গণাণা 18:1 - Chakma Bible

¹ লগেপ্রভু হারোণরে কলঅ, “পবিত্র তাম্বুলোর বিরুদ্ধে যেদক্কানি অন্যেয় গরা অবঅ তার্‌ ভারান্ নেযা পুরিবো তত্তুন্‌, তর্‌ পূঅগুনোর আর তর্‌ বংশর অন্য মানুচ্চুনোর্। ইয়েনবাদে ধর্মগুরুর্ কামানিত্ যেদক্কানি অন্যেয় অবঅ তার ভারান্অ তত্তুন্‌ আর তর্‌ পূঅগুনোত্তুন্‌ বুয়োই নেযা পুরিবো।

গণাণা 18:1 Iomraidhean Croise

যাত্রা 28:38

ইয়েন থেবদে হারোণর্‌ কবালান উগুরে। যেদক্কানি পবিত্র জিনিস ইস্রায়েলীয়গুনে উৎসর্ব গুরিবাত্তেই আনিবাক্‌ সিয়েনির্‌ বেক্‌ দুষ-ভুলোর্‌ ভারান্‌ হারোণ উগুরে। লগেপ্রভু যেনে সিয়েনি গুজি লয়্‌ সেনত্তে হারোণ কবাল উগুরে এই সনার্‌ পাত্‌তান্‌ আমিঝে থেবঅ।

যিশাইয় 53:11

তে তার দুঘ্ পানার ফলান্ দেগিনে হুজি অবঅ; লগেপ্রভু কোইয়্যেদে, মর্ ন্যায়বলা চাগরবোরে গমেডালে হবর্ পানার মাধ্যমে ভালোক্ জনরে নিদ্দুযি বিলিনে গুজি লুয়ো অবঅ, কিত্তে তে তারার বেক্ অন্যেয়ানি বুয়োই নেযেব।

যিশাইয় 53:6

আমি বেক্কুনে ভেড়া ধোক্ক্যেন গুরি ভান্ন্যেই পধেদি যেইয়্যেই; আমি বেক্কুনে যার্ যার্ পধেদি ফিজ্যেই। লগেপ্রভু আমার বেক্কুনোর অন্যেয়ানি তা উগুরে চাপি দিয়্যে।

যিহিষ্কেল 4:4

সে পরেদি তুই বাঙেদি ফিরিনে ঘুমেবে আর ইস্রায়েলর পাপর সাজা তঅ নিজো উগুরে নেযেবে। যে কয়দিন তুই এক ডাক্ক্যে গুরি ঘুমেবে সেদক্ দিন তারার্ সাজাগান তুই ভুগিবে।

লেবীয় 10:17

পাপ-উৎসর্বর্ য়েরাগান কিত্তে তুমি পবিত্র তাম্বুল-ঘরর্ চাগালা ভিদিরে হেই ন-ফেল? ইয়েন দঅ দাঙর্ পবিত্র জিনিস। লগেপ্রভুর্ মুজুঙোত্ ইস্রায়েলীয়গুনোর পাপ ঢাগিনে তারার্ সাজাত্তুন উদ্ধোর গুরিবাত্তেই সিয়েন তমারে দিয়্যে অইয়্যে।

লেবীয় 22:9

মুই ধর্মগুরুগুনোরে যেদক্কানি উগুম্‌ দুয়োং সিয়েনি তারাত্তুন পালা পুরিবো। সিয়েনি ন-গুরিলে তারা দুষি অবাক্ আর ফি-বলা অনার্‌ কারনে তারা মুরি যেবাক্। মুই লগেপ্রভু তারারে মর্‌ আওজে যুদো গুরি রাগেয়োং।

গণাণা 14:34

দেজ্‌চান চেই এত্তে যে চোল্লিশ দিন সময় লাক্কে তার্‌ পত্তি দিনোত্তে এক বজর্‌ গুরি বেক্কুনে চোল্লিশ বজর্‌ সং তুমি তমার্‌ অন্যেয়ত্তে দুঘ্ পেবা আর বুঝি পারিবাদে, মুই বিরুদ্ধে থেলে অবস্থাগান্‌ কেধোক্ক্যেন অয়।

গণাণা 16:10

তে তরে আর অন্য বেক্‌ লেবীয়গুনোরে নিজোর্‌ ইদু আন্যে, মাত্তর্ তুমি ইক্কিনে ধর্মগুরুগুনোর পদ্‌থানঅ গজক্ গুরি নিবাত্তে চঅর্‌।

গণাণা 17:13

কনজনে যুনি লগেপ্রভুর থেবার-তাম্বুলো ইদু যায় সালে তে মুরি যেবঅ; সালে আমি কি বেক্কুনে মুরি যেবং?”

