গণাণা 16:46 - Chakma Bible

⁴⁶ সে পরেদি মোশি হারোণরে কলঅ, “তর্‌ পৌইরেগর্ কদরাবো লোইনে সিয়েনত্‌ পূজোবোত্‌ আগুন ভোরেইনে তা উগুরে পৌইরেগ্ দিচ্‌ আর যাদিগুরি সেই মানুচ্চুনো ইদু যেইনে তারার্‌ পাপ্পানি ঢাগিবার্‌ বেবস্থা গর্‌। লগেপ্রভুর রাগ্‌‌কান্ ফগদাং অলঅ, ভানাপিড়ে আরাম্ভ ওই গেলঅ।।”

গণাণা 16:46 Iomraidhean Croise

১ বংশধর 27:24

সরূয়ার পুয়ো যোয়াবে মানুচ্‌ গণা আরাম্ভ গুরিলো, মাত্তর্‌ থুম্‌ গুরি ন-পারে। মানুচ্‌ গুণিবাত্তে ইস্রায়েল উগুরে লগেপ্রভুর রাগ্‌কান লামি এচ্ছে। সেনত্তে রাজা দায়ূদোর বিজগ বোইবোত্‌ মানুচ্চুনোর কুদুক্কুন্‌ লেগা ন-অয়।

গীতসংহিতা 106:29

এ বজং কামানিলোই তারা লগেপ্রভুরে রাগ্ তুলি দুয়োন্, সেনত্তে তারা ইদু বানা (সাজুরেদে পিড়ে) অলঅ।

গীতসংহিতা 141:2

মঅ তবনাগান্ যেন তুম্বাজ্ আগর্‌বাট্টি ধোক্ক্যেন্, মঅ আঢ্‌তান তুলোনা যেন সাজোন্যে উৎসর্ব ধোক্ক্যেন্ তঅ মুজুঙোত্ আজিল্ অন্।

লেবীয় 10:6

মোশি যেরেন্দি হারোণ আর তার্‌ দ্বিবে পূঅ ইলীয়াসর্‌ আর ঈথামররে কলঅ, “দুঘে তমার্ চুলানি বান্যেগান্‌ খুলি ন-দুয়ো আর কাবড় ফাদি ন-দুয়ো। সিয়েন্‌ গুরিলে তুমি মুরি যেবা আর গোদা ইস্রায়েল্‌ জাদ উগুরে লগেপ্রভু বেজার্ অবঅ। মাত্তর্‌ লগেপ্রভু যিগুনোরে আগুন্দোই মারে ফেলেয়্যে তারাত্তে তমার্ কুদুম্মোগুনে, অত্তাৎ অন্য ইস্রায়েলীয়গুনে আবিলেচ্ গুরি পারিবাক্।”

লেবীয় 9:24

লগেপ্রভুত্তুন্‌ আগুন্‌ নিগিলি এইনে পূজোবো উগুরে পুজ্যে-উৎসর্ব আর বেক্‌ তেলানি পুড়ি ফেলেল। এ বেপারান্‌ দেগিনে মানুচ্চুনে হুজি ওইনে রঅ‌ ছাড়িনে মাদিত্‌ আদুপাড়ি পড়িলাক্।

হবক্‌‌‌‌কূক 3:5

তা আগে আগে যার্ ভানাগান্; তা পিজে পিজে পীড়েগান যার্।

মালাখি 1:11

পূগেত্তুন্ ধুরি পোজিমেদি সং বেক্ জাদ ভিদিরে মঅ নাঙান্ মহৎ অবঅ। বেক্ জাগানিত্ মঅ নাঙে আগর্‌বাট্টি জ্বালা অবঅ আর উৎসর্ব গুরিবাত্তে সিজি জিনিস আনা অবঅ, কিত্যেই বেক্ জাদ ভিদিরে মঅ নাঙান্ মহৎ অবঅ।

গণাণা 1:53

যেনে ইস্রায়েলীয়গুনো উগুরে লগেপ্রভুর সাজা লামি ন-এজে সেনত্তে সাক্ষ্য-তাম্বুলর্‌ চেরোকিত্তে লেবীয়গুনে তাম্বুল বানেইনে থাহ্‌ পুরিবো। সাক্ষ্য-তাম্বুলোর দেগাশুনোত্তে লেবীয়গুনেই দায়ী থেবাক্।”

গণাণা 11:33

মাত্তর্‌ সেই য়েরানি মুয়োত্‌ দিইনে চাবাদে ন-চাবাদে মানুচ্চুনোর বিরুদ্ধে লগেপ্রভুর রাগ্‌কান্ জুলি উদিলো। তে তারা উগুরে এক্কান্‌ দর্‍গরেপারা ভানা পাধেই দিলো।

গণাণা 18:5

ইস্রায়েলীয়গুনো উগুরে যেনে আরঅ মর্‌ রাগ্‌কান্ ফগদাং ন-অয় সেনত্তে পবিত্র তাম্বুলোর আর পূজোবো দেগাশুনো গুরিবার্‌ ভারান্ তমা উগুরে থেবঅ।

গণাণা 25:13

তে তার্‌ গোজেনর্ পাওনা ভোক্তিগান পৌইদ্যেনে আওজী ওইনে ইস্রায়েলীয়গুনোর পাপ্পানি নাঢি দিবার্‌ কামান গোজ্যে বিলি মুই তাত্তে এধোক্ক্যেন সুদোম থিদেবর্ গোজ্যং যেনে ধর্মগুরুবোর্ পদ্‌তান্‌ তার্‌ আর তার্‌ বংশধরুনো ভিদিরে উমরত্যে ধুরি থায়।”

গণাণা 8:19

ইস্রায়েলীয়গুনো ভিদিরে এই লেবীয়গুনোরে মুই হারোণ আর তার্‌ পূঅগুনোরে দান গোজ্যং, যেনে তারা ইস্রায়েলীয়গুনোর্‌ ওইনে মিলন-তাম্বুলোত্‌ কাম্‌ গরন্‌ আর তারার্‌ পাপ্পানি ঢাগিবার্‌ বেবস্থা গরন্‌। সিয়েনত্যে ইস্রায়েলীয়গুনে পবিত্র তাম্বুলো ইদু গেলেয়ো তারা উগুরে কনঅ দজা লামি ন-এবঅ।”

দ্বি’লম্বর বিররণ 9:22

তবিয়েরাতত, মঃসাতত আর কিব্রোৎ-হত্তাবাততঅ তুমি লগেপ্রভুর রাক্কান্‌ জাগেই তুল্য।