গণাণা 18:12 - Chakma Bible

¹² “ইস্রায়েলীয়গুনে তারার পত্তমে তুল্যে ফলুনোর বেগত্তুন্‌ গম্‌ যে জলপাইয়র্‌ তেল, নূয়া আংগুরো-রস আর শোজ্য লগেপ্রভুরে দিবাক সিয়েনি বেক্কানি মুই তরে দিলুং।

গণাণা 18:12 Iomraidhean Croise

পত্থম 27:28

গোজেনে যেন তরে আগাজ শিরোপানি দে, আর তঅ ভুইয়ানিত্‌ বোল্‌বোল্যে ওক্‌; সেক্কে তুই বোউত্‌ ফসল আর্‌ নুয়ো আংগুর-রস পেবে।

২ রাজাবলী 4:42

বাল্‌-শালিশাত্তুন্‌ এক্কো মান্‌জ্যে গোজেন মানুচ্চোত্তে পত্তমে তুল্যে ফসলত্তুন্‌ কুড়িবো কেশ্‌বিজিলোই বানেয়্যে রুটি সিগিনে আনিলো, আর তা লগে কিজু নূয়ো ফসল আনিলো। ইলীশায় কলঅ, “ইগুন্‌ মানুচ্চুনোরে হেবাত্তে দে।”

২ বংশধর 31:5

এ উগুমান্‌ ফগদাঙ্‌ অনার্‌ লগে লগে ইস্রায়েলীয়গুনে তারার্‌ ক্ষেত-ক্ষেত্তিগানি, নূয়ো আংগুর-রস, তেল আর মধুর পোইল্যা ভাগ্‌কো আর ক্ষেদত্‌ যিয়েনি জর্মায় সিয়েনির্‌অ পৌইল্যা ভাগ্‌কো ভালোক্কানি দান গুরিলো। ইয়েনিবাদেয়ো তারা বেক্কানির্‌ দশ ভাগর্‌ একভাগ্‌ আনিলাক্‌ আর সিয়েনি বেক্কানিয়ে বোউত্‌ অলঅ।

গীতসংহিতা 147:14

তঅ দুযিগানিত্ তেয়ই সুগ-শান্দি রাগায়, আর বেগত্তুন দোল্ গমবোই তরে আওজ্‌চান্ পুরেই দে।

গীতসংহিতা 81:16

মাত্তর্ ইস্রায়েলরে মুই বেগত্তুন্ দোল গম্ হেবাত্যে দিম; ঘেচ্ছেক্‌গুরি মুই তারারে পেত্ ভোরেই দিম সে মধুলোই যিয়েন মুড়োগুনোর্ ফাদা জাগাত্ পাহ্ যায়।”

যাত্রা 22:29

তমার্‌ ক্ষেত-ক্ষেত্তিত্তুন্‌ আর আংগুর-রজত্তুন্‌ মরে যিয়েনি দিবার্‌ সিয়েনি দেদে দেরি ন-গোজ্য। তমার পত্তম পূঅবো মরে দিয়্যে পুরিবো।

যাত্রা 23:19

তমা খেদত্তুন্‌ কাবি আন্যে পত্তম ফসলর্‌ বেগত্তুন্‌ গম্‌ ভাগ্কান্‌ তুমি তমার্‌ গোজেন লগেপ্রভুর্‌ ঘরত্‌ নেযেবা। ছাগল ছবোর্‌ য়েরাগান তার্‌ মাবো দুত্তোই ন-রানিবা।

যাত্রা 34:26

তমা ক্ষেদত্তুন্‌ কাবি আন্যে পত্তম ফসলর্‌ বেগত্তুন্‌ গম ভাগ্‌কো তুমি তমার গোজেন লগেপ্রভুর্‌ ঘরত্‌ নেযেবা। “ছাগল ছবোর্‌ য়েরাগান্‌ তার্‌ মাবো দুধতান্দোই ন-রানিবা।”

যিহিষ্কেল 44:30

পত্তমে কাপ্যে নানান্ বাবোত্যে ফসলর্ বেগত্তুন্ গম্ ভাগ্‌‌‌‌‌কান আর তমা বেক্ বক্‌‌‌‌‌শিজ্‌‌‌‌‌চানি ধর্মগুরুগুনোর অবঅ। তমার্ নুয়ো মোইদ্যের্ পত্তম ভাগ্‌‌‌‌‌কান তুই তারারে দিবে যেনে তমা পরিবার উগুরে আশিদ্‌‌‌‌‌বাদ থায়।

