গণাণা 14:34 - Chakma Bible

³⁴ দেজ্‌চান চেই এত্তে যে চোল্লিশ দিন সময় লাক্কে তার্‌ পত্তি দিনোত্তে এক বজর্‌ গুরি বেক্কুনে চোল্লিশ বজর্‌ সং তুমি তমার্‌ অন্যেয়ত্তে দুঘ্ পেবা আর বুঝি পারিবাদে, মুই বিরুদ্ধে থেলে অবস্থাগান্‌ কেধোক্ক্যেন অয়।

গণাণা 14:34 Iomraidhean Croise

১ রাজাবলী 8:56

“ধন্য লগেপ্রভু, যিবে তার শমক্ অনুসারে তা মানুচ্‌ ইস্রায়েলীয়গুনোরে জিরেবাত্তে দিয়্যে। তা চাগর্‌ মোশিরে দিইনে তে যেদক্কানি ভালেদি গুরিবার শমক্ গোজ্যে তার এক্কান কধায়ো তে বাদ নঅ-দে।

২ বংশধর 36:21

এ অক্তত্‌ ইস্রায়েল দেজচানে তার্‌ জিরেবার্‌-বজরত্‌ জিরেল। যিরমিয়োর মাধ্যমে কোইয়্যে লগেপ্রভুর কধা সত্তুর্‌ বজর্‌ পূরোণ ন-অনা সং তারার্‌ দেজর্‌ বেক্‌ ভূইয়ানি এনেবাদে থেইনে জিরেল।

গীতসংহিতা 105:42

তা চাগর অব্রাহাম ইদু তে যে পবিত্র এগেমান্ গোজ্যে সিয়েন তে ইদোত্ তুলিলো।

গীতসংহিতা 38:4

মর্ অন্যেয়ানি ভিদিরে মুই চোম্মোংগোই; সিয়েনি এমন্ গুয়োর ওইয়্যে যিয়েনি মুই বুয়োই ন-পারং।

গীতসংহিতা 77:8

তার অমকদ কোচ্‌পানাগান কি উমরত্যে থুম্ ওই গেলঅ? তার শমক্তান্‌অ কি উমরত্যে বিফল ওই গেলঅ?

গীতসংহিতা 95:10

চোল্লিশ বজর ধুরি সে সময়ো মানুচ্চুনো উগুরে মুই লবাদোস্যেত্ এলুং; মুই কোইয়োঙে, এ মানুচ্চুনোর মনানি বজং পধেন্দি ঘুরের্; তারা মঅ পথ্‌তান হবর্ ন-পেলাক্।

যিহিষ্কেল 14:10

তারা দ্বি’জনে তারার্ অন্যেয়র্ সাজা পেবাক্; সেই ভাববাদীবোর্ আর সেই সল্লা গুরিবাত্তে এচ্চ্যে মানুচ্চোর সং সং সাজা অবঅ।

যিহিষ্কেল 23:35

তুই মরে ভুলি যেইয়োচ্ আর তঅ পিজেদি মরে ঠিলি দুয়োচ্ বিলিনে তত্তুন্ তর্ বেভিচের্ আর বেশ্যেগিরির ফল ভুগো পুরিবো। মুই প্রভু লগেপ্রভু এ কধাগান কঙর্।”

যিহিষ্কেল 4:5

তারার্ সাজা পেবার্ বজর সোংখ্যে ইজেব গুরিনে সেদক্ দিন মুই তরে সিয়েন ভুগিবাত্তে দিলুং। সেনত্তে তিনশ নব্বই দিন ইস্রায়েলর সাজা তুই ভুগিবে।

যিহিষ্কেল 4:6

ইয়েন থুম্ অনার্ পরেদি তুই আরঅ ঘুমেবে; এবেরা ডেনেদি মোক্ক্যে ফিরিনে ঘুমেবে আর যিহূদার পাপর সাজা ভুগিবে। ঘুমেই থেবাত্তে মুই তরে চোল্লিশ দিন দিলুং, এক এক বজরত্তে এক এক দিন।

দানিয়েল 9:24

তর্ মানুচ্চুনোত্তে আর তর্ সুদ্ধো-সাংগ শঅরত্তে সত্তুর্ গুণ সাত বজর ঠিগ্ গরা ওইয়্যে। সেই সময়ো ভিদিরে ভান্ন্যেয়ানি বন্ধ গরা অবঅ, অন্যেয়র্ থুম্ অবঅ, পাপ নাঢি দিয়্যে অবঅ, উমরত্যে ন্যায্যতা থিদেবর্ গরা অবঅ, দর্শন আর আগাম্ বাণী পূরোণ গরা অবঅ আর দাঙর্ সুদ্ধো-সাংগ জাগানরে অভিষেগ্ গরা অবঅ।

