40 সেক্কে মর্ বেক্ উগুমানি পালেবার কধা তমাত্তুন্ মনত্ থেবঅ আর তমার গোজেনর্ নাঙে তুমি যুুদো গুরি থোইয়্যে মানুচ্ ওই যেবা।
মর্ উগুমানি তমাত্তুন্ মানা পুরিবো আর সেধোক্ক্যেন গুরি আদা পুরিবো। মুই লগেপ্রভু।
মুই তমার্ গোজেন লগেপ্রভু। তমা গোজেন অবাত্তে মুই মিসর দেজত্তুন্ তমারে নিগিলেই আন্যং। মুয়ই লগেপ্রভু তমার গোজেন।”
সালে ভেইলগ্, গোজেনর্ এ বেক্ দোয়্যের্ কারনে মুই তমারে বিশেষ গুরিনে কোজোলি গরঙর্, তুমি তমার্ কিয়্যেগানরে জেদা, পবিত্র আর গোজেনর্ মানি লোইয়্যে উৎসর্ব ইজেবে গোজেন আঢত্ তুলি দুয়ো। সিয়েনই অবঅ তমার্ যগাজ্যে সেবা।
আমি যেনে গোজেন চোগেদি পবিত্র আর গম্ ওই পারিই সেনত্যে গোজেনে জগদ্তান বানেবার্ আগেদি খ্রীষ্টর্ মাধ্যমে আমারে বেঈ লোইয়্যে। তার্ কোচ্পানাত্যে তে হুজী ওইনে নিজোর্ আয়োজে আগে ধুরি ঠিগ গোজ্জ্যেদে, যীশু খ্রীষ্টর্ মাধ্যমে তার্ পুয়ো ইজেবে তে আমারে মানি লবঅ।
কিয়া গোজেনে ফি-বলা ওইনে চলিবাত্যে আমারে ন-ডাগে, পবিত্র গুরি চলিবাত্যে ডাক্ক্যে।