গণাণা 18:7 - Chakma Bible

⁷ মাত্তর্‌ ধর্মগুরু্‌ ইজেবে বানা তুই আর তর্‌ পূঅগুনে পূজোবোর আর পর্দার ভিদিরে কামানি গুরি পারিবাক্। ধর্মগুরুর্ কামান্ মুই দান ইজেবে তমারে দুয়োঙর্। লেবীয়গুনে বাদে আর কনজনে যুনি মিলন-তাম্বুলোর চাগালা ইদু এজন্‌ সালে তারে মারে ফেলা অবঅ।”

গণাণা 18:7 Iomraidhean Croise

গীতসংহিতা 115:10

ও হারোণর গুট্টি, লগেপ্রভু উগুরে ভর্ গরঅ - তেয়ই তারার বল্ দিয়্যে আর ঢাল।

যাত্রা 28:1

তুই ইস্রায়েলীয়গুনো ভিদিরেত্তুন্‌ তর্‌ ভেই হারোণ আর তার্‌ পূঅ নাদব, অবীহূ, ইলীয়াসর আর ঈথামররে তইদু এবাত্যেই হবর্‌ পাদা। তারা ধর্মগুরু ওইনেই মরে সেবা গুরিবাক্।

যিহিষ্কেল 44:15

মাত্তর্ ইস্রায়েলীয়গুনে যেক্কে মত্তুন্ ভান্ন্যেই পধেদি যেইয়োন্ সেক্কে সাদোক বংশর্ যে লেবীয়গুনে ধর্মগুরু ইজেবে মঅ ঘরত্ বিশ্বেজ্ গুরিনে তারার্ কামানি গোজ্যন্ তারা মর্ সেবা-কাম্ গুরিবাত্তে মইধু এই পারিবাক্; তারা তেল্ আর লো উৎসর্ব গুরিবাত্তে মঅ মুজুঙোত্ থিয়্যেই পারিবাক্। মুই প্রভু লগেপ্রভু এ কধাগান কঙর্।

যিহিষ্কেল 44:16

সিগুনে বানা মঅ ঘরত্ সোমেই পারিবাক্; বানা তারা মর্ সেবা-কামত্তে মঅ টেবিলান ইধু এই পারিবাক্ আর তারা মঅ ঘরর্ বেক কামানি গুরিবাক্।

যিহিষ্কেল 44:8

মঅ সুদ্ধো-সাংগ পযাপিরানি উগুরে তমার্ যে কাম্ গুরিবার কধা সিয়েনি ন-গুরিনে মঅ ঘরর্ ভারান্ তুমি অন্যগুনো আঢত্ তুলি দুয়ো।

লেবীয় 16:2

তে কলঅ, তর্‌ ভেই হারোণরে কঅ‌, সাক্ষ্য-সুন্দুগো উগুরে ঢাগোনিগান মুজুঙোত্ যে পর্দাগান্‌ রোইয়ে ‍সিয়েনর্‌ পিজেন্দি সে পবিত্র জাগানত্‌ তে যেন তার্‌ আওজ্ মজিম যেক্কে-সেক্কে ন-যায়। সেধোক্ক্যেন গুরিলে তে মুরি যেবঅ, কিত্তে সে ঢাগনিগান উগুরে মেঘ ভিদিরে মুই দেগা দিম্‌।

লেবীয় 7:35

হারোণ আর তার্‌ পূঅগুনোরে যেদিন্যে ধর্মগুরু্‌ ইজেবে লগেপ্রভুর্ সেবা গুরিবাত্তে নেযা ওইয়্যে সেদিন্যে লগেপ্রভুর্ নাঙে আগুন্দোই-গোজ্যে উৎসর্বর য়েমানত্তুন্‌ এ ভাগ্‌কান্‌ তারার্ পাওনা বিলি ঠিগ্ গুরি রাগা ওইয়্যে।

গণাণা 1:51

থেবার্‌-তাম্বুলান যেক্কে অন্য কনকিত্তে নেযা পুরিবো সেক্কে লেবীয়গুনেই সিবে খুলিবাক আর যেক্কে সিবে মিলেই জানা পুরিবো সেক্কে তারাত্তুনো সিবে মিলে পুরিবো। অন্য কনজনে তাইদু গেলে তারে মারে ফেলা অবঅ।

গণাণা 16:40

মোশিরে দিইনে লগেপ্রভু তারে যে উগুমান দিয়্যে তে সিয়েনোই গুরিলো। ইয়েন গরা অলঅ যেনে ইস্রায়েলীয়গুনে মনত্‌ রাগান, হারোণর বংশধর বাদে আর কনজনে পৌইরেগ্ জ্বালেবাত্তে লগেপ্রভুর মুজুঙোত্‌ যেই ন-পারন; যুনি কনজনে যান্‌ সালে তার্‌ অবস্থা কোরহ আর তার দলর মানুচ্চুনো ধোক্ক্যেন অবঅ।

গণাণা 18:20

ইয়েনর্ পরেদি লগেপ্রভু হারোণরে কলঅ, ইস্রায়েলীয়গুনোর দেজত্‌ তুই কনঅ সোম্বোত্তির গিরোজ্ ন অবে আর ভুই-জোবিনোর্‌ কন ভাগঅ তুই ন পেবে। ইস্রায়েলীয়গুনো ভিদিরে মুয়ই তর্‌ পাওনা ভাগ, মুয়ই তর্‌ সোম্বোত্তি।

