গণাণা 14:9 - Chakma Bible

⁹ সালে তুমি লগেপ্রভুর বিরুদ্ধে উল্লোমী ন-গোজ্য। তুমি সেই দেজর্‌ মানুচ্চুনোরে ন-দোরেইয়ো; তারারে গিলি খাদে আমার্‌ দেরি ন-অবঅ। তারারে আর রোক্ষ্যে গুরিয়ে নেই। তারারে তুমি ন-দোরেয়ো কিত্যে লগেপ্রভু আমা লগে আঘে।”

গণাণা 14:9 Iomraidhean Croise

পত্থম 48:21

সে পরেদি ইস্রায়েলে যোষেফরে কলঅ, “চাহ্, মর্‌ মরণর্‌ অক্ত প্রায় গোণেই এচ্চ্যে। মাত্তর্‌ গোজেনে তমা লগে থেবঅ আর তমা পুরোণি মানুচ্চুনো দেজত্‌ তমারে ফিরেই নেযেব।

২ বংশধর 13:12

গোজেনে আমা লগে আঘে; তেয়ই আমার্‌ নেতা। তা ধর্মগুরুগুনে তারার্‌ তূরীগুন্‌ বাজেইনে তমা বিরুদ্ধে যুদ্ধোর্‌ ডাক্‌ দিবাত্তে আমা লগে আগন। ও ইস্রায়েলর মানুচ্চুন্‌, তমা পূরোণি মানুচ্চুনোর্‌ গোজেন লগেপ্রভুর বিরুদ্ধে তুমি যুদ্ধো ন-গোজ্য, কিত্তে সিয়েনত্‌ তুমি ফোলেই ন-পারিবা।”

২ বংশধর 15:2

সেক্কে অসরিয় আসার লগে দেগা গুরিবাত্তে যেইনে কলঅ, “ও আসা, ও যিহূদা আর বিন্যামীনর বেক্‌ মানুচ্চুন্‌, মঅ কধাগান শুনো। তুমি যেদকদিন লগেপ্রভুর লগে থেবা সেদকদিন তেয়ো তমা লগে থেবঅ। তা আওজ্‌চান্‌ জানিবাত্তে চেলে তুমি সিয়েন্‌ জানি পারিবা, মাত্তর্‌ তারে যুনি ছাড়ি যঅ সালে তেয়ো তমারে ছাড়ি যেবঅ।

২ বংশধর 20:17

এ যুদ্ধোগান্‌ তমাত্তুন্‌ গরা ন-পুরিবো। ও যিহূদা আর যিরূশালেম মানুচ্চুন্‌, তুমি সুর্‌ গুরিনে থিয়্যেইয়ো আর লগেপ্রভু তমারে কেধোক্ক্যেন গুরিনে উদ্ধোর্‌ গরে সিয়েন্‌ চেইয়ো। তুমি ন-দোরেয়ো, চিদে ন-গোজ্য। তুমি কেল্যে যেইনে তারাল্লোই মুয়োমি অবা আর লগেপ্রভু তমা লগে থেবঅ।’ ”

২ বংশধর 32:8

তা লগে আগন্‌ বানা মান্‌জ্যর্‌ বলানি, মাত্তর্‌ আমারে বল্‌ দিবাত্তে আর আমা পক্ষেদি যুদ্ধো গুরিবাত্তে আমা লগে আগে আমা গোজেন লগেপ্রভু।” মানুচ্চুনে যিহূদার রাজা হিষ্কিয়র কধাগান শুনিনে তা কধা উগুরে বিশ্বেজ্ গুরিলাক্‌।

নহিমিয় 4:14

সে পরেন্দি মুই বেক্কানি দেগিনে-শুনিনে মুরুব্বীগুনোরে, দাঙর্‌ পোজিশনর্‌ কামগুরিয়্যেগুনোরে আর বাদবাগি মানুচ্চুনোরে কলুঙ্‌, “তারারে তুমি ন-দোরেবা। যে দাঙর্‌ আর দর্‌ জাগাইদে প্রভু, তা কধাগান মনত্‌ গরঅ আর তমা ভেই, ঝি-পূঅ, মোক্‌ আর ঘরত্তেই যুদ্ধো গরঅ।”

