গণাণা 17:7 - Chakma Bible

⁷ মোশি সেই লুদিক্কুন্ লোইনে সাক্ষ্য-সিন্দুগো ভিদিরে লগেপ্রভুর মুজুঙোত্ রাগেল।

গণাণা 17:7 Iomraidhean Croise

যাত্রা 38:21

থেবার্‌-তাম্বুল, অত্তাৎ সাক্ষ্য-তাম্বুলান বানাদে যেদক্কানি পযাপিরা লাক্ক্যে মোশির্‌ উগুম মজিম্ পোইল্যেত্তুন্‌ ধুরি ধর্মগুরু হারোণর্‌ পূঅ ঈথামরর্‌ পরিচালনায়্‌ লেবীয়োগুনে সিয়েনর্‌ ইজেপ্পান্‌ রাগেয়োন্‌।

গণাণা 1:50

সাক্ষ্য-তাম্বুলর সাজ-গুজোর জিনিসচানি আর তার্‌ বেক্কানি দেগাশুনোর দায়িত্তো তুই তারা উগুরে দিবে। তারার্‌ কাম অবঅ থেবার-তাম্বুল আর তার্‌ বেক্‌ সাজ-গুজ্‌চানি বুয়োই নেযানা। ইয়েনর দেগাশুনোর্‌ ভারান তারাত্তুনো নেযা পুরিবো আর তারাত্তুনো ইয়েনর চেরোকিত্তে তাম্বুল-বানেইনে থাহ্ পুরিবো।

গণাণা 1:53

যেনে ইস্রায়েলীয়গুনো উগুরে লগেপ্রভুর সাজা লামি ন-এজে সেনত্তে সাক্ষ্য-তাম্বুলর্‌ চেরোকিত্তে লেবীয়গুনে তাম্বুল বানেইনে থাহ্‌ পুরিবো। সাক্ষ্য-তাম্বুলোর দেগাশুনোত্তে লেবীয়গুনেই দায়ী থেবাক্।”

গণাণা 14:10

মাত্তর্‌ দলর বেক্কুনে যিহোশূয় আর কালেবরে পাত্তর্‌ মেলা দিইনে মারে ফেলেবার কধা কুয়া ধোজ্যন। সেক্কে মিলন-তাম্বুলোত্তুন বেক্‌ ইস্রায়েলীয়গুনোর্‌ মুজুঙোত্‌ লগেপ্রভুর মহিমা দেগা দিলো।

গণাণা 17:4

মিলন-তাম্বুলো ভিদিরে সাক্ষ্য-সিন্দুগোর মুজুঙোত্‌ যিয়েনত্‌ তমা সমারে মর্‌ দেগা অয় সিয়েনত্‌ লুদিক্কুন্ রাগেবা।

গণাণা 17:6

সেনত্তেই মোশি বেক্‌ কধানি ইস্রায়েলীয়গুনোরে জানেল, আর পুরোণি মানুচ্চুনোর গুট্টি মজিম্ তারার্‌ পত্তি গুট্টির-নেতাগুনে তারে এক্কো গুরি বেক্কুনে বারোবো লুদিক্ দিলাক্। সেই লুদিক্কুনো ভিদিরে হারোণর লুদিক্কোয়ো এলঅ।

গণাণা 18:2

তুই তর্‌ পুরোণি মানুচ্চুনোর্ গুট্টিত্তুন্‌ অন্য বেক্‌ লেবীয়গুনোরে লোই আন্‌, যেনে তমা সমারে মিজেইনে তারা সাক্ষ্য-তাম্বুলো মুজুঙোত্‌ সেবা কামত্‌ তরে আর তর্‌ পূঅগুনোরে সাহায্য গুরি পারন।

গণাণা 9:15

যেদিন্যে থেবার-তাম্বুলান, অত্তাৎ সাক্ষ্য-তাম্বুলান তুলো অলঅ সেদিন্যে সিবে লগেপ্রভুর মেঘ্‌কান্দোই নাঢা গেলঅ। সাজোন্যাত্তুন্‌ ধুরি বেন্যেমাদান্ সং থেবার-তাম্বুলান উগুরেগান্‌ সেই মেঘ্‌কান আগুনো ধোক্কেন্ দেগা গেলঅ।

প্রেরিত্‌ 7:44

সাক্ষ্য-তাম্বুবো ধূল্যেচর-চাগালাত্ আমা পূরোণি মানুচ্চুনো সমারে এলঅ। গোজেনে মোশিরে যেবাবোত্যেগুরি উগুম দিয়্যে আর মোশি যে নক্‌‌‌শাগান দেক্ক্যে সেবাবোত্যেগুরি এই তাম্বুবো বানা ওইয়্যে।