গণাণা 16:17 - Chakma Bible

¹⁷ পত্তি জনত্তুন্‌ তার্‌ পৌরেগর্ কদরাত্‌ পৌইরেগ্ দিয়া পুরিবো; বেক্কুনে দুইশ পঞ্চাশচুয়ো পৌইরেগর্ কদরাত্‌ পৌইরেগ্ দিইনে লগেপ্রভুর মুজুঙোত্‌ সিগুন্‌ উৎসর্ব গরা পুরিবো। তত্তুন্‌ আর হারোণত্তুন পৌইরেগর্ কদরাত্‌ পৌইরেগ্ উৎসর্ব গরা পুরিবো।

গণাণা 16:17 Iomraidhean Croise

যাত্রা 27:3

ডালিপূজোবোর্‌ ছেইয়ানি ফেলেবার্‌ পিলে আর কাদি, উৎসর্বর্‌ লো রাগেবার্‌ কদরা, য়েরা তুলিবার্‌ কাদা চামেচ্‌ আর আগুন্‌ রাগেবার্‌ পিলে বেক্কুন্‌ পিদোল্লোই‌ বানা পুরিবো।

যিহিষ্কেল 8:11

সিগুনো মুজুঙোত্ থিয়্যেই আগন্ ইস্রায়েলীয়গুনোর সত্তুর্ জন নেতা আর তারা ভিদিরে থিয়্যেই আগেদে শাফনর পুয়ো যাসনিয়। তারার্ পত্তিজনর আঢত্ এক্কো গুরি আগর্‌বাট্টির্ টগ্ এলঅ আর সিগুনোত্তুন্ আগর্‌বাট্টির্ ধূমো মেঘ্‌কানি উগুরেদি উদের্।

গণাণা 16:16

সে পরেদি মোশি কোরহরে কলঅ, এযেত্যেকেল্যে তত্তুন্‌ আর তর্‌ দলর্‌ বেক্কুনোত্তুন লগেপ্রভুর মুজুঙোত্ আঝিল্ উয়ো পুরিবো। তুই আর তর্‌ দলর্‌ মানুচ্চুনোত্তুন আর সে সমারে হারোণত্তুনঅ আঝিল্ উয়ো পরিবো।

গণাণা 16:18

মোশি কধা মজিম্ পত্তিজনে নিজোর নিজোর পৌইরেগর্ কদরাত্‌ আগুন আর পৌইরেগ লোইনে মিলন-তাম্বুলোর দোরান মুজুঙোত্‌ মোশি আর হারোণ সমারে যেইনে থিয়্যেলাক্।

১ শমূয়েল 12:7

সালে এবেরা তুমি যুক্কোল্ অ। লগেপ্রভু তমার আর তমার পুরোণি মানুচ্চুনোত্তে যেদক্কানি অন্যেয় কাম্‌ গোজ্যন্‌ মুই সেই বেক্কানি লগেপ্রভুর মুজুঙোত্‌ তমার দুষছানি দেগেই দিম।