গীতসংহিতা 106:24

পরেন্দি তারা সেই দোল্ দেজ‌্‌ছানরে ঈচ্ গুরিলাক্; তারা লগেপ্রভুর কধা বিশ্বেজ্ ন-গুরিলাক্।

গীতসংহিতা 121:5

লগেপ্রভু তর্ রোক্ক্যেগুরিয়্যে; লগেপ্রভু তর্ ছাবা, তে তঅ ডেনেদি আঘে।

গীতসংহিতা 14:4

যিগুনে ভান্ন্যেই কাম গুরি বেড়ান্ তারা কি এত্তমান্ অবুঝ্? মানুচ্চুনে যেধোক্ক্যেন্ গুরি হানা খান্ সেধোক্ক্যেন্ গুরিনে তারা আমা মানুচ্চুনোরে হেই পেলান্; তারা লগেপ্রভুরে ন-ডাগন্।

গীতসংহিতা 46:11

বেগত্তুন খেমতাবলা গিরোজ্ লগেপ্রভু আমা সমারে আঘে; যাকোবর গোজেনে আমা ঘর্।

গীতসংহিতা 46:7

বেগত্তুন খেমতাবান গিরোজ্ লগেপ্রভু আমা সমারে আঘে; যাকোবর গোজেনে আমা ঘর।

গীতসংহিতা 46:8

এজ, লগেপ্রভুর নানান বাবোত্যে কামানি চগি- তে পিত্‌থিমীত্ ভস্তগান ডাগি আন্যে,

গীতসংহিতা 74:14

লিবিয়াথনর্ মাদাগুন তুয়ই নিগুজ গুরি দুয়োচ্ আর তার কিয়্যেগান ধূল্যেচর প্রাণিগুনোরে হেবাত্যে দুয়োচ্।

গীতসংহিতা 91:1

দাঙর্ গোজেনর আশ্রয়ত্ যে বজত্তি গরে তে বেগত্তুন্ খেমতাবানর ছাবাত্ থায়।

যাত্রা 14:13

মোশি তারারে কলঅ‌, “ন-দোরেয়ো। তুমি যিয়োত্‌ আগঅ‌ সিয়োদোই‌ থাগঅ আর লগেপ্রভুর উদ্ধোর্‌ গুরিবার্‌ কামান্‌ একবার্‌ চঅ। তে এইচ্যে তমাত্যে সিয়েন্‌ গুরিবো। যে মিসরীয়গুনোরে এইচ্যে তুমি দেগর্‌ ইয়েনর্ পরেদি তারারে আর কনদিন্‌‌অ ন-দেগিবা।

যাত্রা 33:16

তুই আমা লগে ন-গেলে মানুচ্চুনে কিঙিরিনে বুঝিবাক্‌, মঅ উগুরে আর তর্‌ মানুচ্চুনো উগুরে তর্‌ দোয়্যে আঘে? মুই আর তর্‌ মানুচ্চুনে যে পিত্‌থিমীর্‌ অন্য মানুচ্চুনোত্তুন্‌ যুদো সিয়েন্‌ আর কেধোক্ক্যেনগুরি বুঝো যেবঅ‌?

