গণাণা 15:20 - Chakma Bible

²⁰ পৌইল্যা তুলো শোজ্যর মোয়দে গুড়ি গুরিনে সিয়েন্দোই এক্কান পিদে বানেইনে খামার-ঘরর দান ইজেবে সিয়েন উৎসর্ব গরা পুরিবো।

গণাণা 15:20 Iomraidhean Croise

নহিমিয় 10:37

ইয়েনিবাদেয়ো আমা মোয়দ্যের্‌ আর শোজ্য-উৎসর্বর পত্তম্‌ ভাগ্‌কুয়ো, বেক্‌ গাজ্‌ছুনোর পত্তম ফল্লো আর নূয়ো আংগুর-রস আর তেলর্‌ পত্তম্‌ ভাগ্‌কুয়ো আমি আমার গোজেনর ঘরর্‌ ভান্ডাল-ঘরত্‌ ধর্মগুরুগুনোর্‌ ইদু আনিবোং। আর আমা ফসলর দশ ভাগর্‌ এক ভাগ্‌ লেবীয়গুনোর্‌ ইদু আনিবোং, কিত্যে আমা বেক্‌ আদামানিত্‌ লেবীয়গুনে দশমাংশ গুজি লন্‌।

যাত্রা 23:19

তমা খেদত্তুন্‌ কাবি আন্যে পত্তম ফসলর্‌ বেগত্তুন্‌ গম্‌ ভাগ্কান্‌ তুমি তমার্‌ গোজেন লগেপ্রভুর্‌ ঘরত্‌ নেযেবা। ছাগল ছবোর্‌ য়েরাগান তার্‌ মাবো দুত্তোই ন-রানিবা।

যাত্রা 34:26

তমা ক্ষেদত্তুন্‌ কাবি আন্যে পত্তম ফসলর্‌ বেগত্তুন্‌ গম ভাগ্‌কো তুমি তমার গোজেন লগেপ্রভুর্‌ ঘরত্‌ নেযেবা। “ছাগল ছবোর্‌ য়েরাগান্‌ তার্‌ মাবো দুধতান্দোই ন-রানিবা।”

যিহিষ্কেল 44:30

পত্তমে কাপ্যে নানান্ বাবোত্যে ফসলর্ বেগত্তুন্ গম্ ভাগ্‌‌‌‌‌কান আর তমা বেক্ বক্‌‌‌‌‌শিজ্‌‌‌‌‌চানি ধর্মগুরুগুনোর অবঅ। তমার্ নুয়ো মোইদ্যের্ পত্তম ভাগ্‌‌‌‌‌কান তুই তারারে দিবে যেনে তমা পরিবার উগুরে আশিদ্‌‌‌‌‌বাদ থায়।

লেবীয় 2:12

পত্তমে তুল্যে ফসল উৎসর্ব গুরিবাত্তে তারা সদা আর মধু লগেপ্রভু ইদু নেযেই পারিবো, মাত্তর্‌ যে উৎসর্বর তুম্বাজে তে হুজি অয়্‌ এধোক্ক্যেন উৎসর্ব ইজেবে সদা আর মধু পুজোবো উগুরে পুড়োনা ন-চুলিবো।

লেবীয় 2:14

লগেপ্রভুর্ নাঙে উৎসর্ব গুরিবাত্তে যুনি তারা পত্তমে তুল্যে ফসল ভিদিরেত্তুন্‌ কনঅ শোজ্য আনন্‌ ছালে সেই নুয়ো শোজ্য দাঙর্‌ গুরি ভাঙিনে আগুন্দোত্ পুড়িনে আনা পুরিবো।

লেবীয় 23:20

ধর্মগুরুবো লগেপ্রভুর্ মুজুঙোত্ দুলেয়্যে-উৎসর্ব ইজেবে সেই দ্বিবে ভেড়া ছঅ‌ আর পত্তমে তুল্যে ফসলর বানেয়ে রুটি নেযেইনে দুলেব। ইগুন্‌ লগেপ্রভুর্ নাঙে উৎসর্ব গোজ্যে পবিত্র জিনিস্ যিগুন্‌ ধর্মগুরুগুনোর্‌ পাওনা।

