গণাণা 16:38 - Chakma Bible

³⁸ পাপ গুরিবার্‌ কারনে যিদুক্কুন মানুচ্‌ মুরি যেইয়োন পৌইরেগর্‌ কদরাগুন্‌ তারার। মাত্তর্‌ সিগুন্‌ লগেপ্রভুর মুজুঙোত্‌ আঝিল্ গরা ওইয়্যে বিলিনে সিগুন্‌ তাঁর নাঙে যুুদো গরা ওইয়্যে। সেনত্তে তুমি সিগুন্‌ পিদেনেই চাগা গুরিনে সিগুন্দোই পূজোবো নাঢি দুয়ো। ইয়েন্‌ যেনে ইস্রায়েলীয়গুনো ইদু এক্কান চিহ্নো ওই থায়।”

গণাণা 16:38 Iomraidhean Croise

১ রাজাবলী 2:23

ইয়েনর্ পরেন্দি রাজা শলোমন লগেপ্রভুর নাঙে শমক্‌ খেইনে কলদে, “এ কোজোলিগানত্তে যুনি আদোনিয়র পরাণান নেযা ন-অয় সালে লগেপ্রভু যেনে মরে সাজা দে, আর সিয়েন জদবদেগুরিনে দে।

গম্ উপদেজ্ 1:18

এ মানুচ্চুনে নিজে খুন্ অবাত্তে হাপ্ দি থান, নিজে শেজ্ অবাত্তে পৌল্যেই থান্।

গম্ উপদেজ্ 20:2

রাজার রাগ্‌কান সিংহ গুজুরোনি ধোক্ক্যেন্; তারে যে রাগ্ তুলি দে তে নিজো পরানানরে দজাত্ ফেলায়।

গম্ উপদেজ্ 8:36

মাত্তর্ যে মরে ন-পায় তে নিজোরে ক্ষতি গরে; যিগুনে মরে ঘিনেন্ তারা বেক্কুনে মরণানরে গমপান্।”

যিরমিয় 44:7

ইক্কিনে মুই ইস্রায়েলর গোজেন বেগত্তুন্ খেমতাবলা লগেপ্রভু কঙর্, কিত্তে তুমি নিজোর্ এত্তমান সর্বনাশ গরর্? তুমি দঅ মরদ, মিলে, ঝি-পুয়ো আর চিগোন চিজিগুনোরে যিহূদাত্তুন্ নিগিলেই আনিনে নিজোরে আর তারার বেক্কুনোরে ভস্ত গুরি দুয়োর্।

যিহিষ্কেল 14:8

মুই সে মানুচ্চোর বিপক্ষে থিয়্যেম্ আর তারে এক্কান উদাহরন আর এক্কান দাগঅ কধা ধোক্ক্যেন গুরিম। মঅ মানুচ্চুনো ভিদিরেত্তুন্ মুই তারে কাবি ফেলেম। সেক্কে তুমি হবর্ পেবা যে, মুয়ই লগেপ্রভু।

হবক্‌‌‌‌কূক 2:10

তুই ভালোক্ জাদরে ভস্ত গুরিনে নিজো পরিবার উগুরে লাজানাগান আন্যস্ আর বাঁজিবার অধিকারান্ আরেই ফেলেয়োচ্।

গণাণা 16:37

“তুই ধর্মগুরু হারোণর পূঅ ইলীয়াসররে কোই দে যেনে তে সেই পোড়া জাগাত্তুন্‌ পৌইরেগর্ কদরাগুন নিগিলেই আনিনে আঙারাগুন কিজু দূরোত নেযেইনে ছিদি দে, কিত্যে পৌইরেগর্ কদরাগুন মর্‌ নাঙে যুদো গরা ওইয়্যে।

গণাণা 16:39

যে মানুচ্চুনোরে পুড়িনে মারে ফেলা ওইয়্যে তারার্‌ আন্যে পিদলর পৌইরেগর্ কদরাগুন্‌ ধর্মগুরু্‌ ইলীয়াসরে এগত্তর্‌ গুরিলো। সে পরেদি পূজোবো ঢাগিবাত্তে তে সিগুনোরে পিদেইনে চাগা গুরি ফেলেল।

গণাণা 16:40

মোশিরে দিইনে লগেপ্রভু তারে যে উগুমান দিয়্যে তে সিয়েনোই গুরিলো। ইয়েন গরা অলঅ যেনে ইস্রায়েলীয়গুনে মনত্‌ রাগান, হারোণর বংশধর বাদে আর কনজনে পৌইরেগ্ জ্বালেবাত্তে লগেপ্রভুর মুজুঙোত্‌ যেই ন-পারন; যুনি কনজনে যান্‌ সালে তার্‌ অবস্থা কোরহ আর তার দলর মানুচ্চুনো ধোক্ক্যেন অবঅ।

গণাণা 17:10

ইয়েনর্ পরেদি লগেপ্রভু মোশিরে কলঅ, “উল্লোমি গুরিয়েগুনো ইদু এক্কান মনত্‌ রাগেবার চিহ্নো ওই থেবাত্তে তুই হারোণর লুদিক্কো আরঅ সাক্ষ্য-সিন্দুগোর মুজুঙোত্‌ রাগেই দে। ইয়েন্দোই তুই মঅ বিরুদ্ধে তারার্‌ বক্‌বক্‌ গরানাগান্ থামেই দি পারিবে, যিয়েনত্যে তারা আর ন-মুরিবাক।”

গণাণা 26:10

কোরহ সমারে এই দ্বিজনরেয়ো পিত্‌থিমীয়ানে আ গুরিনে গিলি ফেল্যে; আর কোরহর দল্লোর দ্বিশ পঞ্চাশ জন আগুনোত্‌ পুড়ি মুরি যেইয়োন। ইগুনে ইস্রায়েলীয়গুনোত্তে উঝিয়ার্‌ গুরিবার্‌ চিহ্নো ওই রলাক।

১ করিন্হীয় 10:11

অন্য মানুচ্চুনে যেনে দেগিনে শিগি পারন্ সেনত্তে তারা উগুরে ইয়েনি ঘোট্যে। আর আমি যিগুনে যুগোর্ শেষ্ সময়োত্ এইনে লুম্মেয়ি, সিয়েনই আমারে উজিয়ার্ গুরিবাত্তে ইয়েনি বেক্কানি লেগা ওইয়্যে।

২ পিতর 2:6

সদোম আর ঘমোরা শঅরান্ আগুন্দোই ভস্ত গুরিনে গোজেনে সেই শঅর মানুচ্চুনোরে সাজা দিয়্যে আর এবাবোত্যেগুরি তে দেগেয়্যে, যিগুনে গোজেনরে ভোক্তি ন-গরন সিগুনোর্ অবস্থা কি অবঅ;