যিশাইয় 1:2

ও আগাজ্‌ছান শুন্, ও পিত্‌থিমীগান্ শুন্, লগেপ্রভু কোইয়্যেদে, “মুই ঝি-পুয়োগুনোরে পালেয়োং আর তারারে দাঙর্ গোজ্যং, মাত্তর্ তারা মঅ বিরুদ্ধে উল্লোমি গোজ্যন্।

যিশাইয় 32:2

তারাত্তুন্ পত্তি জনে অবাক্কে যেন বোইয়্যেরত্তুন্ পোল্যেয়্যে জাগা আর ঝড়ত্তুন্ আশ্রয়জাগা, যেন ধূল্যেচরত্ গঙার পানি আর রোদ্ পোজ্যে ভূইয়োত্ দাঙর্ পাত্তর ছাবা।

যিশাইয় 41:10

সেনত্তে তুই ন-দোরেচ্, মুই দঅ তঅ সমারে সমারে আগং; থির্ নেইয়্যে ন-ওইয়ো, কিত্তে মুই তর্ গোজেন। মুই তরে খেমতা দিম্ আর ঘেচ্চেকগুরি সাহায্য গুরিম আর মর্ ন্যায়র ডেন্ আঢ্‌তানিলোই তরে হামাক্কায় ধুরি রাগেম।‌‌

যিশাইয় 41:14

ও যাকোব, ও ইস্রায়েল, তুই যুনিয়ো পুগো ধোক্ক্যেন সামান্য তো ন-দোরেচ্; মুই নিজেই তরে সাহায্য গুরিম। মুই লগেপ্রভু তর্ উদ্ধোরগুরিয়্যে ইস্রায়েলর সেই সুদ্ধো-সাংগ মানুচ্চো এ কধাগান কঙর্।

যিশাইয় 63:10

তো তারা উল্লোমী গুরিনে তা পবিত্র আত্মাগানরে দুঘ্ দিদাক্। সেনত্তে তে ফিরিনে তারার শত্রু অলঅ আর তে নিজে তারার্ বিরুদ্ধে যুদ্ধো গরা ধুরিলো।

যিরমিয় 1:19

তারা তঅ বিরুদ্ধে যুদ্ধো গুরিবাক্ মাত্তর্ তরে ওদেই দি ন-পারিবাক্, কিত্তে তরে রোক্ষ্যে গুরিবাত্তে মুই তঅ লগে লগে আগং। মুই লগেপ্রভু এ কধাগান কঙর্।”

যিরমিয় 42:11

যিবেরে তুমি দরর্ সে বাবিলর রাজারে তুমি ন-দোরেয়ো, কিত্তে মুই তমা লগে লগে আগং। মুই তমারে রোক্ষ্যে গুরিম আর তা আঢত্তুন্ তমারে উদ্ধোর্ গুরিম।

যিরমিয় 48:45

“হিশ্‌বোনর ছাবাত্ ধেই যেইয়্যে মানুচ্চুনে অসহায় ওইনে থিয়্যেই আগন্, কিত্তে হিশ্‌‌‌‌‌বোনত্তুন আগুন আর সীহোনর ভিদিরেত্তুন্ আগুনোর জিল্ নিগিল্যে; সিয়েনে মোয়াবর কবালান আর বেজাল্ গোজ্যে বাড়্‌‌‌‌‌গোজ্যেগুনো মাঢাগুনোর তাল্লোগান পুড়ি দিয়্যে।

দানিয়েল 9:5

আমি পাপ গোজ্যেই, অন্যেয় গোজ্যেই। আমি ভান্ন্যেই কাম্ গোজ্যেই, উল্লোমি গোজ্যেই। আমি তর্ উগুম আর সুদোম পদত্তুন্ সুরি যেইয়্যেই।

দানিয়েল 9:9

আমা প্রভু গোজেন দোয়্যেলু আর খেমাবলা, যুনিয়ো আমি তঅ বিরুদ্ধে উল্লোমী গোজ্যেই।

গণাণা 13:30

সেক্কে মোশি মুজুঙোত্‌ যিদুক্কুন্‌ মানুচ্‌ এলাক্‌ কালেবে তারারে কোল্‌-কোজ্যে থামেইনে কলঅ, “সিদু যেইনে দেজ্‌চান্‌ আমার্‌ গজক্ গুরি নেযানা উজিত। আমি সিয়েন্‌ হামাক্কায়্‌ গুরি পারিবোং।”

