গণাণা 15:39 - Chakma Bible

³⁹ সেই ঝালোয়ারানি বাঁনিবা যেনে সিয়েনন্দি চোগ্‌ পুরিলে মর্‌ বেক্‌ উগুমোর্‌ কধানি তমাত্তুন্‌ মনত্‌ পড়ে আর তুমি সিয়েন্‌ মানি চলঅ। সালে তুমি মঅ উগুরে বিশ্বেজ্ ন-রাগেইনে তমার্‌ মনর্ আর চোগোর্‌ কামনা ইদু নিজোরে তুলি ন-দিবা।

গণাণা 15:39 Iomraidhean Croise

১ রাজাবলী 12:33

আস্‌তো মাজর্‌ পন্দর দিনোর্‌ দিন্নোত্‌ বৈথেলত্‌ তার বানেয়্যে ডালিপূজোবোত্‌ তে এ্যমান্‌ উৎসর্ব গুরিলো। সময়ান তার নিজোর্‌ বেঈ নেযেয়্যে। এবাবোত্যেগুরি তে ইস্রায়েলীয়গুনোত্তে পরবর্‌ বেবস্থা গুরিলো আর এ্যমান্‌ উৎসর্ব গুরিবাত্তে ডালিপূজোত্‌ উদিলো।

ইয়োব 31:7

যুনি মুই ভান্ন্যেই পধেদি টঙ্ দি থাং, মঅ চোগ্‌কুনে যুনি মঅ মনানরে পাপ্ গোরেই থান, বা মঅ আদত্ যুনি কনঅ পাপ চিহ্ন বাঁজি থায়,

গীতসংহিতা 106:39

ইয়েনি গুরিনে তারা নিজোরে ফি বলা বানেলাক্; তারার্ কামানিলোই তারা লগেপ্রভু ইদু অবিশ্বেজি অলাক্।

গীতসংহিতা 73:27

যিগুনে তত্তুন্ দূরোত্ সুরি যেইয়োন, তারা শেজ্ ওই যেবাক্; যিগুনে তঅ উগুরে অবিশ্বেজি তুই তারারে ভস্ত গুরি ফেলেবে।

যাত্রা 13:9

এধোক্ক্যেনগুরি তুমি লগেপ্রভুর্‌ দিয়্যে এই উগুমোর্‌ কধানি শিগেবা। এই সুদোমানি পালানা এন্‌ এক্কান্‌ চিহ্নো অবঅ‌ যিয়েনি আদত্‌ আর কবালর্‌ মনত্‌ থাইদে-চিহ্নো ধোক্ক্যেন তমারে মনত্‌ গুরি দিবো, লগেপ্রভু তার্‌ বলান্‌ দেগেইনে মিসর্‌ দেজত্তুন্‌ তমারে নিগিলেই আন্যে।

গম্ উপদেজ্ 28:26

যে নিজো জ্ঞান উগুরে নির্ভর গরে তে বিবেচনা নেইয়্যে, মাত্তর্ যে গোজেনর দিয়্যে বুদ্ধির পধেদি চলে তে গমেডালে থায়।

গম্ উপদেজ্ 3:1

মঅ পুয়োবো, তুই মঅ শিক্ষ্যেনি ভুলি ন-যেচ্, বেক্ মনান্ দিইনে তুই মঅ উগুমানি পালা;

উপদেশক 11:9

ও গাবুজ্যে, তঅ গাবুজ্যে জিংকানিত্ তুই সুগি অ, গাবুজ্যে বয়জর্ দিনুনোত্ তঅ মনানে তরে হুজিয়ে রাগোক্। তঅ মনানর্ আওজ্ মজিম্ পধেদি যাহ্ আর তঅ চোগেদি যিয়েন্ গম্ লাগে সিয়েনই গর্, মাত্তর্ মনত্ রাগেচ্, এ বেক্ কামানিত্তে গোজেনে তঅ বিচের্ গুরিবো।

যিরমিয় 9:14

সিয়েনর বদলে তারা তারার মনর্ একঘেয়েমি অনুসারে চলদন; তারার বাপ্‌পুনোর শিক্ষ্যে মজিম তারা বাল দেবেদার পিজেদি চলদন্।

যিহিষ্কেল 6:9

সেই বেক্ জাদ্‌তুনো ভিদিরেত্তুন্ তারা মঅ পৌইদ্যেনে এ কধাগান মনে গুরিবাক্ যে, তারার্ অবিশ্বেজি মনানি আর চোগ্‌কুন্দোই মরে কিবাবোত্যেগুরি দুঘ্ দুয়োন; সেই মনান্ মত্তুন্ সুরি যেইয়্যে আর সেই চোগ্‌কুনে তারার্ মূত্তিগুনোরে আওজ্ গুরি কামনা গত্তন্। তারার্ বেক ভান্ন্যেই আর জঘন্য কামানিত্তে তারা নিজেরে নিজে ঘিনেবাক্।

হোশেয় 2:2

তমা মাবোরে গেইল্ দুয়ো, গেইল্ দুয়ো তারে, কিত্যে তে মর্ মোগ্ নয় আর মুইয়ো তার নেক্ নয়। তে তার্ চোগো টার্ মারানাত্তুন্ বেশ্যেগিরি আর তা বুগোত্তুন্ বেভিচের্ দূর গোরোক্।

দ্বি’লম্বর বিররণ 29:19

এধোক্ক্যেন মানুচ্‌ এ শমক্ গোজ্যে কধানি শুনোনার সলাবোত্‌ যুনি নিজোরে ভাগ্যত্যে বিলিনে মনে গরন্‌ আর মনে মনে ভাবে, নিজোর আওজ্ মজিম চুলিলেয়ো তে গমেডালে থেবঅ, সালে তমার বেক্কুনো উগুরে তে দজা ডাগি আনিবো।

দ্বি’লম্বর বিররণ 4:23

তমা গোজেন লগেপ্রভু তমাত্তে যে সুদোমানি থিদেবর্ গোজ্যে, উজিয়ার্‌, সিয়েনি তুমি ভুলি ন যেইয়ো। তমা গোজেন লগেপ্রভুর্‌ মানা গোজ্যে কনঅ কিচ্ছুলোই মূত্তি বানানা তমার্‌ ন-চলিবো,

দ্বি’লম্বর বিররণ 8:11

তুমি উঝিয়ার্‌ থেবা যেনে এচ্চ্যে মুই তার্‌ যেদক্কানি উগুম, হুকুম আর সুদোম তমারে দুয়োঙর্‌ সিয়েনি ন-মানিনে তুমি তমার গোজেন লগেপ্রভুরে পুরি ন-ফেলেইয়ো।

দ্বি’লম্বর বিররণ 8:14

সেক্কে তুমি বার্বো ওইনে উদিবা আর যিবে মিসর দেজর্‌ চাগর্‌ খাদানাত্তুন্‌ তমারে নিগিলেই আন্যে তমার সেই গোজেন লগেপ্রভুরে তুমি ভুলি যেবা।

যাকোব 4:4

অবিশ্বেজি-মানুচ্চুন্! তুমি কি কোই ন-পারঅ, জগদর্ দাংগু অনা মানে গোজেনর্ শত্রু অনা? সেনত্যে যে কেঅ জগদর্ দাংগু অবার্ আওজ্ গরে তে নিজোরে গোজেনর্ শত্রু বানায়।