গণাণা 15:36 - Chakma Bible

³⁶ সেনত্তেই ইস্রায়েলীয়গুনে মোশির মাধ্যমে দিয়্যে লগেপ্রভুর উগুম মজিম তারে তাম্বুলোর বারেন্দি নেযেইনে পাত্তর ইদে মেলা দিইনে মারে ফেলেলাক্।

গণাণা 15:36 Iomraidhean Croise

১ রাজাবলী 21:13

সে পরেন্দি দ্বিজন বজং মানুচ্‌ এইনে নাবোতর্‌ মুজুঙোত্‌ বজিনে মানুচ্চুনোর্‌ ইদু তা বিরুদ্ধে এ সাক্ষীগান্‌ দিলাক্‌, তে গোজেন্‌ আর রাজার বিরুদ্ধে অগমানর্‌ কধা কোইয়্যে। সে পরেন্দি মানুচ্চুনে তারে শঅরর্‌ বারেন্দি নেযেইনে পাত্তর্‌ মেলাহ্ মারিনে মারে ফেলেলাক্‌।

গণাণা 15:35

সেক্কে লগেপ্রভু মোশিরে কলঅ, “মানুচ্চোরে মারে ফেলা পুরিবো। তাম্বুলো বারেন্দি নেযেইনে বেক্‌ ইস্রায়েলীয়গুনে তারে পাত্তর্‌ মারিবাক।”

গণাণা 15:37

সে পরেদি লগেপ্রভু মোশিরে কলঅ ইস্রায়েলীয়গুনোত্তে এই কধাগান জানেই দিবাত্তে, “তুমি তমার্‌ কিয়্যের্‌ আত্‌ কাবড়র্‌ কোণাবোত্‌ ঝালোয়ার লাগেবা আর পত্তি ঝালোয়ারত্‌ য়েল্‌ সুদো দিইনে কাবড় সমারে বাঁনি দিবা। ইয়েন্‌ তমার্‌ বংশর পর বংশ ধুরিনে গরা পুরিবো।

দ্বি’লম্বর বিররণ 21:21

সেক্কে সিদুগোর্ বেক্‌ মরত্তুনে তারে পাত্তর্‌ মেলা দিইনে মারে ফেলেবাক। ইঙিরিনে তমা ভিদিরেত্তুন সে ভান্ন্যেইয়ানি শেজ্‌ গুরি দিয়্যে পুরিবো। সেক্কে ইস্রায়েলীয়গুনে বেক্কুনে এ কধাগান শুনিনে দোরেবাক্।

যিহোশূয় 7:25

সে পরেন্দি যিহোশূয় কলঅ, “কিত্তেই তুই আমা উগুরে এ দযাগান্‌ ডাগি আনিলে? এচ্চ্যে লগেপ্রভুয়ো তঅ‌ উগুরে দযা আনিবো।” সেক্কে বেক্‌ ইস্রায়েলীয়গুনে পত্তমে আখনরে আর পরেন্দি তা গিরির্‌ বেক্কুনোরে পাত্তর্‌ মেলা দিইনে মারে ফেলেলাক্‌। সে পরেন্দি বেক্কানিলোই তারারে পুড়ি ফেলেলাক্‌।