গণাণা 15:21

পৌইল্যা তুলো শোজ্যর এই উৎসর্ববো বংশর পর বংশ ধুরিনে মঅ নাঙে তমাত্তুন্‌ গরা পুরিবো।

গণাণা 18:12

“ইস্রায়েলীয়গুনে তারার পত্তমে তুল্যে ফলুনোর বেগত্তুন্‌ গম্‌ যে জলপাইয়র্‌ তেল, নূয়া আংগুরো-রস আর শোজ্য লগেপ্রভুরে দিবাক সিয়েনি বেক্কানি মুই তরে দিলুং।

মথি লেখ্যে গম্ হবর্ 6:33

মাত্তর্ তুমি পত্তমে গোজেন রেজ্য পৌইদ্যেনে আর তা আওজ্ মজিম চলিবাত্তে মনান্ দুয়ো। সালে সেই বেক্ জিনিস্‌চানিয়ো তুমি পেবা। কেল্যেত্যে চিদে ন-গোজ্য;

রোমীয় 11:16

মোইদ্যে তালত্তুন্ বানেয়্যে পত্তম্ রুটিগান যুনি পবিত্র অয় সালে দঅ গোদা তাল্লো পবিত্র। জলপাই গাজ্‌চোর্ গড়াগান্ যুনি পবিত্র অয় সালে তা ডেলাগুন্অ দঅ পবিত্র।

১ করিন্হীয় 15:20

মাত্তর্ খ্রীষ্টরে ঘেচ্চ্যেকগুরি মরণত্তুন্ জেদা গুরি তুলো ওইয়্যে। তে পত্তম ফল, অত্তাৎ মরণত্তুন্ যিগুনোরে জেদা গরা অবঅ তারা ভিদিরে তেয়ই পত্তমে জেদা ওইয়্যে।

দ্বি’লম্বর বিররণ 14:22

পত্তি বজর তমা ভুইয়োত্‌ যেদক্কানি ফসল অবঅ তার দশ ভাগর এক ভাগ তুমি হামাক্কায় যুদো গুরি রাগেবা।

দ্বি’লম্বর বিররণ 14:23

তমা গোজেন লগেপ্রভুরে যেনে তুমি ভোক্তি গুরিবাত্তে শিগো সেনত্যে তমার শোজ্য, নুয়ো আংগুরো-রস আর তেলর দশ ভাগর এক ভাগ আর তমা পালর গোরু-ভেড়া-ছাগলর পত্তম ছঅবোর্‌ য়েরাগান তমার গোজেন লগেপ্রভুর মুজুঙোত্‌ তমাত্তুন্‌ এনজান্‌ জাগাত খা পুরিবো যে জাগাগানত তে নিজোরে ফগদাং গুরিবাত্তে তার থেবার জাগা ইজেবে বেঈ নেযেব।

দ্বি’লম্বর বিররণ 16:13

তমার খামার আর আংগুর মারিবার জাগানত্তুন্ বেক্কানি তুলি রাগেবার পরেন্দি সাত দিন সং তুমি নাঢা মান্‌জ্যর-ঘরর পরব্‌ পালন গুরিবা।

যাকোব 1:18

তা নিজোর্ আওজে সত্য কধানিলোই তে আমারে তার্ পুয়ো বানেয়্যে, যেন তার্ সৃট্টি জিনিজো ভিদিরে আমি এক বাবোত্যে পত্তম ফল ধোক্ক্যেন ওই।

ফগদাং পেইয়্যে 14:4

ইগুনে সেই মানুচ্চুন্, যিগুনে মিলেগুনো সমারে পর্‌‌পাগোল্যে ওইনে নিজোরে অসিজি ন-গরন্। যিয়েনত্ ভেড়া-ছবো যায় তারা তা পিজে পিজে যান্। গোজেন আর ভেড়া-ছবো ইধু পত্তম ফল ইজেবে উৎসর্ব গুরিবাত্যে মানুচ্চুনো ভিদিরেত্তুন্ তারারে কিনি নেযা ওইয়্যে।