গণাণা 17:10 - Chakma Bible

¹⁰ ইয়েনর্ পরেদি লগেপ্রভু মোশিরে কলঅ, “উল্লোমি গুরিয়েগুনো ইদু এক্কান মনত্‌ রাগেবার চিহ্নো ওই থেবাত্তে তুই হারোণর লুদিক্কো আরঅ সাক্ষ্য-সিন্দুগোর মুজুঙোত্‌ রাগেই দে। ইয়েন্দোই তুই মঅ বিরুদ্ধে তারার্‌ বক্‌বক্‌ গরানাগান্ থামেই দি পারিবে, যিয়েনত্যে তারা আর ন-মুরিবাক।”

গণাণা 17:10 Iomraidhean Croise

গীতসংহিতা 57:4

পেত্ পরায় পাগল সিংহ ধোক্ক্যেন মান্‌জ্যর্ সংমধ্যে মুই পড়ি আগং; তারার দাত্‌তুন্ যাদি আর শেল ধোক্ক্যেন, আর জিলান্ ধারেয়্যে ছুরি।

যাত্রা 16:32

পরেদি মোশি কলঅ‌, “লগেপ্রভুর উগুম্‌ গোজ্যেদে যেনে তুমি তমা বংশধরুনোত্ত্যেই এক ওমর পরিমাণ মান্না তুলি রাগঅ‌, যেনে তারা দেগন্‌ লগেপ্রভু মিসর দেজত্তুন্‌ তমারে নিগিলেই আনিবার্‌ পরেদি ধূল্যেচর বামত্‌ কি হেবার্‌ জিনিস্‌ তমারে হেবাত্যে দিয়্যে।”

যাত্রা 16:34

সেই মান্নাগান্‌ যেনে বংশর পর্‌ বংশ ধুরিনে তুল্যে থায় সেনত্তে হারোণে যেরেদি মোশিরে দিয়্যে লগেপ্রভুর্‌ উগুম্‌ মজিম্ সাক্ষ্য-সুন্দুগো মুজুঙোত্‌ সিয়েনি নেযেইনে রাগেল।

যিশাইয় 1:2

ও আগাজ্‌ছান শুন্, ও পিত্‌থিমীগান্ শুন্, লগেপ্রভু কোইয়্যেদে, “মুই ঝি-পুয়োগুনোরে পালেয়োং আর তারারে দাঙর্ গোজ্যং, মাত্তর্ তারা মঅ বিরুদ্ধে উল্লোমি গোজ্যন্।

হোশেয় 10:9

লগেপ্রভু কত্তে, “ও ইস্রায়েল, গিবিয়াত্ যেক্কে তুই পাপ গোজ্যস্ সেক্কেত্তুন্ ধুরি তুই পাপ গুরি এজর্, আর পাপ ভিদিরে তুই রোই যেইয়োচ্। যুদ্ধোগানে কি গিবিয়াত্ অন্যেয়গুরিয়্যেগুনোরে লাগদ্ ন-পেবঅ?

গণাণা 14:5

এই অবস্থাগান্ দেগিনেই মোশি আর হারোণে ইস্রায়েলীয়গুনোর পুরো দল্লো মুজুঙোত্‌ মাদিত্‌ আদু পাড়িনে পরিলাক।

গণাণা 16:21

“তুমি অন্য বেক্‌ মানুচ্চুনোত্তুন্‌ যুদো ওই যঅ, যেনে মুই তারারে এই অক্তবোত্‌ শেজ্ গুরি দি পারং।”

গণাণা 16:38

পাপ গুরিবার্‌ কারনে যিদুক্কুন মানুচ্‌ মুরি যেইয়োন পৌইরেগর্‌ কদরাগুন্‌ তারার। মাত্তর্‌ সিগুন্‌ লগেপ্রভুর মুজুঙোত্‌ আঝিল্ গরা ওইয়্যে বিলিনে সিগুন্‌ তাঁর নাঙে যুুদো গরা ওইয়্যে। সেনত্তে তুমি সিগুন্‌ পিদেনেই চাগা গুরিনে সিগুন্দোই পূজোবো নাঢি দুয়ো। ইয়েন্‌ যেনে ইস্রায়েলীয়গুনো ইদু এক্কান চিহ্নো ওই থায়।”

গণাণা 16:40

মোশিরে দিইনে লগেপ্রভু তারে যে উগুমান দিয়্যে তে সিয়েনোই গুরিলো। ইয়েন গরা অলঅ যেনে ইস্রায়েলীয়গুনে মনত্‌ রাগান, হারোণর বংশধর বাদে আর কনজনে পৌইরেগ্ জ্বালেবাত্তে লগেপ্রভুর মুজুঙোত্‌ যেই ন-পারন; যুনি কনজনে যান্‌ সালে তার্‌ অবস্থা কোরহ আর তার দলর মানুচ্চুনো ধোক্ক্যেন অবঅ।

