গণাণা 18:21 - Chakma Bible

²¹ “ইস্রায়েলীয়গুনে তারার্‌ আয়র্‌ যে দশ ভাগর এক ভাগ মরে দিবাক সিগুন্‌ মুই পাওনা ইজেবে লেবীয়গুনোরে দিলুং। মিলন-তাম্বুলোর সেবা কামর্‌ বদলে তারা সিয়েনি পেবাক।

গণাণা 18:21 Iomraidhean Croise

পত্থম 14:20

যিবে তঅ শত্রুগুনোরে তঅ আঢত্‌ দিলো সেই দাঙর্‌ গোজেনরে বাঈনী গরা ওক্।” সেক্কে অব্রামে তার উদ্ধোর গোজ্যে পযাপিরানির দশভাগর একভাগ মল্কীষেদকরে দিলো।

পত্থম 47:24

খেত-খেত্তি কাবিবার পরেদি তুমি বেক্‌ ফসলানির্ পাজ্‌ ভাগর্‌ এক ভাগ্‌ ফরৌণরে দিবা, আর বাগী চের্‌ ভাগ্‌ ভুইয়ো বীজোত্তেই আর নিজোর্‌, পরিবার মানুচ্চুনোত্যেই আর পুয়ো-ঝিগুনোর্ হেবাত্তে রাগেবা।”

পত্থম 47:26

পরেদি যোষেফে মিসর দেজ জাগা-জোমি পৌইদ্যেনে এ সুদোমান্‌ জারি গুরিলো, বেক্‌ ফসলর পাঁজ্‌ ভাগর্‌ এক ভাগ্‌ ফরৌণর অবঅ। এ সুদোমান্‌ এজঅ মিসর দেজত্‌ চলের্‌। বানা ধর্মগুরুগুনো ভুইয়ানি ফরৌণর্‌ সোম্বোত্তি ভিদিরে ন-পড়ে।

২ বংশধর 31:12

সে পরেন্দি মানুচ্চুনে বক্‌শিজ্, বেক্‌ জিনিসছানিত্তুন্‌ দশ ভাগর্‌ একভাগ আর লগেপ্রভুর নাঙে যুদো রাগেয়্যে জিনিস্‌ছানি বিশ্বেজর্‌ লগে ভান্ডাল-ঘরত্‌ আনা ধুরিলাক্‌। কনানিয় নাঙে এক্কো লেবীয় উগুরে এলদে এ পুরো জিনিসছানির্‌ চেই চিদিবার্‌ ভারান্‌ আর তার্‌ ভেই শিমিয়ি তার্‌ এযাল্‌দিয়্যে এলঅ।

নহিমিয় 10:37

ইয়েনিবাদেয়ো আমা মোয়দ্যের্‌ আর শোজ্য-উৎসর্বর পত্তম্‌ ভাগ্‌কুয়ো, বেক্‌ গাজ্‌ছুনোর পত্তম ফল্লো আর নূয়ো আংগুর-রস আর তেলর্‌ পত্তম্‌ ভাগ্‌কুয়ো আমি আমার গোজেনর ঘরর্‌ ভান্ডাল-ঘরত্‌ ধর্মগুরুগুনোর্‌ ইদু আনিবোং। আর আমা ফসলর দশ ভাগর্‌ এক ভাগ্‌ লেবীয়গুনোর্‌ ইদু আনিবোং, কিত্যে আমা বেক্‌ আদামানিত্‌ লেবীয়গুনে দশমাংশ গুজি লন্‌।

নহিমিয় 10:38

লেবীয়গুনে যেক্কে দশমাংশ নিবাক্‌ সেক্কে তারার্‌ লগে থেবাক্‌ হারোণর বংশর এক্কো ধর্মগুরু। লেবীয়গুনে সে বেক্‌ দশমাংশগুনোর্‌ দশ ভাগর্‌ এক ভাগ্‌ আমা গোজেনর ঘরর্‌ ধনভান্ডালর্‌ গুদিগুনোত্‌ নেযেবাক্‌।

নহিমিয় 12:44

ভান্ডাল-ঘরত্‌ যিদুক্কুন্‌ দান, পত্তমে তুল্যে ফসল আর দশমাংশ আনা অদঅ সিগুন্‌ চেইচিদিবাত্তে সে অক্তত্‌ মানুচ্চুনোরে নেযা অলঅ। তারা আদামানির কায়-কুরে ক্ষেদত্তুন্‌ রীদি-সুদোম মজিম ধর্মগুরু আর লেবীয়গুনোত্তে মানুচ্চুনোর ইত্তুন্‌ ফসলর ভাগ্‌ লোই এদাক্‌। যিহূদার মানুচ্চুনে হুজি মনে দিদাক্‌, কিত্যে সেবাগুরিয়্যে ধর্মগুরু আর লেবীয়গুনোরে কামত্‌ তারা হুজি এলাক্‌।