গণাণা 17:6

সেনত্তেই মোশি বেক্‌ কধানি ইস্রায়েলীয়গুনোরে জানেল, আর পুরোণি মানুচ্চুনোর গুট্টি মজিম্ তারার্‌ পত্তি গুট্টির-নেতাগুনে তারে এক্কো গুরি বেক্কুনে বারোবো লুদিক্ দিলাক্। সেই লুদিক্কুনো ভিদিরে হারোণর লুদিক্কোয়ো এলঅ।

গণাণা 20:2

সেই জাগানত্‌ পানি ন-থানায়্‌ ইস্রায়েলীয়গুনে মোশি আর হারোণর বিরুদ্ধে দল পাগেলাক্।

গণাণা 24:8

গোজেনে মিসর দেজত্তুন্‌ তারারে নিগিলেই আন্যে, তেয়ই তারার্‌ পক্ষেন্দি ঝাড়্‌বো গভর্‌ বল ধোক্ক্যেন। তারার্‌ বিরুদ্ধে যিদুক্কুন জাদে থিয়্যেবাক্ তারা তারারে গিলি ফেলেবাক্‌ তারার আরুন্‌ কট্টা কট্টা গুরিবাক, শেল্‌লোই তারারে আঘাত্‌ গুরিবাক।

মথি লেখ্যে গম্ হবর্ 1:23

“এক্কো গাবুজ্যে মিলে পিদিলী অবঅ, আর তার এক্কো পুয়ো অবঅ; তা নাঙান্ রাগা অবঅ ইম্মানূয়েল।” এ নাঙানর্ অত্ত অলঅ, আমা সমারে গোজেন।

রোমীয় 8:31

সালে এ বেপারানি আমি কি কবং? গোজেনে যেক্কে আমা পক্ষে আঘে সেক্কে আমারে ক্ষতি গুরিবার কন্না আঘে?

দ্বি’লম্বর বিররণ 1:21

চঅ‌, তমার গোজেন লগেপ্রভুর দিয়্যে পুরো দেজ্‌ছানই তমা মুজুঙোত্‌ আঘে। তমার পুরোণি মানুচ্চুনোর গোজেন লগেপ্রভুর কধা মজিম্‌ তুমি যেইনে দেজ্‌ছান গজক্ গরঅ। তুমি ন দোরেয়ো, নিরাশঅ ন ওইয়ো।

দ্বি’লম্বর বিররণ 1:26

মাত্তর্‌ তুমি সেই দেজত্‌ যেবাত্তে ন চেলা। তুমি তমার্‌ গোজেন লগেপ্রভুর উগুমোর্‌ বিরুদ্ধে থিয়্যেলা।

দ্বি’লম্বর বিররণ 1:29

সিয়েন্‌ শুনিনে মুই তারারে কলুং, তুমি ন দোরেয়ো, সেই মানুচ্চুনোরে ন দোরেয়ো।

দ্বি’লম্বর বিররণ 31:6

তুমি দরঅ মরঅ অ আর মনত্‌ বুক্‌ বানঅ। তারারে দেগিনে তুমি ন-দোরেয়ো বা গির্‌ ন গিরেবা, কিত্যে তমার গোজেন লগেপ্রভু তমার লগে লগে যেবঅ। তে কনদিনঅ তমারে ছাড়িনে ন-যেবঅ বা বাদ ন-দিবো।”

দ্বি’লম্বর বিররণ 31:8

লগেপ্রভু নিজে তমার আগে আগে যেবঅ আর তমা সমারে থেবঅ। তে কনদিনঅ তরে ছাড়িনে ন-যেবঅ বা বাদ ন-দিবো। তুই ন-দোরেচ্‌, মনবল ন-আরেচ্‌।”

