গণাণা 18:5 - Chakma Bible

⁵ ইস্রায়েলীয়গুনো উগুরে যেনে আরঅ মর্‌ রাগ্‌কান্ ফগদাং ন-অয় সেনত্তে পবিত্র তাম্বুলোর আর পূজোবো দেগাশুনো গুরিবার্‌ ভারান্ তমা উগুরে থেবঅ।

গণাণা 18:5 Iomraidhean Croise

১ বংশধর 23:24

ইগুনে অলাক্‌ বংশ অনুসারে লেবি-গুট্টির নানান্‌ বংশর নেতা। ইগুনো বংশ মানুচ্চুনো ভিদিরে যিগুনোর বয়স এলদে কুড়ি বা তাত্তুন্‌অ বেজ্ তারারে গুণিনে নাঙানি লেগা ওইয়্যে, আর তারা অলাক্‌ লগেপ্রভুর ঘরর্‌ সেবাগুরিয়্যে।

১ বংশধর 23:32

ইঙিরিনে লেবীয়গুনে মিলন-তাম্বুলোর আর পবিত্র জাগানি দেগাশুনো গুরিদাক্‌ আর লগেপ্রভুর ঘর সেবা-কামত্তে তারার্‌ ভেই হারোণ বংশধরুনো অধীনোত্‌ কাম্‌ গুরিদো।

১ বংশধর 24:5

ইলিয়াসর আর ঈথামর, এ দ্বিবে বংশর নেতাগুনে তবনা-ঘরর্‌ আর গোজেনর কামগুরিয়্যে এলাক্‌ বিলিনে কার পক্ষেন্দি ন-টানিনে চাম্বা চেইনে ধর্মগুরুগুনোর কামানি ভাগ গরা অলঅ।

১ বংশধর 9:23

তারা বংশর্ মানুচ্চুনে লগেপ্রভু ঘরর্‌, অত্তাৎ থেবার্‌-তাম্বুলো দোরানিত্‌ চুগি দিদাক্‌।

১ বংশধর 9:33

লেবি-গুট্টির বংশ-নেতাগুনে যিগুনে গান-বাজনা গুরিদাক্‌ তারা তবনা-ঘরর্‌ গুদিগুনোত্‌ থেদাক্‌। গান-বাজনা কামত্‌ তারা দিন-রেত্‌ থেদাক্‌ বিলিনে তারা উগুরে অন্য কনঅ কাম ভারান্‌ দিয়্যে ন-অয়।

যাত্রা 27:21

এই মিলন-তাম্বুলর্‌ সাক্ষ্য-সুন্দুগো মুজুঙোত্‌ যে পর্দাগান্‌ থেবঅ‌ সেই পর্দাগানর্‌ বারেদি হারোণ আর তার্‌ পূঅগুনে সাজোন্যেত্তুন্‌ ধুরি বেন্যেমাদান সং লগেপ্রভুর্‌ মুজুঙোত্‌ চেরাক্কুন্‌ দেগাশুনো গুরিবাক্। ইস্রায়েলীয়গুনে যেনে বংশর্‌ পর্‌ বংশ্‌ ধুরিনে আজল সুদোম্‌ ইজেবে ইয়েনি পালন গরন্‌।

যিরমিয় 23:15

“সেনত্তে মুই বেগত্তুন্ খেমতাবলা লগেপ্রভুর ভাববাদীগুনো পৌইদ্যেনে কঙর্, মুই তারারে তিদে হানা আর বিষবলা পানি হাবেম, কিত্তে যিরূশালেমর ভাববাদীগুনো ইত্তুন গোজেন উগুরে ভোক্তিনেইয়্যে বেক্ দেজ্‌চান ছিদি যেইয়্যে‍‍‍‍‍‍‍।”

যিহিষ্কেল 44:15

মাত্তর্ ইস্রায়েলীয়গুনে যেক্কে মত্তুন্ ভান্ন্যেই পধেদি যেইয়োন্ সেক্কে সাদোক বংশর্ যে লেবীয়গুনে ধর্মগুরু ইজেবে মঅ ঘরত্ বিশ্বেজ্ গুরিনে তারার্ কামানি গোজ্যন্ তারা মর্ সেবা-কাম্ গুরিবাত্তে মইধু এই পারিবাক্; তারা তেল্ আর লো উৎসর্ব গুরিবাত্তে মঅ মুজুঙোত্ থিয়্যেই পারিবাক্। মুই প্রভু লগেপ্রভু এ কধাগান কঙর্।

যিহিষ্কেল 44:16

সিগুনে বানা মঅ ঘরত্ সোমেই পারিবাক্; বানা তারা মর্ সেবা-কামত্তে মঅ টেবিলান ইধু এই পারিবাক্ আর তারা মঅ ঘরর্ বেক কামানি গুরিবাক্।

লেবীয় 10:6

মোশি যেরেন্দি হারোণ আর তার্‌ দ্বিবে পূঅ ইলীয়াসর্‌ আর ঈথামররে কলঅ, “দুঘে তমার্ চুলানি বান্যেগান্‌ খুলি ন-দুয়ো আর কাবড় ফাদি ন-দুয়ো। সিয়েন্‌ গুরিলে তুমি মুরি যেবা আর গোদা ইস্রায়েল্‌ জাদ উগুরে লগেপ্রভু বেজার্ অবঅ। মাত্তর্‌ লগেপ্রভু যিগুনোরে আগুন্দোই মারে ফেলেয়্যে তারাত্তে তমার্ কুদুম্মোগুনে, অত্তাৎ অন্য ইস্রায়েলীয়গুনে আবিলেচ্ গুরি পারিবাক্।”

