গণাণা 16:22 - Chakma Bible

²² মাত্তর্‌ মোশি আর হারোণে মাদিত্‌ আদু পাড়ি পড়িনে কলাক্কে, “ও গোজেন, তুই বেক্‌ মানুচ্চুনোর পরাণর গিরোজ্‌। বানা এক্কো মান্‌জে পাপ গোজ্যে বিলি কি তুই গোদা ইস্রায়েলীয় সমাজ উগুরে তর্‌ রাক্কান্‌ দেগেবে?”

গণাণা 16:22 Iomraidhean Croise

পত্থম 18:32

সেক্কে অব্রাহামে কলঅ, “মর্‌ প্রভু যেনে বেজার্‌ ন-অয়্‌, মুই আর বানা একবার্‌ কঙর্‌, যুদি সিয়েনত্‌ দশ্‌ জনরেয়ো পাহ্ যায়?” তে কলঅ, “সে দশ্‌জনত্তে মুই‌ সিয়েন্‌ ভস্ত ন-গুরিম্‌।”

২ শমূয়েল 24:1

লগেপ্রভু আরঅ ইস্রায়েলীয়গুনো উগুরে রাগে জুলি উদিলো। তে দায়ূদোরে তারার বিরুদ্ধে রাগ তুলি দিইনে কলদে, “তুই যেইনে ইস্রায়েল আর যিহূদা মানুচ্চুনোরে গুণিই লঅ।”

২ শমূয়েল 24:17

যে স্বর্গদূত্তো মানুচ্চুনোরে আঘাত্ গোজ্যে দায়ূদে তারে দেগিনে লগেপ্রভুরে কলঅ, “পাপ আর অন্যেয় মুই গোজ্যং। তারা দঅ ভেড়া ধোক্ক্যেন্‌। তারা কি গোজ্যন্? সেনত্তেই মরে আর মঅ বাব বংশবোরে তুই সাজা দিচ্‌।” দায়ূদে এক্কান ডালিপূজো বানেল।

ইয়োব 12:10

তা আধত্‌ বেক্‌ পরাণবলাগুনোর্‌ জীংকানিগানি আঘে; বেক্‌ মানুচ্চুনোর্‌ নিজেস্‌ছুনো তা আধত্‌ আঘে।

গীতসংহিতা 99:6

তা ধর্মগুরুগুনোর্ ভিদিরে অলাক্ মোশি আর হারোণ; যিগুনে তাইদু তবনা গুরিদাক্ তারার ভিদিরে এলদে শমূয়েল। মোশি, হারোণ আর শমূয়েলে লগেপ্রভুরে ডাগিদাক্ আর তে তারারে জোব্ দিদো।

উপদেশক 12:7

মাদিগান্ মাদিত্ ফিরি যেবঅ, আর যে আত্মাগান্ গোজেনে দিয়্যে সে আত্মাগান্ তাইদু ফিরি যেবঅ।

যিশাইয় 57:16

মুই উমরত্তে মান্‌জ্যরে দুষি ন-গুরিম বা মঅ রাগ্‌কান নিত্য তারা উগুরে ন-থেবঅ। যুনি থায় সালে মানুচ্, যে মানুচ্চোরে মুই বানেয়োং তারা দঅ মঅ মুজুঙোত্ শেজ্ ওই যেবাক্।

যিরমিয় 32:27

মুই লগেপ্রভু, বেক মানুচ্চুনোর গোজেন। কনঅ কিজু গরানা কি মঅ তপ্পে অাগাত্যে?

যিরমিয় 38:16

সেক্কে রাজা সিদিকিয় ভিদিরে ভিদিরে যিরমিয় ইধু শমক্ হেইনে কলঅ, “যিবে আমারে নিজেস্ লবার্ বৈয়্যেরান দিয়্যে সেই জেদা লগেপ্রভুর নাঙে, মুই তরে মারেই ন-ফেলেম বা যিগুনে তরে মারেই ফেলেবাত্তে চাদন্ তারা আঢত্অ তরে ন-দিম।”

যিহিষ্কেল 18:4

জেদা বেক্ মানুচ্চুন মর্, বাপ্ আর পুয়ো দ্বিয়োবো মর্। যে পাপ গুরিবো তেয়ই মুরিবো।

