গণাণা 17:5 - Chakma Bible

⁵ মর্‌ বেঈ লোইয়্যে মানুচ্চোর লুদিক্কো উগুরে অংকুর দেগা যেবঅ। ইঙিরিনে তমা বিপক্ষে ইস্রায়েলীয়গুনোরে আমিঝে বক্‌বক্‌ গুরিবার্‌ আদত্তুন্‌ মুই রেহাই পেম্‌।”

গণাণা 17:5 Iomraidhean Croise

২ বংশধর 26:16

উষিয় বোলী ওই উদোনার্‌ পরেন্দি তা মনত্‌ বাড়্‌বোগান্ অলঅ আর সেক্কে তার্‌ অধপতন অলঅ। তে আগর্‌বাট্টি-পূজোত্‌ আগর্‌বাট্টি জ্বালেবাত্তে লগেপ্রভুর ঘরত্‌ সোমেইনে তার্‌ গোজেন প্রভুর বিরুদ্ধে পাপ গুরিলো।

গীতসংহিতা 105:26

তে তার চাগর্ মোশিরে আর তার বেঈ লোইয়্যে হারোণরে পাধেই দিলো;

যিশাইয় 11:1

যিশয়র গড়াত্তুন্ এক্কো নূয়ো চারা নিগিলিবো; তা শিঙোরর্ সেই চারাবোত্ গুলোগুলি ধুরিবাক্।

যিশাইয় 13:11

লগেপ্রভু কোইয়্যেদে, মুই ভান্ন্যেয়ানত্তে পিত্‌থিমীগানরে সাজা দিম্; পাজিগুনোর অন্যেয়ানিত্তে তারারে সাজা দিম্। মুই বাড়্‌বো গুরিয়্যেগুনোরে বাড়্‌বো গরানাগানি শেজ্ গুরি দিম্ আর চিৎনেইয়্যেগুনোর অহংকারানি ভাঙি দিম্।‌

যিশাইয় 27:6

এজেত্তে দিনুনোত্ যাকোবে শিঙোর্ বোজেব, ইস্রায়েলে বোল্ ধোরেইনে ফুল ফুদেব আর গুলো গুলিলোই পুরো সংসারান্ ভোরেই দিবো।”

যিশাইয় 5:24

সেনত্তে আগুনো জিলানে যেধোক্ক্যেন্ দার্‌‌‌বো পুড়ি ফেলায় আর আগুনো ভিদিরে শুগুনো ঘাস পুড়ি যায়, সেধোক্ক্যেন্ গুরি তারার্ গড়াগান্ পুযি যেবঅ আর ধূল্যে ধোক্ক্যেন্ তারার্ ফুলুন্ উড়ি যেবাক্; কিত্তে তারা বেগত্তুন্ খেমতাবলা লগেপ্রভুর্ উগুম এলাফেলা গোজ্যন্ আর ইস্রায়েলর সেই পবিত্র মানুচ্চোর্ কধাগানরে টেঙোই ঠেল্যন্।

যিহিষ্কেল 16:41

তারা তর্ ঘরানি পুড়ি ফেলেবাক্ আর ভালোক্কুন্ মিলের্ চোগো মুজুঙোত্ তরে সাজা দিবাক্। এবাবোত্যেগুরি তর্ বেশ্যেগিরি বন্ধ গুরি দিম; তর্ লাঙেগুনোরে তুই আর টেঙা-পোইজ্যে ন-দিবে।

যিহিষ্কেল 23:27

যে বেভিচের্ আর বেশ্যেগিরি তুই মিসরত্ আরাম্ভ গোজ্যস্ সিয়েন মুই এবাবোত্যেগুরি বন্ধ গুরি দিম। সেক্কে তুই সে মানুচ্চুনো ইন্দি রিনি ন-চেবে আর মিসররে আর্ মনত্ ন-রাগেবে।

হোশেয় 14:5

মুই ইস্রায়েল ইধু শিরো পানি ধোক্ক্যেন ওম্; তে লিলি ফুলো ধোক্ক্যেন ফুদিবো। লেবানন এরস গাজ ধোক্ক্যেন তে তার্ শিঙোরানি তলেদি লামেই দিবো।

