গণাণা 18:24 - Chakma Bible

²⁴ সিয়েনর বদলে ইস্রায়েলীয়গুনে লগেপ্রভু ইদু দান ইজেবে তারার আয়র্ যে দশ ভাগর এক ভাগ্‌ আনিবাক্ সিগুনোই মুই পাওনা ইজেবে তারারে দিলুং। সেনত্তে মুই লগেপ্রভু তারা পৌইদ্যেনে কঙর্‌, লেবীয়গুনে অন্য ইস্রায়েলীয়গুনো ভিদিরে কনঅ সোম্বোত্তির গিরোজ্ ন-অবাক্‌।”

গণাণা 18:24 Iomraidhean Croise

নহিমিয় 10:38

লেবীয়গুনে যেক্কে দশমাংশ নিবাক্‌ সেক্কে তারার্‌ লগে থেবাক্‌ হারোণর বংশর এক্কো ধর্মগুরু। লেবীয়গুনে সে বেক্‌ দশমাংশগুনোর্‌ দশ ভাগর্‌ এক ভাগ্‌ আমা গোজেনর ঘরর্‌ ধনভান্ডালর্‌ গুদিগুনোত্‌ নেযেবাক্‌।

নহিমিয় 13:12

সে পরেন্দি যিহূদার বেক্‌ মানুচ্চুনে তারার্‌ ধানর্‌, নূয়ো আংগুর-রসর আর তেলর্‌ দশমাংশগুন্‌ ভান্ডাল-ঘরত্‌ আনিলাক্‌।

লেবীয় 27:30

“ভূইয়োত্তুন্‌ যিয়েনি পাহ্ যেবঅ তার্‌ দশ ভাগর্‌ এক ভাগ লগেপ্রভুর-সিয়েন্‌ ভূইয়োর্‌ ফসল ওক্‌ বা গাজর্‌ গুলোগুলি ওক্। সিয়েন্‌ লগেপ্রভুর্ নাঙে যুদো গুরি রাগেয়্যে ।

গণাণা 18:25

ইয়েনর্ পরেদি লগেপ্রভু মোশিরে কলঅ লেবীয়গুনোরে এই কধাগান্‌ কবাত্তে, অন্য ইস্রায়েলীয়গুনোর আয়র্ যে দশ ভাগর্‌ এক ভাগ্‌ মুই তমারে পাওনা ইজেবে দুয়োঙর্‌ সিগুন পেবার পরেদি সিয়োত্তুন্‌ দশ ভাগর্‌ এক ভাগ্‌ লগেপ্রভুর নাঙে তমার্‌ উৎসর্ব গরা পুরিবো।

গণাণা 26:62

এক মাস বা তাত্তুন্‌ বেশ্‌ বয়জর্‌ লেবীয় মরত্তুনোর্‌ সোংখ্যে এলাক্‌ তেইশ আজার্। ইস্রায়েলীয়গুনো ভিদিরে ইগুনোরে কনঅ জাগাত্‌ অধিকার্‌ দিয়্যে ন-অয় বিলি অন্য ইস্রায়েলীয়গুনো সমারে ইগুনোরে গোণা ন-অয়।

দ্বি’লম্বর বিররণ 10:9

সেনত্যেই লেবীয়গুনে তারার্‌ ইস্রায়েলীয় ভেইয়ুনো ভিদিরে সোম্বোত্তির্‌ কনঅ ভাগ বা অধিকার্‌ ন-পান; তমা গোজেন লগেপ্রভুর কধা মজিম লগেপ্রভুই তারার্‌ সোম্বোত্তি।

দ্বি’লম্বর বিররণ 26:12

পত্তি তিন বজরত তমার বেক্‌ ফসলানির দশ ভাগর এক ভাগ আদায় গরানা শেজ্‌ অলে সিগুন তুমি লেবীয়, বিদেশী আদাম্মেগুন, মা-বাপ নেইয়্যে আর রানি মিলেগুনোরে দিবা। সেক্কে সেই মানুচ্চুনোর তমার দেজ ভিদিরে খেই-দেই ঈল্‌ অবঅ।

যিহোশূয় 13:14

মাত্তর্‌ লেবি-গুট্টিবোরে মোশি কনঅ সোম্বোত্তির অধিকারী ন-গরে, কিত্যে লগেপ্রভুর শমক্‌ মজিম্ ইস্রায়েলীয়গুনোর গোজেন্‌ লগেপ্রভুর নাঙে আগুন্দোই-গোজ্যে উৎসর্বর্‌ জিনিস্‌চানি অলঅ‌ তারার্‌ সোম্বোত্তি।