গণাণা 17:3

লেবী-গুট্টির লুদিগোত্‌ লিগিবে হারোণর নাঙান, কিয়া পুরোণি মানুচ্চুনোর্ গুট্টি মজিম্ পত্তি গুট্টির নেতাগুনোত্তে এক্কো গুরি লুদিক্‌ থেবঅ।

গণাণা 17:7

মোশি সেই লুদিক্কুন্ লোইনে সাক্ষ্য-সিন্দুগো ভিদিরে লগেপ্রভুর মুজুঙোত্ রাগেল।

গণাণা 18:11

ইস্রায়েলীয়গুনোর দিয়্যে বেক্‌ দোলন-উৎসর্বর জিনিস্‌চানিয়ো তর্‌ অবঅ। সিয়েনি মুই তরে আর তর্‌ বংশর বেক্কুনোরে নিত্য পাওনা ইজেবে দুয়োঙর্। তর্‌ পরিবার ভিদিরে যিগুনে সিজি অবস্থায় থেবাক্‌ তারা সিয়েনি খেই পারিবাক্।

গণাণা 3:6

“লেবি-গুট্টির মানুচ্চুনোরে ডাগি আনিনে হারোণর্‌ আদত্‌ দে যেনে তারা তারে সাহায্য গুরি পারন।

দ্বি’লম্বর বিররণ 10:8

সে অক্তত্‌ লগেপ্রভু তার বেবস্থা-সুন্দুক্কো বুয়োই নেযেবাত্তে আর সেবা কামর্‌ নাঙে তা মুজুঙোত্‌ থিয়্যেবাত্তে আর তা নাঙে আশিদ্‌বাদ্ ফগদাং গুরিবাত্তে লেবীয়গুনোরে বেঈ লোইয়্যে। এ বেক্‌ কামানি তারা এজঅ গত্তন্‌।

ইব্রীয় 13:17

তমা নেতাগুনোর্ কধানি মানি চোল্ল্য আর তারার্ বাধ্য ওইয়ো, কিয়া যিগুনে গোজেন ইধু ইজেব দিবাক্ সেবাবোত্যে মানুচ্‌ ইজেবে দঅ তারা তমারে দেগাশুনো গরন্। তারার্ বাধ্য ওইয়ো যেনে তারা তারার্ কামানি হুজি গুরিনে গুরি পারন, দুঘ্ পেইনে নয়। যুনি দুঘ্ পেইনে গরা পরে সালে সিয়েনত্যে তমার কনঅ লাভ্ ন-অবঅ।

ইব্রীয় 4:15

আমা দাঙর্ ধর্মগুরুবো এমন্‌ কেঅ নয় যিবে আমা বল্‌পোজ্যেগানিত্যে আমা সমারে পিড়ে ন-পায়, কিয়া আমা ধোক্ক্যেন গুরি তেয়ো বেক্কানিত্তুন্ পাপ পোরোক্ষ্যে মুজুঙোত্ থিয়্যেইয়্যে অদচ পাপ ন-গরে।

১ পিতর 2:24

তে ক্রুশো উগুরে নিজোর কিয়্যেগান্দোই আমার পাপর্ ভারান্ বুয়োল, যেন আমি পাপর দাবি-দেনা ইধু মুরিনে গোজেনর্ আওজ্‌ মজিম চলিবাত্যে বাঁজি থেই। তার্ কিয়্যেগানর্ ঘা গানিয়ে তমারে গম গোজ্জ্যে।

বিচের গুরিয়্যেগুন 17:12

মীখা সে লেবীয়বোরে তা কামত্‌ বজানার পরেন্দি তে তার ধর্মগুরু ওইনে তা ঘরত্‌ থেলঅ।