গণাণা 17:11

লগেপ্রভু মোশিরে যে উগুমগান্ দিলো তে ঠিগ্ সিয়েনোই গুরিলো।

গণাণা 17:4

মিলন-তাম্বুলো ভিদিরে সাক্ষ্য-সিন্দুগোর মুজুঙোত্‌ যিয়েনত্‌ তমা সমারে মর্‌ দেগা অয় সিয়েনত্‌ লুদিক্কুন্ রাগেবা।

গণাণা 17:9

মোশি সেক্কে লগেপ্রভুর মুজুঙোত্তুন্‌ বেক্‌ লুদিক্কুন্‌ নিগিলেই আনিনে ইস্রায়েলীয়গুনো মুজুঙোত্‌ থলঅ। তারা সেই লুদিক্কুন্‌ চেলাক, আর নেতাগুনে পত্তিজনে যার্‌ যার্‌ লুদিক্কুন্‌ তুলি নিলাক।

গণাণা 20:9

লগেপ্রভুর উগুম মজিম তা মুজুঙোত্তুন্‌ মোশি সেই লুদিক্কো তুলি নেযেল।

গণাণা 4:18

“তুমি চেইয়ো যেনে লেবি-গুট্টির্‌ ভিদিরেত্তুন্‌ কহাতীয় বংশগুন্‌ বাদ ন-যান।

১ করিন্হীয় 10:10

তারা ভিদিরে ভালোকজনে কাঙেলেত্যে পেইনে যেবাবোত্যেগুরি ভস্তগুরিয়্যে দূত্‌তুন্দোই ভস্ত ওইয়োন্ সেবাবোত্যেগুরি তুমি কাঙেলেত্যেগান ফগদাং ন-গোজ্জ্য।

ইফিষীয় 5:6

মিজে কধাবাত্তালোই যেন কেউ তমারে ভুল্ পধেদি ন-নেযায়, কিয়া যিগুনে অবাধ্য ওইনে সেবাবোত্যে কাম্ গরন গোজেন সাজা তারা উগুরে লামি এজে।

দ্বি’লম্বর বিররণ 9:24

মুই যেক্কেত্তুন্‌ ধুরি তমারে চিনি পাজ্যং সেক্কেত্তুন্‌ ধুরি দেখ্যংগে, তুমি লগেপ্রভুর বিরুদ্ধে বানা উল্লোমী গুরি যল্লোই।

দ্বি’লম্বর বিররণ 9:7

তুমি ধূল্যেচর-চাগালাত্‌ তমার্‌ গোজেন লগেপ্রভুর রাক্কান্‌ কিঙিরিনে জাগেই তুল্য সিয়েন্‌ মনত্‌ রাগেয়ো, কনদিনঅ ভুলি ন-যেয়ো। মিসর দেজছান ছাড়ি এজানার্‌ দিনোত্তুন্‌ ধুরি আরাম্ভ গুরিনে ইদু লুমোনা সং তুমি লগেপ্রভুর বিরুদ্ধে উল্লোমির্‌ ভাব মনত্‌ গুরি এজর্‌।

ইব্রীয় 9:4

এ ভাগ্‌কানত্ আগর্‌বাট্টি জ্বালেবাত্যে সনার্ ডালিপূজো আর সাক্ষ্য সুন্দুক এলঅ। সিবের্ চেরোকিত্যেদি সনালোই বেড়েয়্যে এলঅ। সিবে ভিদিরে এলঅ সনার্ পিলেত্ থোইয়্যে মান্না, হারোণর যে লুদিক্কোত্ ফুল ফুট্যে সেই লুদিক্কো, আর বেবস্থা-লেগা দ্বিয়েন পাত্তর আরুগ্।

১ শমূয়েল 2:12

এলির পূঅগুনে এলাক অমহদ পাজি। লগেপ্রভু উগুরে তারার কনঅ মনযোগ ন-এলঅ।

১ শমূয়েল 30:22

মাত্তর্‌ দায়ূদোর লগে যিগুনে যেইয়োন তারা ভিদিরে যিগুনে পাজি আর বেজাল্যে মানুচ্‌ এলাক তারা কলাক্, “ইগুনে আমার লগে ন-যান বিলিনে আমি যিয়েনি উদ্ধোর গুরিনে ফিরেই আন্যেই সিয়েনি তারারে ন-দিবোং। ইগুনে বানা যে যার্‌ বৌগুনোরে আর ঝি-পূঅগুনোরে নেযাদোক্‌।”