গণাণা 19:11 - Chakma Bible

¹¹ যুনি কনজনে কারর্ মরাকিয়্যে ধরন সালে তে সাতদিন সং অসিজি অবস্থায় থেবঅ।

গণাণা 19:11 Iomraidhean Croise

যিশাইয় 52:11

তুমি নিগিলি এজঅ, সে জাগানত্তুন্ নিগিলি এজঅ। তুমি কনঅ অসিজি পযাপিরা ন-ধোজ্য। তুমি যিগুনে লগেপ্রভুর পিলেবো বুয়োই নেযর্ তুমি সেই জাগানত্তুন্ নিগিলি এজঅ আর সিজি অ।

আবিলেচ্ 4:14

সেনত্তে তারা কান্ মানুচ্চুনো ধোক্ক্যেন পধে পধে বিজিরে বিজিরে বেড়েয়োন্; তারা এদক্ লোলোই ফি-বলা ওইয়োন্ যে, কনজনে তারার্ কাবড়ানি ধুরিবাত্তে ন-চান।

যিহিষ্কেল 39:12

ইস্রায়েলীয়গুনে সাত মাস সং তারার্ গোরত্ দিইনে দেজ্‌‌চান সিজি গুরিবাক্।

যিহিষ্কেল 44:26

সিজি অলে পরেদি তাত্তুন্ সাত দিন বাজ্জ্যেই থাহ্ পড়িবো।

লেবীয় 11:31

চিগোন্‌-চাগোন্‌ প্রাণিগুনো ভিদিরে ইগুনোই অবাক্ তমাত্যে ফিবলা। ইগুনোর্ মরাকিয়্যেগানি যে ধরে তে সাজোন্যে সং ফিবলা অবস্থায় থেবঅ।

লেবীয় 21:1

ইয়েনর্ পরেদি লগেপ্রভু মোশিরে কলঅ, তুই ধর্মগুরুগুনোরে, অত্তাৎ হারোণর্‌ পূঅগুনোরে কোই দে, তারার্‌ কুদুম্মোগুনো ভিদিরে কনজনে মুরি গেলে সিয়েনর্‌ কারনে কনঅ ধর্মগুরুর্‌ নিজোরে ফি-বলা গরানা ন-চলিবো।

লেবীয় 21:11

মরা কিয়্যে রোইয়্যে এবাবোত্যে কনঅ জাগাত্‌ তার্‌ যানা ন-চলিবো। কনঅ মরা মান্‌জ্যর্‌ কারনে, এন্‌ কি, বাপ্‌-মার্‌ মরাণার্‌ কারনেয়ো তার্‌ নিজোরে ফি-বলা গরানা ন- চলিবো বা তার্‌ গোজেনর্‌‌ পবিত্র তাম্বুলান ফেলেইনে আর কনজাগাত্‌ যানা ন-চলিবো বা তার্‌ পবিত্রতাগান্‌ বর্‌বাদ্ গরানা ন-চলিবো, কিত্যে গোজেনর্ অভিষেগ-তেল্‌লোই তারে যুদো গুরি রাগা ওইয়্যে। মুই লগেপ্রভু।

লেবীয় 22:4

কিয়্যেত্‌ চামাড়ারুগ্‌ নিইনে বা ফি-বলা মাসকাবরর্‌ অবস্থায় হারোণর্‌ কনঅ বংশধর্‌ সুদ্ধো-সাংগ ন-অনা সং উৎসর্ব গোজ্যে কনঅ পবিত্র জিনিস্ হেই ন-পারিবাক্। যুনি তে মরাকিয়্যেত্‌ বাজেদে কনঅ ফি-বলা জিনিস্ ধুরি ফেলায় বা যুনি তার্‌ বীর্যপাত(লের্ নিগিলে) ওই থায় বা কনঅ ফি-বলা চিগোন্-চাগোন্ প্রাণী বা ফি-বলা মানুচ্‌ তে ধুরি থায়-এক্কান কধায় তার্‌ ফি-বলাগানর্‌ কারনে যিয়েন্‌ অদ সাৎ, তে সাজোন্যে সং ফি-বলা অবস্থায় থেবঅ। পানিত্‌ ন-গাদানা সং তে কনঅ উৎসর্ব গোজ্যে পবিত্র জিনিস্ হেই ন-পারিবো।

লেবীয় 5:2

যুনি কনজনে হবর্ ন-পেইনে কনঅ ফিবলা কিজু ধরন্‌ ছালে তে নিজেয়ো ফিবলা অবঅ আর দুষি অবঅ, সিবে কনঅ ফিবলা ঝারর্‌ বা পালেয়্যে প্রাণীর্‌ মরাকিয়্যে ওক্‌ বা যে কনঅ চিগোন-চাগোন্‌ প্রাণীর্‌ মরা কিয়্যে ওক্‌।

হগয় 2:13

সেক্কে হগয় কলদে, “মরা কিয়্যে ধুরিনে অসিজি ওইয়্যে এবাবোত্যে কনঅ মানুচ্ যুনি ইয়েনির্ কনঅ এক্কান ধরে, সালে সে জিনিস্‌‌‌চান কি অসিজি ওই যেবঅ?” ধর্মগুরুগুনে জোব্ দিলাক্, “অয়, সিয়েন অসিজি ওই যেবঅ।”