লেবীয় 2:12

পত্তমে তুল্যে ফসল উৎসর্ব গুরিবাত্তে তারা সদা আর মধু লগেপ্রভু ইদু নেযেই পারিবো, মাত্তর্‌ যে উৎসর্বর তুম্বাজে তে হুজি অয়্‌ এধোক্ক্যেন উৎসর্ব ইজেবে সদা আর মধু পুজোবো উগুরে পুড়োনা ন-চুলিবো।

লেবীয় 2:14

লগেপ্রভুর্ নাঙে উৎসর্ব গুরিবাত্তে যুনি তারা পত্তমে তুল্যে ফসল ভিদিরেত্তুন্‌ কনঅ শোজ্য আনন্‌ ছালে সেই নুয়ো শোজ্য দাঙর্‌ গুরি ভাঙিনে আগুন্দোত্ পুড়িনে আনা পুরিবো।

লেবীয় 23:17

তুমি ঘরত্তুন্‌ লগেপ্রভুর্ নাঙে দুলেয়্যে-উৎসর্ব ইজেবে তমার্‌ পত্তমে তুল্যে ক্ষেদর্‌ কিজু ভাগ আনিবা। সেই দুলেয়্যে-উৎসর্বর্‌ জিনিস্‌চানি অবঅ সাড়ে তিন কেজি নিগুজ মোয়দেলোই বানেয়ে সদালোই দ্বিয়েন্‌ রুটি।

লেবীয় 23:20

ধর্মগুরুবো লগেপ্রভুর্ মুজুঙোত্ দুলেয়্যে-উৎসর্ব ইজেবে সেই দ্বিবে ভেড়া ছঅ‌ আর পত্তমে তুল্যে ফসলর বানেয়ে রুটি নেযেইনে দুলেব। ইগুন্‌ লগেপ্রভুর্ নাঙে উৎসর্ব গোজ্যে পবিত্র জিনিস্ যিগুন্‌ ধর্মগুরুগুনোর্‌ পাওনা।

দ্বি’লম্বর বিররণ 18:3

মানুচ্চুনে যিদুক্কুন গোরু-ছাগল-ভেড়া উৎসর্ব গুরিবাক্ সিগুনোর কানাগানি, দাদ মাড়ির য়েরানি আর গিলে-কলিজেগানি তারা ধর্মগুরুগুনোরে দিবাক্; ইয়েনি অবঅ ধর্মগুরুগুনোর পাওনা।

দ্বি’লম্বর বিররণ 18:4

তমার পত্তমে তুল্যে ফসল, নুয়ো আংগুরো-রস আর তেল আহ্‌ ছাগল-ভেড়ার কিয়্যেত্তুন পত্তমে কাবি নেযেয়্যে কেশ্‌ছানি তুমি ধর্মগুরুগুনোরে দিবা,

দ্বি’লম্বর বিররণ 26:2

সেক্কে তমার গোজেন লগেপ্রভুর দিয়্যে সেই দেজর্‌ ভুইয়োত্‌ তুমি যেদক্কানি ফসল ফোলেবা তার্‌ পত্তমে তুল্যে কিজু ফসল লেইয়োত্‌ রাগেবা। তমার গোজেন লগেপ্রভু নিজোরে ফগদাং গুরিবাত্তে যে জাগাগান তার থেবারজাগা ইজেবে বেঈ নেযেব সে ফসলানি তুমি সিয়েনত নেযেবা।

দ্বি’লম্বর বিররণ 32:14

তে তারে হাবেল গোরুর দুধোর্ দই ছাগল আর ভেড়ার দুধ, আর হাবেল পক্তা-মক্তা ভেড়া ছাগলর্ য়েরা, ছাগলর য়েরা আর বাশন দেজর পাদা ভেড়া ছাগলর্ য়েরা। তে তারে হাবেল পক্তা-মক্তা গম। ও ইস্রায়েল, তুই গেজে উঠ্‌ আংগুর-রস হেইয়োচ্‌।