লেবীয় 24:3

মিলন-তাম্বুলো ভিদিরে সাক্ষ্য-সুন্দুগোর পর্দাগানর বারেন্দি হারোণে সাজোন্যেত্তুন্‌ ধুরি বেন্যেমাদান সং লগেপ্রভুর্ মুজুঙোত্ চেরাক্কুন চাহ্ পুরিবো। বংশর পর বংশ ধুরি ইবে অবঅ এক্কো থিদেবর্ গোজ্যে সুদোম।

সখরিয় 10:3

লগেপ্রভু কত্তে, গরক্কুনো বিরুদ্ধে মঅ রাগ্‌‌কান জুলি উদের্, সেনত্তে মুই নেতাগুনোরে সাজা দিম। মুই বেগত্তুন্ খেমতাবলা লগেপ্রভু নিজো পালর্, অত্তাৎ যিহূদার মানুচ্চুনোরে দেগাশুনো গুরিম আর যুদ্ধোর্ বোলী ঘোড়া ধোক্ক্যেন গুরি তুলিম।

গণাণা 1:50

সাক্ষ্য-তাম্বুলর সাজ-গুজোর জিনিসচানি আর তার্‌ বেক্কানি দেগাশুনোর দায়িত্তো তুই তারা উগুরে দিবে। তারার্‌ কাম অবঅ থেবার-তাম্বুল আর তার্‌ বেক্‌ সাজ-গুজ্‌চানি বুয়োই নেযানা। ইয়েনর দেগাশুনোর্‌ ভারান তারাত্তুনো নেযা পুরিবো আর তারাত্তুনো ইয়েনর চেরোকিত্তে তাম্বুল-বানেইনে থাহ্ পুরিবো।

গণাণা 1:53

যেনে ইস্রায়েলীয়গুনো উগুরে লগেপ্রভুর সাজা লামি ন-এজে সেনত্তে সাক্ষ্য-তাম্বুলর্‌ চেরোকিত্তে লেবীয়গুনে তাম্বুল বানেইনে থাহ্‌ পুরিবো। সাক্ষ্য-তাম্বুলোর দেগাশুনোত্তে লেবীয়গুনেই দায়ী থেবাক্।”

গণাণা 16:46

সে পরেদি মোশি হারোণরে কলঅ, “তর্‌ পৌইরেগর্ কদরাবো লোইনে সিয়েনত্‌ পূজোবোত্‌ আগুন ভোরেইনে তা উগুরে পৌইরেগ্ দিচ্‌ আর যাদিগুরি সেই মানুচ্চুনো ইদু যেইনে তারার্‌ পাপ্পানি ঢাগিবার্‌ বেবস্থা গর্‌। লগেপ্রভুর রাগ্‌‌কান্ ফগদাং অলঅ, ভানাপিড়ে আরাম্ভ ওই গেলঅ।।”

গণাণা 18:4

তারা তর্‌ কামত্‌ মিজেবাক; মিলন-তাম্বুলোর দেগাশুনোর ভারান্‌, অত্তাৎ সেই তাম্বুলোর বেক্‌ কামর্‌ ভারান্‌ তারা উগুরে থেবঅ। মাত্তর্‌ তমা ইদু লেবীয়গুনে বাদে অন্য কনজনে যেই ন-পারিবাক্।

গণাণা 4:18

“তুমি চেইয়ো যেনে লেবি-গুট্টির্‌ ভিদিরেত্তুন্‌ কহাতীয় বংশগুন্‌ বাদ ন-যান।

গণাণা 8:19

ইস্রায়েলীয়গুনো ভিদিরে এই লেবীয়গুনোরে মুই হারোণ আর তার্‌ পূঅগুনোরে দান গোজ্যং, যেনে তারা ইস্রায়েলীয়গুনোর্‌ ওইনে মিলন-তাম্বুলোত্‌ কাম্‌ গরন্‌ আর তারার্‌ পাপ্পানি ঢাগিবার্‌ বেবস্থা গরন্‌। সিয়েনত্যে ইস্রায়েলীয়গুনে পবিত্র তাম্বুলো ইদু গেলেয়ো তারা উগুরে কনঅ দজা লামি ন-এবঅ।”

গণাণা 8:2

“তুই হারোণরে কঅ, বদঙর্ সাত্‌তো চেরাগ তাত্তুন্‌ এমন্‌গুরি বজা পুরিবো যেনে সিগুনোর পহ্‌রান্ বদঙর মুজুঙো জাগানত্‌ পড়ে।”

১ তীমথিয় 1:18

কোচ্‌পেইয়্যে পুয়ো তীমথিয়, তঅ পৌইদ্যেনে অন্যগুনে ভাববাদী ইজেবে যে কধানি কোইয়োন সেই কধা মজিম মুই তরে এ উগুমান দুয়োঙর্। সেই কধানি ইদোত্ রাগেইনে তুই খ্রীষ্টর পক্ষে মনেপরাণে যুদ্ধো গুরি যাহ্,

১ তীমথিয় 5:21

গোজেন আর খ্রীষ্ট যীশু আর বেঈ লোইয়্যে স্বর্গদূত্‌‍‍‍ত‌‍‍ুনো মুজুঙোত্ মুই তরে এ উগুমান দুয়োঙর্-কারঅ পক্ষ ন-লোইনে ইয়েনি বেক্কানি গুরিবে আর একচোক্ক্যে ওইনে কনঅ কাম ন-গুরিচ্।

১ তীমথিয় 6:20

ও তীমথিয়, যিয়েন রোক্ষ্যে গুরিবাত্যে তরে দিয়্যে ওইয়্যে সিয়েন গমেডালে রোক্ষ্যে গর্। মিজে জ্ঞানর্ ভোক্তি-নেইয়্যে বাজে কধা আর ভুল্ শিক্ষ্যেত্তুন্ দূরোত্ থাগ্।