গণাণা 18:3

তর্‌ অধীনোত্‌ থেইনে সাক্ষ্য-তাম্বুলোর বেক্‌ কামানি তারাত্তুন্‌ গরা পুরিবো, মাত্তর্‌ পবিত্র তাম্বুলোর কনঅ জিনিজো ইদু বা পূজোবো ইদু তারা যেই ন-পারিবাক্। সিয়েন গুরিলে তুমি আর তারা বেক্কুনে মারা পুড়িবা।

গণাণা 3:10

ধর্মগুরু ইজেবে কাম গুরিবাত্তে তুই হারোণ আর তার পূঅগুনোরে নেযা। তারা বাদেয়ো আর কনজনে যুনি ধর্মগুরুর কাম্‌ গুরিবাত্তে যান্‌ সালে তারে মারে ফেলা অবঅ।”

গণাণা 3:38

মিলন-তাম্বুলো মুজুঙোত্, অত্তাৎ থেবার-তাম্বুলো পূগেন্দি মোশি, হারোণ আর তাঁর পূঅগুনোরে তাম্বুল তুলিবাত্তে কুয়ো ওইয়্যে। তাঁরার্‌ দায়িত্বো এলদে ইস্রায়েলীয়গুনোর্‌ ওইনে পবিত্র তাম্বুর বেক্‌ কামানি পরিচালনা গরানা। তাঁরা বাদে আর কনজনে পবিত্র তাম্বুল ইদু গেলে তারে মারে ফেলেবাত্তে কুয়ো ওইয়্যে।

মথি লেখ্যে গম্ হবর্ 10:8

ইয়েন বাদেয়ো অসুখ্যেগুনোরে গম্ গরঅ, মরাগুনোরে জিংকানি দুয়ো, ফারাঙি বলাগুনোরে গম্ গরঅ আর ভান্ন্যেই আত্মাগানিরে ধাবেই দুয়ো। তুমি মাগানা পেইয়ো, মাগানা দুয়ো।

যোহন 3:27

ইয়েনর্ জোবত্ যোহনে কলঅ, “স্বর্গত্তুন্ দিয়্যে ন-অলে কারঅ পক্ষে কনঅ কিজু পানা সম্ভব্ নয়।

ইফিষীয় 3:8

গোজেনর্ বেক্‌ মানুচ্চুনো ভিদিরে মত্তুন্ তলে আর কেঅ নেই, তো খ্রীষ্টর্ যে সম্পদর কধা পুরোপুরি গুরি বুঝি পারা ন-যায়, অযিহূদীগুনো ইধু সেই সম্পদর গম্ হবরান জানেবার কামান্ গোজেনে দোয়্যে গুরিনে মরে দিয়্যে।

দ্বি’লম্বর বিররণ 18:2

ইস্রায়েলীয় ভেইয়ুনো ভিদিরে তারার সোম্বোত্তি বিলি কিচ্ছু ন থেবঅ। লগেপ্রভুর এগেম্ মজিম লগেপ্রভুই অবঅ তারার সোম্বোত্তি।

ইব্রীয় 5:4

দাঙর্ ধর্মগুরু অবার্ সর্মানান কেঅ নিজে লোই ন-পারে, মাত্তর্ গোজেনে যিবেরে ডাগে তেয়ই সেই সর্মানান পায়, যেধোক্ক্যেন দাঙর্ ধর্মগুরু অবাত্যে গোজেনে হারোণরে ডাক্ক্যে।

যিহোশূয় 18:7

মাত্তর্‌ লেবীয়গুনে তমা লগে কনঅ‌ ভাগ ন-পেবাক্‌, কিত্যে লগেপ্রভু ধর্মগুরু ইজেবে সেবা-কাম্‌ গরানা অলঅ‌ তারার্‌ সোম্বোত্তি। গাদ-আর রূবেণ-গুট্টির মানুচ্চুনে আর মনঃশি-গুট্টির অদ্দেক মানুচ্‌ আগে যর্দন গাঙর্‌ পূগেন্দি তারার সোম্বোত্তিগানি পেইয়োন্‌। লগেপ্রভুর চাগর্‌ মোশি সিয়েন তারারে দি যেইয়্যে।”

১ পিতর 5:2

তমা ইধু যে গোজেনর্ পাল আঘে তুমি সিবের্ গরক্ অ। দেগাশুনো গরা পরিবো বিলিনে যে তারারে দেগাশুনো গুরিবে সিয়েন নয়, বরং নিজোর আওজে সিয়েন গরঅ, কিয়া গোজেনে তমা ইধু সিয়েনই চায়। লাভর্ আজায় এ কামান ন-গোজ্জ্য, মাত্তর্ আওজ্‌ গুরিনে গরঅ;

১ পিতর 5:3

তমা তলেদি যিগুনে আঘন সিগুনো উগুরে প্রভু ন-ওইয়ো, বরং এমন্‌ অ যেনে তমারে দেগিনে তারা শিগি পারন্।

১ শমূয়েল 2:28

ইস্রায়েলীয়গুনোর পুরো গুট্টির ভিদিরেত্তুন কি মুই লেবীয়গুনোরে বেঈ ন-লং, যেনে তারা মর্‌ ধর্মগুরু ওইনে মর্‌ পূজোবো ইদু যেইনে পৌইরেক জ্বালেই পারন আর এফোদ উরিনে মর্‌ মুজুঙোত্‌ এই পারন? ইস্রায়েলীয়গুনোর বেক্‌ পুজ্যে-উৎসর্বর ভাগ কি মুই তারারে আর তারার বংশগুনোরে ন-দুয়োং?