গণাণা 19:16

যুদ্ধোত্‌ বা এনেবাদে মুরি যেইনে খোলা মাদত্‌ পড়ি আগন্‌ এধোক্ক্যেন কাররে যুনি কনজনে ধরন্‌ সালে তে সাত দিন সং অসিজি অবস্থায় থেবঅ। কনজনে যুনি মান্‌জ্যর্‌ হাড়্‌ বা গোর্ ধরন্‌ সালে তেয়ো সাত দিন সং অসিজি অবস্থায় থেবঅ।

গণাণা 31:19

“তমা ভিদিরে যিগুনে কাররে মাজ্যন্‌ বা মারে ফেলেইনে কাররে ধোজ্যন্‌ তারাত্তুন সাত দিন সং তাম্বুলোর্‌ বারেন্দি থাহ্ পুরিবো। তিন দিনোত্‌ বা সাত দিনোত্‌ তমার্‌ নিজোর্‌ বা বোন্দী গুরি আন্যে মানুচ্চুনোরে সিজি গুরি নেযা পুরিবো।

গণাণা 5:2

তুই ইস্রায়েলীয়গুনোরে এই উগুমান্‌ দে যেনে তারা তাম্বুলোত্তুন এমন্‌ বেক্‌ মানুচ্চুনোরে সোরেই দুয়োন্‌ যিগুনোর্‌ কনঅ চামাড়া রুগ আঘে বা যিগুনোর্‌ কিয়্যেত্তুন্‌ কনঅ রকম্‌ স্রাব অর্‌ বা মরাকিয়্যের্‌ কারনে যিগুনে ফি-বলা ওইয়োন্‌।

গণাণা 6:6

এ সময়ত্‌ তে কনঅ মরাকিয়্যের্‌ কায়কুরে যেই ন-পারিবো।

গণাণা 9:10

ইস্রায়েলীয়গুনোরে কোইদে, তারা বা তারার্‌ বংশধরুনো ভিদিরে যুনি কনজনে মরাকিয়্যে ধরানার্‌ কারনে ফি-বলা দজাত্‌ পড়ন্‌ বা তারা যুনি দূরোত্ যাইদে পদথ্‌ থান্‌ তো তারা লগেপ্রভুর নাঙে উদ্ধোর অনার-পরপ্পো পালন গুরি পেবাক্।

গণাণা 9:6

সেই সময়োত্‌ তারা ভিদিরে কয়েকজন মান্‌জ্যে এক্কো মরাকিয়্যে ধরানার্‌ কারনে ফি-বলা দজাত্‌ পুরিনে সেদিন্যে উদ্ধোর্ অনার-পরপ্পো পালন গুরি ন-পারিলাক্। তারা সেদিন্যে মোশি আর হারোণ ইদু গেলাক্।

প্রেরিত্‌ 21:26

সেক্কে পৌলে সেই মানুচ্চুনোরে নেযেইনে তারা সমারে নিজোরেয়ো সিজি গুরিলো। তার্ কেল্যে তে উবোসনা ঘরত্ গেলঅ, আর তারার্ সিজি অবার্ কামান্ কক্কে থুম্ অবঅ আহ্ পত্তি জনত্তে কক্কে এ্যামান্ উৎসর্ব গরা অবঅ সিয়েন জানেই দিলো।

প্রেরিত্‌ 21:27

সিজি অনার্ সেই সাত দিনো শেজত্ এশিয়া রেজ্যর্ কয়েক্কো যিহূদী পৌলরে উবোসনা-ঘরত্ দেগিলাক্। তারা সিধুগোর্ বেক্ মানুচ্চুনোরে ভেজেই দিলাক্ আর পৌলরে ধুরিলাক্।

রোমীয় 5:12

এক্কো মান্‌জ্যর্ মাধ্যমে পাপ পিত্‌থিমীত্ এচ্চ্যে আর সেই পাপর্ মাধ্যমে মরণ-অ এচ্চ্যে। বেক্‌ মানুচ্চুন্ পাপ গোজ্জ্যন্ বিলিনে এবাবোত্যেগুরি বেক্কুনো ইধু মরণান্ লুম্মেগি।

২ করিন্হীয় 6:17

গোজেনে আরঅ কোইয়্যেদে, “ইয়েনত্যে তুমি অবিশ্বেজিগুনো ভিদিরেত্তুন্ নিগিলি এজঅ আর ফারগ্ অ। কনঅ অসিজি জিনিস ন-ধোজ্জো, সালে মুই তমারে মানি লোম্।”

ইফিষীয় 2:1

অবাধ্যত্যে আর পাপত্যে তুমি মরা এলা।

ইব্রীয় 9:14

মাত্তর্ যে উমর্‌অ পবিত্র আত্মালোই গোজেন ইধু নিজোরে থুদো নেইয়্যে উৎসর্ব ইজেবে দান গুরিলো সেই যীশুর লো-গানে আমা বিবেগরে ফল-নেইয়্যে কামত্তুন্ আরঅ কত্তমান বেশ্ গুরি সিজি গুরিবো, যেনে আমি জেদা গোজেনর্ সেবা গুরি পারিই!