নহিমিয় 12:47

সরুব্বাবিল আর নহিমিয়োর সময়োত্‌অ ইস্রায়েলীয়গুনে বেক্কুনে গানগেইয়্যেগুনোরে আর চুগিদারুনোরে পত্তিদিনোর্‌ পাইদে ভাগ্‌কুন দিদাক্‌। ইয়েনিবাদেয়ো তারা অন্য লেবীয়গুনোর পাইদে ভাগ্‌কুনঅ যুদো গুরি রাগেদাক্‌ আর লেবীয়গুনে যুদো গুরি রাগেদাক্‌ হারোণর বংশধরুনোর পাইদে ভাগ্‌কুন।

নহিমিয় 13:12

সে পরেন্দি যিহূদার বেক্‌ মানুচ্চুনে তারার্‌ ধানর্‌, নূয়ো আংগুর-রসর আর তেলর্‌ দশমাংশগুন্‌ ভান্ডাল-ঘরত্‌ আনিলাক্‌।

মালাখি 2:4

বেগত্তুন্ খেমতাবলা লগেপ্রভু আরঅ কত্তে, “তুমি হবর্ পেয়ো, মুই তমা ইধু এই উজিয়ার কধাগান পাদেয়োং যেনে লেবির বংশত্তে থিদেবর্ গোজ্যে মর্ সুদোমান চালু থায়।

মালাখি 3:10

তুমি তমার্ বেক দশমাংশগুন্ ভান্ডাল-ঘরত্ আনিবা যেনে মঅ ঘরত্ হানা থায়। এ পৌইদ্যেনে তুমি মরে পোরোক্ষ্যে গুরি চঅ, মুই বেগত্তুন্ খেমতাবলা লগেপ্রভু আগাজর্ বেক দোরানি খুলিনে তমার্ দরকারত্তুন্অ বেশ্ আশিদ্‌বাদ ঢালি দৈং কি ন-দৈং।‌‌‌

গণাণা 18:6

দান ইজেবে তমা আদত্‌ তুলি দিবাত্তে মুই নিজেই ইস্রায়েলীয়গুনো ভিদিরেত্তুন্‌ লেবীয়গুনোরে বেঈ লোইয়োং। মিলন-তাম্বুলোর কাম গুরিবাত্তে লগেপ্রভু ইদু তারারে উৎসর্ব গরা ওইয়্যে।

গণাণা 3:6

“লেবি-গুট্টির মানুচ্চুনোরে ডাগি আনিনে হারোণর্‌ আদত্‌ দে যেনে তারা তারে সাহায্য গুরি পারন।

গণাণা 31:28

সেই বেক্‌ সৈন্যগুনোর ভাগত্‌ যিদুক্কুন্‌ মানুচ্‌, গোরু, গাধা, ভেড়াছাগল আর ছাগল পরিবাক্ তার্‌ পত্তি পাঁচশতত্তুন্‌ এক্কো গুরি লগেপ্রভুর খাজানা ইজেবে ফারগ্ গুরি রাগা পুরিবো।

গালাতীয় 6:6

যিবেরে গোজেনর্ কধা শিক্ষ্যে দিয়্যে অয় তে যেন তা মাষ্টরবোরে তার্ বেক্‌ গম জিনিস্‌চানির্ ভাগ্ দে।

দ্বি’লম্বর বিররণ 18:8

তা বাপ্পোর্‌ ফেলে যেইয়্যে পযাপিরানি বিঝিনে টেঙা পেলেয়ো সিদুগোর্ লেবীয়গুনো সমারে তে সং সং ভাগর অধিকারী অবঅ।

ইব্রীয় 7:5

লেবির বংশগুনোত্তুন্ যিগুনে ধর্মগুরু অন্, ইস্রায়েলীয়গুনোত্তুন্, অত্তাৎ তারার্ ভেইয়ুনোত্তুন্ সুদোম মজিম দশ্ ভাগর এক ভাগ তারার্ উজোল্ গরা পরে। এই ভেইয়ুনে অব্রাহামর গুট্টি অলেয়ো সিয়েনি গরা পরে।