গণাণা 18:2 - Chakma Bible

² তুই তর্‌ পুরোণি মানুচ্চুনোর্ গুট্টিত্তুন্‌ অন্য বেক্‌ লেবীয়গুনোরে লোই আন্‌, যেনে তমা সমারে মিজেইনে তারা সাক্ষ্য-তাম্বুলো মুজুঙোত্‌ সেবা কামত্‌ তরে আর তর্‌ পূঅগুনোরে সাহায্য গুরি পারন।

গণাণা 18:2 Iomraidhean Croise

পত্থম 29:34

সে পরেদি তে আরঅ পিদিলী অলঅ আর তার্‌ আরেক্কো পুয়ো অলঅ। তে কলঅ, “এবেরা মঅ নেক্কো মঅ লগে এগত্তর্‌ অবঅ, কিত্তে মুই তার্‌ তিননো পুয়ো ফুদেই দিলুং।” ইয়েন্‌ কোইনে তে পুয়োবো নাঙান্‌ রাগেল লেবি (যিয়েনর ভেদ্‌তান্ “এগত্তর”)।

২ বংশধর 30:16

সে পরেন্দি গোজেন মানুচ্চো মোশির রীদি-সুদোম্ মজিম্‌ তারার্‌ ঠিগ্‌ গোজ্যে জাগানত্‌ যেইনে থিয়্যেলাক্‌। ধর্মগুরুগুনে লেবীয়গুনোর্‌ আঢত্তুন্‌ লো নেযেইনে ছিদি দিলাক্‌।

যিহিষ্কেল 44:11

তো উবোসনা-ঘরর্ গেট্টুন্ রোক্ষ্যে গুরিবার ভারান্ পেইনে আর সিয়েনত্ কাম গুরিনে তারা মঅ ঘরর্ সেবা-কাম গুরি পারিবাক্। তারা পূজ্যে-উৎসর্বর য়েমান কাবি পারিবাক্ আর মানুচ্চুনোত্তে উৎসর্বর অনুষ্ঠান গুরি পারিবাক্ আর মানুচ্চুনোরে সেবা গুরিবাত্তে তারা মুজুঙোত্ থিয়্যেই পারিবাক্।

যিহিষ্কেল 44:15

মাত্তর্ ইস্রায়েলীয়গুনে যেক্কে মত্তুন্ ভান্ন্যেই পধেদি যেইয়োন্ সেক্কে সাদোক বংশর্ যে লেবীয়গুনে ধর্মগুরু ইজেবে মঅ ঘরত্ বিশ্বেজ্ গুরিনে তারার্ কামানি গোজ্যন্ তারা মর্ সেবা-কাম্ গুরিবাত্তে মইধু এই পারিবাক্; তারা তেল্ আর লো উৎসর্ব গুরিবাত্তে মঅ মুজুঙোত্ থিয়্যেই পারিবাক্। মুই প্রভু লগেপ্রভু এ কধাগান কঙর্।

মালাখি 2:4

বেগত্তুন্ খেমতাবলা লগেপ্রভু আরঅ কত্তে, “তুমি হবর্ পেয়ো, মুই তমা ইধু এই উজিয়ার কধাগান পাদেয়োং যেনে লেবির বংশত্তে থিদেবর্ গোজ্যে মর্ সুদোমান চালু থায়।

গণাণা 1:53

যেনে ইস্রায়েলীয়গুনো উগুরে লগেপ্রভুর সাজা লামি ন-এজে সেনত্তে সাক্ষ্য-তাম্বুলর্‌ চেরোকিত্তে লেবীয়গুনে তাম্বুল বানেইনে থাহ্‌ পুরিবো। সাক্ষ্য-তাম্বুলোর দেগাশুনোত্তে লেবীয়গুনেই দায়ী থেবাক্।”

গণাণা 16:40

মোশিরে দিইনে লগেপ্রভু তারে যে উগুমান দিয়্যে তে সিয়েনোই গুরিলো। ইয়েন গরা অলঅ যেনে ইস্রায়েলীয়গুনে মনত্‌ রাগান, হারোণর বংশধর বাদে আর কনজনে পৌইরেগ্ জ্বালেবাত্তে লগেপ্রভুর মুজুঙোত্‌ যেই ন-পারন; যুনি কনজনে যান্‌ সালে তার্‌ অবস্থা কোরহ আর তার দলর মানুচ্চুনো ধোক্ক্যেন অবঅ।

গণাণা 17:7

মোশি সেই লুদিক্কুন্ লোইনে সাক্ষ্য-সিন্দুগো ভিদিরে লগেপ্রভুর মুজুঙোত্ রাগেল।

গণাণা 18:4

তারা তর্‌ কামত্‌ মিজেবাক; মিলন-তাম্বুলোর দেগাশুনোর ভারান্‌, অত্তাৎ সেই তাম্বুলোর বেক্‌ কামর্‌ ভারান্‌ তারা উগুরে থেবঅ। মাত্তর্‌ তমা ইদু লেবীয়গুনে বাদে অন্য কনজনে যেই ন-পারিবাক্।

গণাণা 3:5

যেরেন্দি লগেপ্রভু মোশিরে কলঅ,

গণাণা 4:15

“হারোণ আর তার্‌ পূঅগুনে যেক্কে এই বেক্‌ পবিত্র পজা-পিরানি আর পবিত্র তাম্বুলোর পজা-পিরানি নাঢি দেনা শেজ্ গুরিবাক আর মানুচ্চুনে তাম্বুলান বুদিনে যেবাত্তে যুক্কোল্‌ অবাক্‌ সেক্কে কহাতীয়গুনে এই বেক্কানি বুয়োই নেযেবাত্তে এবাক। মাত্তর্‌ কনঅ পবিত্র জিনিজোত্‌ তারার্‌ আত্‌ বাজেই ন-পারিবাক্। বাজেলে তারা মুরি যেবাক। মিলন-তাম্বুলোত্‌ যেদক্কানি জিনিস থেবঅ কহাতীয়গুনোর্‌ সিয়েনি বুয়োই নেযা পুরিবো।

গণাণা 8:19

ইস্রায়েলীয়গুনো ভিদিরে এই লেবীয়গুনোরে মুই হারোণ আর তার্‌ পূঅগুনোরে দান গোজ্যং, যেনে তারা ইস্রায়েলীয়গুনোর্‌ ওইনে মিলন-তাম্বুলোত্‌ কাম্‌ গরন্‌ আর তারার্‌ পাপ্পানি ঢাগিবার্‌ বেবস্থা গরন্‌। সিয়েনত্যে ইস্রায়েলীয়গুনে পবিত্র তাম্বুলো ইদু গেলেয়ো তারা উগুরে কনঅ দজা লামি ন-এবঅ।”

গণাণা 8:22

ইয়েনর্ পরেদি লেবীয়গুনে হারোণ আর তার্‌ পূঅগুনোর অধীনে মিলন-তাম্বুলোত তারার্‌ কামানি গুরিবাত্তে গেলাক্। লগেপ্রভু মোশিরে যেদক্কানি উগুম্‌ দিয়্যে তারা লেবীয়গুনোরে নেযেইনে ঠিগ্ সিয়েনোই গুরিলাক্।

ইব্রীয় 9:6

এবাবোত্যে গুরি বেক্কানি যুক্কোল্ অনার পরেদি ধর্মগুরুগুনে প্রায়ই তাম্বুলানর্ পত্তম ভাক্কানত্ সুমিনে গোজেনর্ সেবা গুরিদাক্;