গণাণা 16:33 - Chakma Bible

³³ তারার যেদক্কানি এলঅ বেক্কানি নেযেইনে তারা জেদা অবস্থায় গোরত্‌ গেলাক্। পরেদি তারা উগুরে সেই ফাদাগান বন্ধ ওই গেলঅ।

গণাণা 16:33 Iomraidhean Croise

গীতসংহিতা 141:7

মান্‌জ্যে চাষ গুরিনে যেবাবোত্যে গুরি মাদিগানরে ভাঙি ফেলান্ সেবাবোত্যেগুরি আমা আড়ুন গোরত্ ছিদি দিয়্যে ওইয়্যে।

গীতসংহিতা 143:7

ও লগেপ্রভু, তুই মরে যাদিমাদি জোব্ দে, কিত্তে মঅ পরাণানে যেন নিগিলি যাত্তে ধোক্ক্যেন্; মইদু তঅ মুয়োন ফিরেই ন-রাগেচ্, গোরত্ যিগুনোরে লামাদন্ মুই তারা ধোক্ক্যেন্ যেন ন-অং।

গীতসংহিতা 55:15

মঅ শত্রুগুনো উগুরে আদিক্ক্যেন্‌গুরি মরন এজোক্; তারা জেদাবাদে পাদালত্ যাদোক্, কিত্তেই তারা ঘরত্ আর তারা মনানিত্ কুজুরোমি আঘে।

গীতসংহিতা 55:16

মাত্তর্ মুই গোজেনরে ডাগিম, আরে লগেপ্রভু মরে উদ্ধোর্ গুরিবো।

গীতসংহিতা 55:23

মাত্তর্ ও গোজেন, তুই খুনি আর ছলনাগুরিয়্যেগুনোরে মরণর জাগাত ফেলেই দিবে, আর সিয়েন গুরিবাদে তারার আয়ুর অদ্দেক্ শেজ্ অবার আগেন্দি; মাত্তর্ মুই তঅ উগুরে বিশ্বেজ্ গুরিম।

গীতসংহিতা 69:15

পানি বান যেন মঅ উগুরেন্দি বেই ন-যায়, গভিন পানিগানে যেন মরে তলাত্ ন-ফেলায়; মরণ জাগানর মুয়োন যেন মত্তেই বানা ন-অয়।

গীতসংহিতা 9:15

অন্য জাদ্‌তুনে নিজে খুজ্যে গাদত্ পত্তন্দোই; তারার্ লুগেয়্যে জালত্ তারা টেঙানি আক্‌‌সো যেইয়্যে।

যিশাইয় 14:15

মাত্তর্ তরে মরণ জাগাত্ লামা ওইয়্যে, অয়, সে গাদ্‌তোত্ বেগত্তুন্ তলে জাগানত্ লামা ওইয়্যে। ‌‌

যিশাইয় 14:9

তুই মরণ জাগাত্ এচ্চোস্ বিলিনে মরণ জাগার মানুচ্চুনে তঅ লগে দেগা গুরিবাত্তে অমকদ মাঢা ঠিগ্ নেইয়্যে ওইয়োন্। সেনত্তে মরাগুনোর্ আত্মাগান উদের্ যেন তারা তঅ লগে দেগা গুরি পারন্। যিগুনে এ সংসারর্ নেতা এলাক্ তারা বেক্কুনে উঠ্যন্; যিগুনে জাদ্‌তুনো উগুরে রাজা এলাক্ তারা বেক্কুনে তারা সিংহাসনত্তুন্ উঠ্যন্।

যিশাইয় 38:18

মরণ জাগায়ানে দঅ তরে বাঈনী গুরি ন-পারে, আর মরণানেয়ো তর্ নাঙ্-গিনেদে গান গেই ন-পারে। যিগুনে সে গাঢত্ লামন তারা তর্ এগেমর্ ভর্‌‌পুনঙান আজা গুরি ন-পারন্।

যিহিষ্কেল 31:14

সিয়েনত্তে পানি পার অন্য কনঅ গাজে অহংকারে অজল্ ন-অবঅ, তার মাঢাবো আগাজত্ ন-লুমিবো আর তে এদক্ অজলজত্‌অ ন-লুমিবো। তারা বেক্কুনে মান্‌‌‌‌জ্য ধোক্ক্যেন মরণর্ তলে; তারা পিত্‌‌‌‌থিমীর গভীনোত্, অত্তাৎ মরণ জাগাত্ লামিবাত্তে ঠিগ্ ওই আগন।

যিহিষ্কেল 32:18

ও মান্‌‌জ্যর পুয়োবো, মিসর মানুচ্চুনোত্তে আবিলেচ্ গর আর যিগুনে মরণ জাগাত্ লামদন্ তারা লগে তারে আর অন্য খেমতাবলা জাদর্ মানুচ্চুনোরে পিত্‌‌‌থিমীর গভীনোত্ পাধেই দে।

যিহিষ্কেল 32:30

“উত্তোরেদি দেজর্ বেক শাজন্‌গুরিয়্যেগুন আর সীদোনীয়োগুন বেক্কুনে সিয়েনত্ আগন্। যুনিয়ো তারার খেমতালোই তারা দর্‌‌‌‌বুক লাগেয়োন তুয়ো অসর্মানর লগে তারা যুদ্ধোত্ মোজ্যে মানুচ্চুনো সমারে তলেদি লামি যেইয়োন্ আর তারা লগে সুন্নত-ন-গোজ্যে অবস্থায় পড়ি আগন্। যিগুনে মরণ জাগাত্ লামি যেইয়োন তারা সমারে এই মানুচ্চুনে তারার্ অসর্মান পাদন্।

গণাণা 16:32

আর পিত্‌থিমীগানে মুয়োন খুলিনে কোরহর পরিবারর বেক্‌ মানুচ্চুনোরে আর বেক্কানি গিলি ফেলেল।

গণাণা 16:34

তারার কাঁনা-কুদিলোই চেরোকিত্তে বেক্‌ ইস্রায়েলীয়গুনে জগার্‌ পারিনে এই কধাগান্‌ কদে কদে দাবা দিলাক্, “পিত্‌থিমীগানে অয়ত আমারেয়ো গিলি ফেলেব।”

গণাণা 22:33

গাধীবো মরে দেগিনে এই তিনবার মঅ মুজুঙোত্তুন্‌ সুরি যেইয়্যে। যুনি তে সুরি ন-যেদঅ, সালে মুই হামাক্কায়্‌ তরে এদক্কনে মারে ফেলেদুং আর গাধীবোরে বাঁজেই রাগেদুং।”

গণাণা 26:11

মাত্তর্‌ কোরহর পূঅগুনে সেই সময়োত্‌ ন-মরন।

দ্বি’লম্বর বিররণ 32:22

মর্‌ রাগর আগুনান জুলি উঠ্যে; সেই আগুনান জ্বলের গোরর্ বেগত্তুন তলেন্দি জাগান সং। সেই আগুনান পিত্‌থিমী আর তার বেক ফসলানি হেই ফেলেব আর আগুনান্ লাগেব বেক মুড়োবোর গড়াত্‌।

যিহূদা 1:11

অভিশাব্ পাদোক্ সেই মানুচ্চুনে! যিগুনে কয়িনো পধেদি যেইয়োন, লাভত্যে বিলিয়মর্ ভুল আঢত্ নিজোরে ইরি দুয়োন আর কোরহ ধোক্ক্যেন উল্লোমি গুরিনে ভস্ত ওই যেইয়োন।