগল আনা পুরিবো, আর ধর্মগুরুবো তার্‌ অন্যেয়ানি ঢাগি দিবার্‌ বেবস্থা গুরিবো।

লেবীয় 7:20

কনজনে যুনি ফি-বলা অবস্থায় লগেপ্রভু ইদু উৎসর্ব গোজ্যে উদোলোলি-উৎসর্বর্ য়েরা খায় ছালে তারে তা জাদ ভিদিরেত্তুন্‌ বাদ দিয়্যে পুরিবো।

লেবীয় 7:21

যুনি কনজনে মান্‌জ্যর্‌ বা য়েমানর্‌ কনঅ ফি-বলা জিনিস অথবা অন্য কনঅ ফি-বলা ঘিনাইদে জিনিস ধরন আর পরেদি লগেপ্রভু ইদু উৎসর্ব গোজ্যে উদোলোলি-উৎসর্বর্ য়েরা খায় ছালে তারে তার্‌ জাদ ভিদিরেত্তুন্‌ বাদ দিয়্যে অবঅ।”

গণাণা 15:30

“মাত্তর্‌ ইস্রায়েলীয় বা তারা ভিদিরে বজত্তি গোজ্যে অন্য জাদর্ মানুচ্চুনো ভিদিরেত্তুন্‌ যুনি কনজনে আওজ্ গুরি অন্যেয় গরন্‌ সালে তে লগেপ্রভুরে অগমান গরে। তারে তার্‌ জাদ ভিদিরেত্তুন্‌ উদেই দিয়্যে পুরিবো।

গণাণা 19:14

কনঅ মানুচ্‌ তাম্বুলো ভিদিরে মুরি গেলে এই আইনান্‌ মানা পুরিবো-যিগুনে সেই তাম্বুলো ভিদিরে চোমেবাক্ আর যিগুনে সেই তাম্বুলোত্‌ এলাক্‌ তারা সাত দিন সং অসিজি অবস্থায় থেবাক্।

গণাণা 19:18

সে পরেদি সিজি অবস্থায় আঘে এধোক্ক্যেন এক্কো মানুচ্‌ এসোবর্‌ কয়েক্কো ডেলা সেই পানিগানত্‌ ভুরেইনে সেই তাম্বুলোত্‌, সে ভিদিরে পজাপিরানিত্‌ আর মানুচ্চুনো উগুরে সিয়েন্‌ ছিদি দিবো। মান্‌জ্যর হাড়্‌ বা গোর্ বা মারে ফেলেয়্যে বা মুরি যেইয়্যে মান্‌জ্যরে ধোজ্যে এধোক্ক্যেন মান্‌জ্য উগুরেয়ো সেই পানিগান্‌ ছিদি দিয়্যে পুরিবো।

গণাণা 19:19

সিজি অবস্থায় আগেদে মানুচ্চো অসিজি অবস্থায় পোজ্যে মানুচ্চো উগুরে তিন দিনোত্‌ আর সাত দিনোত্‌ সেই পানিগান্‌ ছিদি দিবো আর সাত দিনোত্‌ তে তারে সিজি গুরিবো। যিবেরে সিজি গরা অর্‌ তাত্তুুন্‌ তা কাবড়-চুগোরানি ধোয়্‌ ফেলেইনে পানিলোই গাদা পুরিবো আর্‌ সেদিন্যে তে সাজোন্যাত্তুন্‌ ধুরি সিজি অবঅ।

গণাণা 19:20

অসিজি অনার পরেদি যুনি কনজনে নিজোরে সিজি গুরি ন-নেযায় সালে তারে তার্‌ সমাজ ভিদিরেত্তুন্‌ সমাজ বাড়া গরা পুরিবো, কিত্যে নিজোরে সিজি ন-গুরিনে তে লগেপ্রভুর পবিত্র তাম্বুলান অসিজি গোজ্যে। সিজি গুরিবার্‌ পানিগান্‌ তা উগুরে ছিদেনা ন-অয় বিলি তে অসিজি।

