গণাণা 16:40 - Chakma Bible

⁴⁰ মোশিরে দিইনে লগেপ্রভু তারে যে উগুমান দিয়্যে তে সিয়েনোই গুরিলো। ইয়েন গরা অলঅ যেনে ইস্রায়েলীয়গুনে মনত্‌ রাগান, হারোণর বংশধর বাদে আর কনজনে পৌইরেগ্ জ্বালেবাত্তে লগেপ্রভুর মুজুঙোত্‌ যেই ন-পারন; যুনি কনজনে যান্‌ সালে তার্‌ অবস্থা কোরহ আর তার দলর মানুচ্চুনো ধোক্ক্যেন অবঅ।

গণাণা 16:40 Iomraidhean Croise

গীতসংহিতা 115:10

ও হারোণর গুট্টি, লগেপ্রভু উগুরে ভর্ গরঅ - তেয়ই তারার বল্ দিয়্যে আর ঢাল।

যিহিষ্কেল 43:19

সাদোক বংশর যে ধর্মগুরুগুন মরে সেবা গুরিবাত্তে মইধু এজন্ তুই পাপ-উৎসর্বত্তে তারারে এক্কো দামাড়া গোরু দিবে।

লেবীয় 22:10

“ধর্মগুরুগুনোর্‌ পরিবারর্‌ মানুচ্‌ বাদে আর কনজনে উৎসর্ব গোজ্যে পবিত্র জিনিস্ হেই ন-পারিবাক্। ধর্মগুরুগুনোর্‌ কনঅ গর্বা বা কামগুরিয়েগুনে সিয়েন্‌ হেই ন-পারিবাক্।

গণাণা 1:51

থেবার্‌-তাম্বুলান যেক্কে অন্য কনকিত্তে নেযা পুরিবো সেক্কে লেবীয়গুনেই সিবে খুলিবাক আর যেক্কে সিবে মিলেই জানা পুরিবো সেক্কে তারাত্তুনো সিবে মিলে পুরিবো। অন্য কনজনে তাইদু গেলে তারে মারে ফেলা অবঅ।

গণাণা 16:39

যে মানুচ্চুনোরে পুড়িনে মারে ফেলা ওইয়্যে তারার্‌ আন্যে পিদলর পৌইরেগর্ কদরাগুন্‌ ধর্মগুরু্‌ ইলীয়াসরে এগত্তর্‌ গুরিলো। সে পরেদি পূজোবো ঢাগিবাত্তে তে সিগুনোরে পিদেইনে চাগা গুরি ফেলেল।

গণাণা 3:10

ধর্মগুরু ইজেবে কাম গুরিবাত্তে তুই হারোণ আর তার পূঅগুনোরে নেযা। তারা বাদেয়ো আর কনজনে যুনি ধর্মগুরুর কাম্‌ গুরিবাত্তে যান্‌ সালে তারে মারে ফেলা অবঅ।”

গণাণা 3:38

মিলন-তাম্বুলো মুজুঙোত্, অত্তাৎ থেবার-তাম্বুলো পূগেন্দি মোশি, হারোণ আর তাঁর পূঅগুনোরে তাম্বুল তুলিবাত্তে কুয়ো ওইয়্যে। তাঁরার্‌ দায়িত্বো এলদে ইস্রায়েলীয়গুনোর্‌ ওইনে পবিত্র তাম্বুর বেক্‌ কামানি পরিচালনা গরানা। তাঁরা বাদে আর কনজনে পবিত্র তাম্বুল ইদু গেলে তারে মারে ফেলেবাত্তে কুয়ো ওইয়্যে।

ইব্রীয় 5:4

দাঙর্ ধর্মগুরু অবার্ সর্মানান কেঅ নিজে লোই ন-পারে, মাত্তর্ গোজেনে যিবেরে ডাগে তেয়ই সেই সর্মানান পায়, যেধোক্ক্যেন দাঙর্ ধর্মগুরু অবাত্যে গোজেনে হারোণরে ডাক্ক্যে।

যিহূদা 1:11

অভিশাব্ পাদোক্ সেই মানুচ্চুনে! যিগুনে কয়িনো পধেদি যেইয়োন, লাভত্যে বিলিয়মর্ ভুল আঢত্ নিজোরে ইরি দুয়োন আর কোরহ ধোক্ক্যেন উল্লোমি গুরিনে ভস্ত ওই যেইয়োন।