গণাণা 16:28 - Chakma Bible

²⁸ মোশি সেক্কে ইস্রায়েলীয়গুনোরে কলঅ, “ইয়োত্তুনোই তুমি বুঝি পারিবা, মুই যিয়েন্‌ গরঙর্‌ সিয়েন গুরিবাত্তে লগেপ্রভুই মরে পাদেয়্যে; ইয়েন মর্‌ মনে মন্‌গজ্জা কিচ্ছু নয়।

গণাণা 16:28 Iomraidhean Croise

১ রাজাবলী 18:36

বেইল্যে বেইল্যে উৎসর্বর সময়ানত্‌ ভাববাদী এলিয় মুজুঙোত্‌ উজেই এইনে তবনা গুরিলো, “ও লগেপ্রভু, অব্রাহাম, ইসহাক আর ইস্রায়েলর গোজেন, এচ্ছ্যে তুই জানেই দে, ইস্রায়েলর ভিদিরে তুয়ই গোজেন আর মুই তঅ চাগর্‌, আর তঅ উগুমে মুই ইয়েনি গোজ্যং।

যাত্রা 3:12

গোজেনে কলঅ, “মুয়ই তঅ লগে থেইম্‌। তুই মিসর দেজত্তুন্‌ মানুচ্চুনোরে নিগিলেই আনিবে আর তুমি এ মুড়োবোত্‌ মঅ নাঙে উবোসনা গুরিবা। মুয়ই যে তরে পাদেলুং ইয়েনই অবঅ তইধু তার্‌ চিহ্নো।”

যাত্রা 4:12

তুই এবেরা যাহ্। মুই নিজেই তরে কধা কবাত্তে বল্‌ দিম আর যিয়ান্‌ কবার্‌ সিয়ান তরে শিগেই দিম।”

যাত্রা 4:15

তুই যেক্কে তা লগে কধা কবে সেক্কে তারে কোই দিবে কি কুয়ো পুড়িবো। মুই তমা দ্বিজনরে কধা কবাত্যে বল্‌ দিম আর কি গরা পুড়িবো সিয়েন তমারে শিগেই দিম।

যাত্রা 7:9

“ফরৌণে যেক্কে তমারে কনঅ আমক্‌ অইদে কাম্‌ গুরি দেগেবাত্তে কবঅ, সেক্কে তুই হারৌণরে কবে, ‘ফরৌণ মুজুঙোত্‌ তঅ লুদিক্কো ফেলা,’ আর সেক্কে সিবে সাপ ওই যেবঅ।”

যিরমিয় 23:16

বেগত্তুন খেমতাবলা লগেপ্রভু কোইয়্যেদে, “ভাববাদীগুনে যে কধা কদন সিয়েনি তুমি ন-শুন্য; তারা তমা মনত্ মিজে আশা জাগেয়োন। তারা লগেপ্রভুর মুয়োত্তুন শুনিনে কধা ন-কন বরং নিজোর মনেমনজক্কা দর্শনর কধা কন।

যিহিষ্কেল 13:17

সে পরেদি লগেপ্রভু মরে কলঅ, ও মান্‌জ্যর্ পুয়োবো, তঅ জাদর্ যে মিলেগুনে ভাববাদী ইজেবে নিজোরে মনেমনজক্কা কধা কন্ ইক্কিনে তুই তারা বিরুদ্ধে থিয়্যে। তুই তারা বিরুদ্ধে এ কধানি কঅ,

সখরিয় 2:9

মুই তারার্ বিরুদ্ধে হামাক্কায় মঅ আঢ্‌‌তানি তুলিম, সেক্কে তারার্ চাগরুনে তারারে লুদেবাক্।” ইয়েন যেক্কে ঘুদিবো সেক্কে তুমি বুঝি পারিবা যে, বেগত্তুন্ খেমতাবলা লগেপ্রভুই মরে পাদেয়্যে।

সখরিয় 4:9

“সরুব্বাবিলর আঢ্‌‌তানিয়ে এ উবোসনা-ঘরর্ গড়াগান থিদেবর্ গোজ্যে আর তা আঢ্‌‌তানিয়ে সিয়েন থুম্ গুরিবো। সেক্কে মানুচ্চুনে হবর্ পেবাক্ যে, মুই বেগত্তুন্ খেমতাবলা লগেপ্রভু তরে তারাইদু পাদেয়োং। ‌‌

গণাণা 24:13

যুনিয়ো বালাকে সোনা-রূবোয় ভোজ্যে রাজ্‌ঘরান্‌ মরে দে তো মর্‌ নিজোর্‌ আওজে মুই গম্‌-ভান্ন্যেই কিচ্ছু গুরি ন-পারিম বা লগেপ্রভুর্‌ উগুমোর্‌ বারেন্দি যেই ন-পারিম, আর লগেপ্রভু যিয়েনি কবঅ বানা সিয়েনিই মত্তুন্‌ কুয়া পুরিবো।

যোহন 11:42

অবুচ্চ্যই মুই কোই পারং আমিযে তুই মঅ কধানি শুনোচ্। মাত্তর্ যিদুক্কুন্ মানুচ্ চেরোকিত্ত্যে থিয়্যেই আগন্ তারা যেন বিশ্বেজ্ গুরি পারন্ যে, তুই মরে পাধেয়োচ্, সেনত্তে এ কধাগান্ কলুং।”

যোহন 14:11

মঅ কধানি বিশ্বেজ্ গরঅ যে, মুই বাবা সমারে আঘং আর বাবা মঅ সমারে আঘে। সিয়েন্ ন-অলে অন্তত: মর্ এই বেক্‌ কামানিত্যে মঅ উগুরে বিশ্বেজ্ গরঅ।

যোহন 5:30

মুই নিজোত্তুন্ কিচ্চু গুরি ন-পারং; যেবাবোত্যে শুনোং সেবাবোত্যে বিচের্ গরং। মুই গমেডালে বিচের্ গরং, কিয়া মুই মঅ আওজ্ মজিম্ কাম্ গুরিবাত্তে ন-চাং মাত্তর্ যে মরে পাধেয়্যে তা আওজ্ মজিম্ কাম্ গুরিবাত্তে চাং।

যোহন 5:36

মাত্তর্ যোহন সাক্ষ্যত্তুন্অ বেশ্ দাঙর্ সাক্ষ্য মর্ আঘে, কিয়া বাপ্পো মরে যে কামানি গুরিবাত্যে দিয়্যে সিয়েনি মুই গরঙর্। আর সিয়েনি মঅ পৌইদ্যেনে এ সাক্ষ্যগান্ দের্ যে, বাবা মরে পাধেয়্যে।

যোহন 6:38

কিয়া মুই মঅ মনেমন্‌জক্কাগুরি কাম্ গুরিবাত্যে ন-এজং, বরং যে মরে দিপাধেয়্যে তার আওজ্ মজিম্ কাম্ গুরিবাত্যে স্বর্গত্তুন্ লামি এচ্চ্যং।

দ্বি’লম্বর বিররণ 18:22

কনঅ ভাববাদী যুনি লগেপ্রভুর নাঙান্‌ দিইনে কনঅ কধা কয় আর সিয়েন যুনি মিজে অয় বা ন অয়, সালে বুঝো পুরিবো সে কধাগান লগেপ্রভু ন কয়। সে ভাববাদীবো দুঘ্ সাহস গুরিনে সে কধাগান কোইয়্যে। তারে তুমি ন দোরেবা।