লেবীয় 10:6

মোশি যেরেন্দি হারোণ আর তার্‌ দ্বিবে পূঅ ইলীয়াসর্‌ আর ঈথামররে কলঅ, “দুঘে তমার্ চুলানি বান্যেগান্‌ খুলি ন-দুয়ো আর কাবড় ফাদি ন-দুয়ো। সিয়েন্‌ গুরিলে তুমি মুরি যেবা আর গোদা ইস্রায়েল্‌ জাদ উগুরে লগেপ্রভু বেজার্ অবঅ। মাত্তর্‌ লগেপ্রভু যিগুনোরে আগুন্দোই মারে ফেলেয়্যে তারাত্তে তমার্ কুদুম্মোগুনে, অত্তাৎ অন্য ইস্রায়েলীয়গুনে আবিলেচ্ গুরি পারিবাক্।”

লেবীয় 4:3

“কনঅ দাঙর্‌ ধর্মগুরু যুনি সেধোক্ক্যেন কনঅ অন্যেয়্‌ গুরি ফেলায়্‌ যিয়েনত্তে বেক্‌ মানুচ্চুন্‌ দুষি অন্‌, ছালে সিয়েনত্তে তাত্তুন্‌ পাপ্‌-উৎসর্ব ইজেবে লগেপ্রভু ইদু এক্কো থুদো নেইয়্যে গোরু আনা পুরিবো।”

সখরিয় 12:1

ইবে অলঅ ইস্রায়েল পৌইদ্যেনে লগেপ্রভুর্ কধা। লগেপ্রভু, যিবে আগাজ্‌‌‌‌চানরে মিলি দিয়্যে, যিবে পিত্‌‌‌‌থিমীর গোড়াগানরে থিদেবর্ গোজ্যে, যিবে মান্‌‌‌‌জ্য ভিদিরে আত্মা বানেই দিয়্যে, তে কোইয়্যেদে,

গণাণা 14:5

এই অবস্থাগান্ দেগিনেই মোশি আর হারোণে ইস্রায়েলীয়গুনোর পুরো দল্লো মুজুঙোত্‌ মাদিত্‌ আদু পাড়িনে পরিলাক।

গণাণা 16:23

সেক্কে লগেপ্রভু মোশিরে কলঅ,

গণাণা 16:4

এই কধাগান শুনিনে মোশি মাদি উগুরে আদু পাড়িনে পড়িলো।

গণাণা 16:45

“তুমি ইগুনোত্তুন্‌ সুরি যঅ; মুই ইক্কুনি ইগুনোরে শেজ্ গুরি ফেলেম্‌।” এই কধাগান শুনিনে তারা মাদিত্‌ আদু পাড়িনে পুরিলাক।

রোমীয় 5:18

সালে এক্কান্ পাপর মাধ্যমে যেবাবোত্যেগুরি বেক্ মানুচ্চুনোর সাজা পেবার্ যগাজ্যে বিলি ধরা ওইয়্যে, সেবাবোত্যেগুরি এক্কান গম্ কামর্ মাধ্যমে বেক্ মানুচ্চুনোরে নিদ্দুজি বিলি মানি লবার্ বেবস্থা গরা ওইয়্যে আর সিয়েনর্ ফল অলঅ উমর জিংকানি।

১ করিন্হীয় 13:7

কোচ্‌পানাগানে বেক্কানি সোজ্জ্য গরে, বেক্কুনোরে বিশ্বেজ্ গত্তে আয়োজি, বেক্কানিত্ আজা রাগায় আর বেক্ অবস্থাত্ থির্ থায়।

ইব্রীয় 12:9

ইয়েন বাদে আমি দেক্ক্যেই, আমা জগদ বাব্‌পুনে আমারে শাসন গুরিদাক্ আর আমি তারারে সর্মান গুরিদোং। সালে যিবে বেক্ আত্মাগুনোর্ বাপ্ তা অধিনোত্ থানা কি আমার্ আরঅ উজিত্ নয়, যেনে আমি জিংকানি পেই?

যিহোশূয় 22:18

ইক্কিনে আরঅ‌ তুমি লগেপ্রভুর পথ্‌তানত্তুন্‌ সুরি যেবাত্তে চর্‌? এচ্চ্যে যুনি তুমি লগেপ্রভুর্‌ বিরুদ্ধে উল্লোমী গরঅ‌ সালে কেল্যে তে আমার পুরো ইস্রায়েলীয় সমাজ উগুরে রাগকান্‌ ফগদাঙ্‌ গুরিবো।