গণাণা 1:51

থেবার্‌-তাম্বুলান যেক্কে অন্য কনকিত্তে নেযা পুরিবো সেক্কে লেবীয়গুনেই সিবে খুলিবাক আর যেক্কে সিবে মিলেই জানা পুরিবো সেক্কে তারাত্তুনো সিবে মিলে পুরিবো। অন্য কনজনে তাইদু গেলে তারে মারে ফেলা অবঅ।

গণাণা 11:1

ইস্রায়েলীয়গুনোর যেদক্কানি দুখ্‌-কট্ট অর্‌ সিয়েনিলোই তারা লগেপ্রভুর মুজুঙোত্ কিজিক্-মিজিক্ গরা ধোজ্যন্‌। সিয়েনি শুনিনে লগেপ্রভু অমহদ বেজার্‌ অলঅ। তার পাধেয়্যে আগুনান্‌ তারা ভিদিরে জ্বলা ধুরিলো আর তাম্বুলোর কাজা কুরেন্দি কিজু মান্‌জ্যরে পুড়িনে মারে ফেলেল।

গণাণা 16:11

তুই আর তর্‌ দলর্‌ বেক্‌ মানুচ্চুনে লগেপ্রভুর বিপক্ষে দল পাগেয়ো। হারোণে যে কন্না, তুমি তার বিপক্ষে বক্‌বক্‌ গরর্‌?”

গণাণা 16:5

তে কোরহ আর তার দলর মানুচ্চুনোরে কলঅ, “এযেত্যেকেল্যে বেন্যেমাদান্ লগেপ্রভু দেগেই দিবো কন্না তার মানুচ্‌ আর কন্না তার নাঙে যুদো গোজ্যে। তেয়ই সেই মানুচ্চোরে তা মুজুঙোত্‌ যেবাত্তে দিবো। যিবেরে তে বেঈ লবঅ তারে তে তা মুজুঙোত্‌ যেবাত্তে দিবো।

গণাণা 17:10

ইয়েনর্ পরেদি লগেপ্রভু মোশিরে কলঅ, “উল্লোমি গুরিয়েগুনো ইদু এক্কান মনত্‌ রাগেবার চিহ্নো ওই থেবাত্তে তুই হারোণর লুদিক্কো আরঅ সাক্ষ্য-সিন্দুগোর মুজুঙোত্‌ রাগেই দে। ইয়েন্দোই তুই মঅ বিরুদ্ধে তারার্‌ বক্‌বক্‌ গরানাগান্ থামেই দি পারিবে, যিয়েনত্যে তারা আর ন-মুরিবাক।”

গণাণা 17:6

সেনত্তেই মোশি বেক্‌ কধানি ইস্রায়েলীয়গুনোরে জানেল, আর পুরোণি মানুচ্চুনোর গুট্টি মজিম্ তারার্‌ পত্তি গুট্টির-নেতাগুনে তারে এক্কো গুরি বেক্কুনে বারোবো লুদিক্ দিলাক্। সেই লুদিক্কুনো ভিদিরে হারোণর লুদিক্কোয়ো এলঅ।

গণাণা 17:8

তার্‌কেল্যে মোশি সাক্ষ্য-তাম্বুলোত্‌ চোমেইনে দেগিলো, লেবি-গুট্টির পক্ষে থোয়্যে হারোণর লুদিক্কো উগুরে বানা যে অংকুর দেগা দিয়্যে সিয়েন নয় সিয়েনত্‌ বোল্‌ পোজ্যে, ফুল ফুদিনে বাদামঅ ধোজ্যে।

১ করিন্হীয় 10:10

তারা ভিদিরে ভালোকজনে কাঙেলেত্যে পেইনে যেবাবোত্যেগুরি ভস্তগুরিয়্যে দূত্‌তুন্দোই ভস্ত ওইয়োন্ সেবাবোত্যেগুরি তুমি কাঙেলেত্যেগান ফগদাং ন-গোজ্জ্য।