গণাণা 14:42 - Chakma Bible

⁴² তুমি ন-যেয়ো, কিত্যে লগেপ্রভু তমা সমারে নেই। শত্রুগুনো ইদু তুমি উদি যেবাগোই।

গণাণা 14:42 Iomraidhean Croise

২ বংশধর 15:2

সেক্কে অসরিয় আসার লগে দেগা গুরিবাত্তে যেইনে কলঅ, “ও আসা, ও যিহূদা আর বিন্যামীনর বেক্‌ মানুচ্চুন্‌, মঅ কধাগান শুনো। তুমি যেদকদিন লগেপ্রভুর লগে থেবা সেদকদিন তেয়ো তমা লগে থেবঅ। তা আওজ্‌চান্‌ জানিবাত্তে চেলে তুমি সিয়েন্‌ জানি পারিবা, মাত্তর্‌ তারে যুনি ছাড়ি যঅ সালে তেয়ো তমারে ছাড়ি যেবঅ।

গীতসংহিতা 89:43

তুই তার তলোয়ারান্ অকেজো গুরি দুয়োচ্; তুই যুদ্ধোত্ তারে টিগিবাত্যে ন-দুয়োচ্।

গণাণা 14:43

সিদু তুমি অমালেকীয় আর কনানীয়গুনোর মুজুঙোত্‌ পড়িবা। তুমি লগেপ্রভুত্তুন্‌ সুরি যেইয়ো বিলি তে তমা সমারে ন-থেবঅ। সেক্কে তুমি যুদ্ধোত্‌ মুরি যেবা।”

দ্বি’লম্বর বিররণ 1:42

মাত্তর্‌ লগেপ্রভু মরে কোইয়্যেদে, তুই তারারে কোইদে যেনে তারা যুদ্ধো গুরিবাত্তে সিদু ন-উদোন্‌ কিত্যে মুই তারা সমারে ন-থেম্‌; সেনত্তেই তারা শত্রুগুনো ইদু উদি যেবাক্‌।

দ্বি’লম্বর বিররণ 31:17

যেদিন্যে তারা সিয়েন গুরিবাক সেদিন্যে রাগে মুই তারারে ছাড়ি দিম্‌। মুই তারাত্তুন মর্‌ মুয়োন ফিরেই নেযেম্‌ আর্‌ তারা ভস্ত ওই যেবাক। সেক্কে তারা উগুরে নানান্‌ দযা আর দুখ্‌-কট্টনি লামি এবঅ। সেদিন্যে তারা কবাক্কে, আমার গোজেন আমা সমারে নেই বিলিনেই আমা উগুরে এ বেক্‌ দজাগানি এস্যে।

যিহোশূয় 7:12

সেনত্তেই ইস্রায়েলীয়গুনে তারার্‌ শত্রুগুনোর মুজুঙোত্‌ থিয়্যেই ন-পাত্তন্‌; তারা পিচ্ছো ফিরিনে ধেই যাদন্‌, কিত্যে তারা ভস্তর্ অভিশাবর তলে ওই পোজ্যন্‌। ভস্তর্ অভিশাবর তলে কদক্কানি জিনিস তমা ইদু আঘে। যুনি তুমি সিয়েনি ভস্ত গুরি ন-ফেলঅ‌ সালে মুই আর তমা লগে ন-থেম্‌।

যিহোশূয় 7:8

ও প্রভু, ইস্রায়েলীয়গুনে শত্রুগুনো ইদু ঊদি যেইনে ধেই এজানার পরেন্দি মত্তুন্‌ আর কবার্ কি আঘে?

বিচের গুরিয়্যেগুন 16:20

সে পরেন্দি দলীলা তারে কলঅ, “শিম্‌শোন, পলেষ্টীয়গুনে তরে ধুরিবাত্তে এচ্ছোন্‌।” শিম্‌শোনে ঘুমোত্তুন জাগি উদিনে ভাবিলোদে, তে আগঅ ধোক্কেন্‌ বারেন্দি যেবঅ আর ঝাগারা দিইনে নিজোরে উদ্ধোর্‌ গুরি নিবো। মাত্তর্‌ তে হবর্‌ ন-পেদঅ, লগেপ্রভু তারে ছাড়ি যেয়েগোই।