দ্বি’লম্বর বিররণ 32:42

মারে ফেলেইয়্যে আর বন্দী মানুচ্চুনোর লো হেইয়্যে মর্‌ সেলুনোরে মুই মাত্তল্‌ গুরি তুলিম্‌; মর্‌ তলোয়ারানে য়েরা হেবঅ, লাম্বা-চুলবলাবো শত্রুর মাদাবোর যেরা হেবঅ।”

দ্বি’লম্বর বিররণ 7:18

মাত্তর্‌ তুমি তারারে ন-দোরেয়ো। ফরৌণ আর গোদা মিসর্‌ দেজ উগুরে তমা গোজেন লগেপ্রভু কি গোজ্যে সিয়েনি পুরি ন ফেলেইয়ো।

দ্বি’লম্বর বিররণ 7:21

তুমি তারারে ন-দোরেয়ো, কিত্যে তমা গোজেন লগেপ্রভু যিবে তমা ভিদিরে আঘে, তে দাঙর্‌ আর ভোক্তিলোই ভোজ্যে দর্‌ জাগেয়্যে গোজেন।

দ্বি’লম্বর বিররণ 9:7

তুমি ধূল্যেচর-চাগালাত্‌ তমার্‌ গোজেন লগেপ্রভুর রাক্কান্‌ কিঙিরিনে জাগেই তুল্য সিয়েন্‌ মনত্‌ রাগেয়ো, কনদিনঅ ভুলি ন-যেয়ো। মিসর দেজছান ছাড়ি এজানার্‌ দিনোত্তুন্‌ ধুরি আরাম্ভ গুরিনে ইদু লুমোনা সং তুমি লগেপ্রভুর বিরুদ্ধে উল্লোমির্‌ ভাব মনত্‌ গুরি এজর্‌।

ফিলিপীয় 1:27

বেগত্তুন্ দাঙর্ কধাগান অলঅ, তুমি এন্‌ গুরিনে তমার জিংকানিগান কাদঅ যিয়েন খ্রীষ্ট পৌইদ্যেনে গম হবরর্ যগাজ্জ্যে। সালে মুই নিজে এইনে তমারে দেগংগি বা দূরোত্তুন্ তমা কধা শুনোং, মুই হবর্ পেম্‌‌বে, তুমি মনে-পরাণে এক ওইনে থির্ গুরিনে থিয়্যেই আঘঅ আর যে বিশ্বেজ্‌‌চান গম্ হবরর্ মাধ্যমে এজে সিয়েনত্যে এক সমারে কাম গরর্।

যিহোশূয় 1:5

তুই যেদকদিন বাঁজি থেবে কনঅ জনে তর্‌ বিরুদ্ধে থিয়্যেই ন-পারিবাক্‌। মুই যেধোক্ক্যেন গুরি মোশি লগে এলুং সেধোক্ক্যেন তঅ লগেয়ো থেম্‌; মুই কনঅ‌ দিনঅ‌ তরে ছাড়ি ন যেম্‌ বা ফেলেই ন-যেম্‌।

যিহোশূয় 14:12

ইয়েন যে মুড়ো-মুড়ি চাগালাগান্‌ দিবার এগেম্ লগেপ্রভু মইদু গোজ্যে সিয়েন তুই মরে দে। সে সময়োত্‌ তুই নিজেই শুন্যচ্‌, অনাকীয়গুনে সিয়েনত্‌ বজত্তি গুরিদাক্‌ আর তারার্‌ শঅ‌রানিয়ো বেশ্‌ দাঙর্‌ দাঙর্‌ আরঅ‌ দেবাল্লোই-ঘিজ্যে। মাত্তর্‌ লগেপ্রভু মঅ‌ লগে থেলে তা কধা মজিম মুই তারারে ধাবেই দিম্‌।”

বিচের গুরিয়্যেগুন 1:22

যোষেফর গুট্টিগুনে বৈথেল শঅরান্‌ আক্রমণ গুরিবাত্তে গেলাক্‌। লগেপ্রভু তারা সমারে এলঅ‌।