গণাণা 18:11 - Chakma Bible

¹¹ ইস্রায়েলীয়গুনোর দিয়্যে বেক্‌ দোলন-উৎসর্বর জিনিস্‌চানিয়ো তর্‌ অবঅ। সিয়েনি মুই তরে আর তর্‌ বংশর বেক্কুনোরে নিত্য পাওনা ইজেবে দুয়োঙর্। তর্‌ পরিবার ভিদিরে যিগুনে সিজি অবস্থায় থেবাক্‌ তারা সিয়েনি খেই পারিবাক্।

গণাণা 18:11 Iomraidhean Croise

লেবীয় 10:14

মাত্তর্ লগেপ্রভুর্ নাঙে দুলেই রাগেয়্যে বুগোর্ য়েরাগান আর উলুহুল্লো তুই আর তর্‌ পূঅ-ঝিগুনে বেক্কুনে হেই পারিবাক্। ইয়েনি তুমি কনঅ শুদ্ধ-সাংগ জাগাত হেবা। ইস্রায়েলীয়গুনোর বেক উদোলোলি-উৎসর্বর্ এ ভাগত্তুন তরে আর তর্‌ পূঅ-ঝিগুনোরে দিয়্যে ওইয়্যে।

লেবীয় 7:14

লগেপ্রভুুরে দিবাত্তে তে সেই নানান ধরনর্‌ জিনিজোত্তুন্‌ এক এক্কান্ গুরি আনিবো। যে ধর্মগুরুবো উদোলোলি-উৎসর্বর্ য়েমান লো ছিদিবো ইগুন্‌ তার্‌ পাওনা অবঅ।

গণাণা 18:1

লগেপ্রভু হারোণরে কলঅ, “পবিত্র তাম্বুলোর বিরুদ্ধে যেদক্কানি অন্যেয় গরা অবঅ তার্‌ ভারান্ নেযা পুরিবো তত্তুন্‌, তর্‌ পূঅগুনোর আর তর্‌ বংশর অন্য মানুচ্চুনোর্। ইয়েনবাদে ধর্মগুরুর্ কামানিত্ যেদক্কানি অন্যেয় অবঅ তার ভারান্অ তত্তুন্‌ আর তর্‌ পূঅগুনোত্তুন্‌ বুয়োই নেযা পুরিবো।

গণাণা 18:10

সুদ্ধো-সাংগ জিনিস যেধোক্ক্যেনগুরি খায় তুমি সেধোক্ক্যেন গুরি সিয়েনি হেবা। তমার বেক্‌ মরদ্‌ পূঅগুনে সিয়েনি খেই পারিবাক। সিয়েনি সুদ্ধো-সাংগ বিলি তারাত্তুন্‌ মনে গরা পুরিবো।

গণাণা 18:19

লগেপ্রভুর নাঙে ইস্রায়েলীয়গুনোর উৎসর্ব গোজ্যে বেক্‌ সুদ্ধো-সাংগ জিনিস্‌-পাদিনি মুই তরে আর তর্‌ ঝি-পূঅগুনোরে নিত্য পাওনা ইজেবে দিলুং। ইয়েনি লগেপ্রভুর চোগোত্‌ তর্‌ আর তর্‌ বংশর বেক্কুনোত্তে এক্কান উমরত্যে ঠিগেদে সুদোম্।”

গণাণা 18:8

ইয়েনর্ পরেদি লগেপ্রভু হারোণরে কলঅ, মইদু যেদক্কানি জিনিস উৎসর্ব গরা অয় সিয়েনর বেক্‌ কামর্ ভারান মুই নিজে তরে দুয়োঙর্। মঅ নাঙে ইস্রায়েলীয়গুনোর উৎসর্ব গোজ্যে বেক্‌ পবিত্র জিনিসছানি মুই তরে আর তর্‌ বংশধরুনোরে নিত্য পাওনা ইজেবে দুয়োঙর্।

দ্বি’লম্বর বিররণ 18:3

মানুচ্চুনে যিদুক্কুন গোরু-ছাগল-ভেড়া উৎসর্ব গুরিবাক্ সিগুনোর কানাগানি, দাদ মাড়ির য়েরানি আর গিলে-কলিজেগানি তারা ধর্মগুরুগুনোরে দিবাক্; ইয়েনি অবঅ ধর্মগুরুগুনোর পাওনা।