হোশেয় 9:12

যুনি বা কনজনে পুয়ো-ছা পালান্ তো সেই পুয়ো-ছাগুনোরে মুই মারে ফেলেম; তারার্ একজনঅ ন-থেবাক্। অভিশাব্ পোড়োক্ তারার্, যেক্কেনে মুই তারাত্তুন্ যেম্বোই।

লেবীয় 20:19

কনজনে যেন মোজেঙা বা পিজেঙা সমারে কিয়্যেদি ন-মিজেন্। সেক্কে লো-গানদি মিল্ আঘে এবাবোত্যে একজন কুদুম্মোরে অসর্মান গরা অয়। ইয়েনত্তেই তারারে দ্বিজনরেই দায়ী গরা অবঅ।

সখরিয় 11:10

সে পরেদি মুই দোয়্যে নাঙে সেই লুদিক্কো নিইনে ভাঙি ফেলেইনে বেক জাদ্‌‌তুনো লগে মর্ যে চুক্তি এলঅ সিবে বাতিল গুরিলুং।

গণাণা 13:25

দেজ্‌চানর্‌ খোঁজ-খবর লোইনে তারা চোল্লিশ দিন পরেদি ফিরি এলাক।

গণাণা 18:23

লেবীয়গুনে মিলন-তাম্বুলো কাম্‌ গুরিবাক আর সে পৌইদ্যেনে তারার্‌ বেক্‌ অন্যেইয়ানিত্তে তারাই দায়ী অবাক্‌। বংশর পর বংশ ধুরিনে ইয়েনোই অবঅ এক্কান উমরর্ সুদোম্। অন্য ইস্রায়েলীয়গুনো ভিদিরে লেবীয়গুনে কনঅ সোম্বোত্তির গিরোজ্ ন-অবাক্‌।

গণাণা 32:13

ইস্রায়েলীয়গুনো উগুরে লগেপ্রভু রাগে জুলি উঠ্যে আর তা চোগোত্‌ ভান্ন্যেই কাম্‌ গোজ্যে সেই বেক্‌ মানুচ্চুন্‌ শেজ্ ন-ওই যানা সং চোল্লিশ বজর্‌ ধুরিনে তে তারার্‌ ধূল্যেচর-চাগালা ভিদিরে নানান্‌ জাগাত্‌ গুরেয়োন্।

দ্বি’লম্বর বিররণ 2:7

তমার গোজেন লগেপ্রভু বেক্‌ কামানিত্‌ তমারে আশিদ্‌বাদ গোজ্যে। এই দাঙর্‌ ধূল্যেচর-চাগালার্‌ ভিদিরেন্দি যেবার্‌ অক্তত্‌ তে তমারে দেগাশুনো গোজ্যে। এই চোল্লিশ্‌ছুয়ো বজর্‌ তমা গোজেন লগেপ্রভু তমা লগে লগে থেইয়্যে আর তমার্‌ কনঅ কিজুর্‌ অভাব ন-এলঅ।

ইব্রীয় 4:1

গোজেনর দিয়্যে জিরেবার জাগানত্ যেবার যে এগেমান্ এলঅ সেই এগেমান্ আমাত্যেয়ো খাদে। সেনত্যে আমার উজিয়ার উয়ো পরিবো, যেন কেঅ সেই এগেম্ গোজ্জ্যে বর্ পানার্ যোগ্য নয় বিলি দেগা ন-যায়।

যিহোশূয় 14:10

“ধূল্যেচরর্‌-চাগালাত্‌ যেক্কে ইস্রায়েলীয়গুনে ঘুরি বেড়াদন্‌ আর লগেপ্রভু মোশিরে এ কধানি কোইয়্যে সেক্কেত্তুন্‌ ধুরি তার এগেম্ মজিম এ পাচচোল্লিশ বজর তে মরে বাঁজি রাগেয়্যে, আর ইক্কিনে মর্‌ বয়সছান্‌ পাঁচাশি বজর ওইয়্যে।

ফগদাং পেইয়্যে 11:3

মাত্তর্ মুই মর্ দ্বিজন সাক্ষীরে এন্‌ খেমতা দিম যে কারনে তারা বস্তা পিনিনে এক আজার দ্বিশ ষায়েট দিন সং ভাববাদী ইজেবে কধা কবাক্।”

১ শমূয়েল 2:30

“সেনত্তেই ইস্রায়েলীয়গুনোর গোজেন লগেপ্রভু কত্তে, ‘মুই হামাক্কায় কোইয়োঙে, তর্‌ আর তর্‌ পুরোণি মানুচ্চুনোর বংশর মানুচ্চুনে সারা জিংকানিবর্‌ মর্‌ সেবা কাম গুরিবাক্’; মাত্তর্‌ ইক্কিনে লগেপ্রভু কত্তে, ‘সিয়েন আর ন-চলিবো। যিগুনে মরে সর্মান গুরিবাক্ মুই তারারে সর্মান গুরিম আর যিগুনে মরে ঈচ্ গুরিবাক্ তারারে ঈচ্ গরা অবঅ।