গণাণা 18:14 - Chakma Bible

¹⁴ ইস্রায়েলীয়গুনো ভিদিরে ভস্তর্ অভিশাব বিলি জানেই দিয়্যে পত্তি জিনিস-পাদিনি তর্‌ অবঅ।

গণাণা 18:14 Iomraidhean Croise

যিহিষ্কেল 44:29

তারা শোজ্য-উৎসর্ব, পাপ-উৎসর্ব আর দুষ-উৎসর্বর্ জিনিস হেবাক্; ইস্রায়েল দেজত্ লগেপ্রভুর নাঙে দিয়্যে বেক্ জিনিস্‌‌‌‌‌চানি তারার্ অবঅ; সিয়েনি ছাড়েই আনানা ন-যেবঅ।

লেবীয় 27:1

ইয়েনর্ পরেদি লগেপ্রভু মোশিরে কোইয়্যেদে, তুই ইস্রায়েলীয়গুনোরে কঅ‌, যুনি কনজনে কনঅ বিশেষ মান্যে ছিড়েবাত্তে নিজোরে বা অন্য কনঅ মান্‌জ্যরে লগেপ্রভু ইদু উৎসর্ব গরে, সালে সে উৎসর্বর্‌ বদলে যে দামান্‌ দিয়্যে পুরিবো সিয়েন অলঅ: কুড়িত্তুন ধুরিনে ষায়েট্‌ বজর বয়জর্‌ মরদতুনোত্তে ধর্মীয় মাপ মজিম্ পন্জাশ কট্টা রুবো,

লেবীয় 27:21

ফিরি পেবার্‌ বজরবোত্‌ যেক্কে ভূইয়ান্‌ খালাস অবঅ সেক্কে সিয়েন্‌ লগেপ্রভুর্ নাঙে ভস্তর্‌ অভিশাবর্‌ তলে ভূইয়ো ধোক্ক্যেন লগেপ্রভুর্ নাঙে যুদো গরা যেবঅ। সেক্কে সিয়েন্‌ অবঅ ধর্মগুরুগুনোর্‌ সোম্বোত্তি।

লেবীয় 27:28

মাত্তর্‌ যুনি কনজনে তার্‌ নিজোর্‌ কনঅ কিজু লগেপ্রভুর নাঙে ভস্তর্ অভিশাবর তলে বিলি ফগদাঙ্‌ গরন সালে তে সিয়েন্‌ আর বিজি দেনা বা ছাড়েই নেযে ন-পারিবো-সিয়েন্‌ পরিবারর্‌ ভূই ওক্‌ বা মানুচ্‌ বা য়েমান ওক্। এধোক্ক্যেনগুরি যেদক্কানি ভস্তর্‌ অভিশাবর্‌ তলে বিলি ফগদাঙ্‌ গরা অয় সিয়েনি বেক্কানি লগেপ্রভুর নাঙে দাঙর্‌ পবিত্র জিনিস্ বিলি ধুরি নেযা পুরিবো।