গণাণা 14:28 - Chakma Bible

²⁸ লগেপ্রভু মোশি আর হারোণরে কলঅ ইস্রায়েলীয়গুনোরে কবাত্তে, “মর্‌ জীংকানির্‌ দিব্য দিইনে কঙত্তে, মুই লগেপ্রভু তমারে যিয়েন্‌ কদে শুন্যং সেধোক্ক্যেন মুই তমাত্তে গুরিম।

গণাণা 14:28 Iomraidhean Croise

ইয়োব 21:20

তে নিজো চোগেদি নিজোর ভস্ত অনাগান্ দেগোক্‌; তে বেগত্তুন্‌ খেমতাবলা গোজেনর রাগ্‌কান্‌ হেই চোগ্‌।

গীতসংহিতা 106:26

সেনত্তে তে তারা পৌইদ্যেনে শমক্ খেলঅ- তে ধূল্যেচর-চাগালাত্ তারারে শেজ্ গুরি দিবো,

গীতসংহিতা 95:11

সেনত্তে মুই রাগে শমক্ হেইনে কোইয়োঙে, “মর্ দিয়্যে জিরেবার জাগানত্ তারা যেই ন-পারিবাক্। ”

যিহিষ্কেল 12:25

সেক্কে মুই লগেপ্রভু যিয়েনি কোম্ সিয়েনি ফলিবো, দিরি ন-অবঅ। ও উল্লোমী জাদ্‌তো, মুই যিয়েনি কঙর্ সিয়েনি তমা সময়োত্ ফোলেই দিম্। মুই প্রভু লগেপ্রভু এ কধাগান কঙর্।’”

গণাণা 11:1

ইস্রায়েলীয়গুনোর যেদক্কানি দুখ্‌-কট্ট অর্‌ সিয়েনিলোই তারা লগেপ্রভুর মুজুঙোত্ কিজিক্-মিজিক্ গরা ধোজ্যন্‌। সিয়েনি শুনিনে লগেপ্রভু অমহদ বেজার্‌ অলঅ। তার পাধেয়্যে আগুনান্‌ তারা ভিদিরে জ্বলা ধুরিলো আর তাম্বুলোর কাজা কুরেন্দি কিজু মান্‌জ্যরে পুড়িনে মারে ফেলেল।

গণাণা 14:2

মোশি আর হারোণর বিরুদ্ধে তারা নানান কধা কলাক্‌। তারা বেক্কুনে মিলিনে তারারে কলাক্, “মিসর দেজত্‌ বা এই ধূল্যেচর চাগালাত্‌ মুরি যানাগানই আমার উজিত এলঅ।

গণাণা 14:21

মাত্তর্‌ মুই বাঁজি আগং এই কধাগান যেধোক্ক্যেন সত্য আর গোদা দুনিয়েগান্‌ মর্‌ মহিমায়্‌ পরিবাদি এই কধাগান্‌ যেধোক্ষ্যেন সত্য সেধোক্ষ্যেন্ সত্য ,

গণাণা 14:39

মোশি লগেপ্রভুর কধাগান্‌ বেক্‌ ইস্রায়েলীয়গুনোরে জানেল। সেক্কে মনত্‌ দুঘে তারা ভাঙি পড়িলাক।

গণাণা 32:11

যে দেজ্‌চান্‌ দিবার্‌ কধা মুই অব্রাহামরে, ইস্‌হাকরে আর যাকোব ইদু শমক্‌ খেইনে এগেম্ গোজ্যং মিশরত্তুন্‌ নিগিলি এচ্চ্যে কুড়ি বা তাত্তুন্‌ বেশ্‌ বয়জর্‌ মানুচ্চুনো ভিদিরে কনজনে সিয়েন্‌ ন-দেগিবাক্, কিত্যে তারা মর্‌ কধানি পুরোপুরি মানি ন-চলন্।

দ্বি’লম্বর বিররণ 1:34

তমার কধানি শুনিনে লগেপ্রভু অমকদ বেজার্‌ ওইনে শমক্‌ গুরিনে কোইয়্যেদে, যে দোল্‌ দেজ্‌ছান তমার্‌ পূরোণি মানুচ্চুনোরে দিবার্‌ শমক্‌ মুই গোজ্যং বানা যিফুন্নির্‌ পূঅ কালেব বাদে ইক্কিনে সেই বজং মানুচ্চুনো ভিদিরে একজনেয়ো সিয়েনি চেই ন পেবাক্। বানা কালেবে সিয়েনি দিগিবো। তে পুরোপুরি ভাবে লগেপ্রভুর কধা মজিম চোল্যে বিলিনে তে সিয়েনি দিগিবো আর যিয়েনত্‌ তে টেং দিইনে এচ্ছ্যে সিয়েনোই মুই তারে আর তার্‌ বংশধরুনোরে দিম্‌।

দ্বি’লম্বর বিররণ 2:14

কাদেশ-বর্ণেয় ছাড়িনে সেরদ কিঝিঙান্‌ পার্‌ ওই এত্তে আমার্‌ আটত্রিশ বজর্‌ কাদি যেইয়্যে। কাদেশ-বর্ণেয় ফেলেই এবার্‌ আগেন্দি তাম্বুলোত্‌ যিদুক্কুন্‌ সৈন্য এলাক তারা বেক্কুনে এ আটত্রিশ বজর ভিদিরে লগেপ্রভুর শমক্‌ গোজ্যে কধা মজিম মুরি যেইয়োন।

দ্বি’লম্বর বিররণ 2:15

তাম্বুলোত্তুন্‌ তারারে এক্কুবারে শেজ্ গুরি ফেলেবাত্তে লগেপ্রভু তারার্‌ বিরুদ্ধে কামান্‌ গোজ্যে, যেদক্কন্‌ সং তারা শেজ্ ওই ন-যান।

দ্বি’লম্বর বিররণ 32:40

মুই আত্‌ তুলিনে শমক্‌ হেইনে কঙর্, মর্‌ জীংকানির্ এগেম,

ইব্রীয় 3:17

আর চল্লিশ বজর্ ধুরিনে গোজেনে কুগুনো উগুরে তোচ্চ্যা পেলঅ? সিগুনে কি সে মানুচ্চুন নয় যিগুনে পাপ গোজ্জ্যন আর যিগুনোর্ মরা কিয়্যেনি ধূল্যেচর-চাগালাত পোজ্জ্যে এলঅ?