গণাণা 19:9

সিজি অবস্থায় আঘে এধোক্ক্যেন কনঅ মান্‌জ্যে সেই গোরুবোর্‌ ছেইয়ান তুলি নেযেইনে তাম্বুলোর্‌ বারেন্দি কনঅ সিজি জাগাত্‌ রাগেব। সেই ছেইয়ান্‌ ইস্রায়েলীয়গুনে সিজি গুরিবার্‌ পানি বানেই রাগেবাত্তে থোই দিবাক্‌। ইয়েন্‌ অসিজিত্তুন্‌ সিজি অবাত্তে বেবহার গরা পুরিবো।

গণাণা 8:7

ইঙিরিনে তুই তারারে শুদ্ধো-সাংগ গুরিবে: তারা উগুরে শুদ্ধো-সাংগ গুরিবার্‌ পানিগান ছিদি দিবে। সে পরেদি তারার গোদা কিয়্যেগান ধোইনে কাবড়-চুগোরানি ধোইনে নিজোরে শুদ্ধো-সাংগ গুরিবাক্।

গণাণা 9:13

মাত্তর্‌ ফি-বলা নয় বা যাত্রা পদথঅ নয় এধোক্কেন কনঅ মান্‌জ্যে যুনি উদ্ধোর অনার-পরপ্পো পালন্‌ ন-গরে, সালে তে ঠিগ্ সময়োত্‌ লগেপ্রভুর নাঙে উৎসর্ব ন-গরে বিলি তারে তার্‌ জাদ ভিদিরেত্তুন্‌ বাদ দিয়া পুরিবো। তাত্তুন্‌ তার্‌ পাপর ফল ভোগ্‌ গরাই পুরিবো।

যোহন 8:24

সেনত্তে মুই তমারে কঙর্, তুমি তমার্ পাপে মুরিবা। যুনি তুমি বিশ্বেজ্ ন-গরঅ যে, মুয়ই সিবে, সালে তুমি তমা পাপে মুরিবা।”

ইব্রীয় 10:29

সালে গোজেনর্ পুয়োবোরে যে ঈচ্ গোজ্জ্যে, যে লো-গান্দোই তে সিজি ওইয়্যে গোজেনর্ সেই বেবস্থার্ লো-গানরে যে অপবিত্র মনে গোজ্জ্যে আর যে দোয়্যে গরে সেই পবিত্র আত্মাগানরে যে অগমান গোজ্জ্যে, ভাবি চঅ, তে আরঅ কত্তমান বেশ্ সাজা পেবার্!

ইব্রীয় 9:10

সিয়েনি বানা কিয়্যের্ বেপার, অত্তাৎ বানা হানা-দানা আর ধর্মর্ সুদোম মজিম সিজি অনার্ বেপার। বানা বেক্কানি সুধরেবার্ সময় সং সিয়েনি কামত্ লাক্ক্যে।

ফগদাং পেইয়্যে 21:8

মাত্তর্ জ্বোল্‌জোল্যে আগুন আর গন্ধকর্ পুয়োর ভিদিরে থানা অবঅ দোরেয়্যে গুনোর্, অবিশ্বেজি, ঈচ্ গরা হেইয়্যে, পর্‌পাগোল্যে, যাদুকর, মূত্তি পূজো গুরিয়্যে আর বেক্‌ মিজে মাদিয়্যেগুনোর শেজ্ দজা। ইবেয়ই অলঅ দ্বি বার্ মরাণা।”

ফগদাং পেইয়্যে 22:11

যে জঘন্য, তে ইয়েনর্ পরেদিয়ো জঘন্য থোক্। গম্ মানুচ্ ইয়েনর্ পরেদিয়ো গম্ কাম গরানাত্ থোক্ আর যে মানুচ্চো পবিত্র, তে ইয়েনর্ পরেদিয়ো পবিত্র থোক্।”

ফগদাং পেইয়্যে 22:15

কুগুরো ধোক্ক্যেন জঘন্য মানুচ্, যাদুকর, পর্‌পাগোল্যে, খুনী, মূত্তি পূজোগুরিয়্যে, আর যিগুনে মিজে মাদানা কোচ্‌পান্ আর মিজে কধালোই চলন্, তারা বেক্কুনে বারেদি পড়ি আঘন্।