গণাণা 14:10 - Chakma Bible

¹⁰ মাত্তর্‌ দলর বেক্কুনে যিহোশূয় আর কালেবরে পাত্তর্‌ মেলা দিইনে মারে ফেলেবার কধা কুয়া ধোজ্যন। সেক্কে মিলন-তাম্বুলোত্তুন বেক্‌ ইস্রায়েলীয়গুনোর্‌ মুজুঙোত্‌ লগেপ্রভুর মহিমা দেগা দিলো।

গণাণা 14:10 Iomraidhean Croise

যাত্রা 16:10

হারোণে যেক্কে ইস্রায়েলীয়গুনো ইদু কধা কলঅ সেক্কে তারা ধূল্যেচর-চাগালা ইন্দি রিনি চেলাক্; আর আমক্‌ অবার্‌ ইয়েন, সিয়েনত্‌ মেঘ ভিদিরে তারা লগেপ্রভুর্‌ মহিমা দেগিলাক্।

যাত্রা 17:4

এই কধাগান শুনিনে মোশি লগেপ্রভু ইধু কানাকুদি গুরিনে কলঅ‌, “মুই এই মানুচ্চুন্দোই কি গুরিম? আর এক্কেনা বেশ্‌কম্‌ অলে দঅ তারা মরে পাত্তর্‌ মারিবাক্।”

যাত্রা 40:34

সে পরেদি মেঘচাগ্‌ এইনে মিলন-তাম্বুলান্‌ নাঢি ফেলেল আর লগেপ্রভুর মহিমায় থেবার-তাম্বুলান ভুরি গেলঅ‌।

লেবীয় 9:23

ইয়েনর্ পরেদি মোশি আর হারোণে মিলন-তাম্বুলো ভিদিরে গেলাক্। সিয়োত্তুন্‌ নিগিলি এইনে তারা মানুচ্চুনোরে আশিদ্‌বাদ গুরিলাক্‌। সেক্কে বেক্‌ মানুচ্চুনো মুজুঙোত্ লগেপ্রভুর্ মহিমাগান্ দেগা দিলো।

গণাণা 16:19

কোরহ যেক্কে মোশি আর হারোণর বিপক্ষে সমাজর বেক্‌ মানুচ্চুনোরে এগত্তর্‌ গুরিনে মিলন-তাম্বুলোর দোরান ইদু যেইনে থিয়্যেলাক্ সেক্কে তারার্‌ বেক্কুনো মুজুঙোত্‌ লগেপ্রভুর মহিমাগান্ দেগা দিলো।

গণাণা 16:42

মাত্তর্‌ যেক্কে সমাজর্‌ বেক্‌ মানুচ্চুনে মোশি আর হারোণর বিপক্ষে এগত্তর্ ওইনে মিলন-তাম্বুলো ইন্দি ঘুরিনে থিয়্যেলাক্‌ সেক্কে অদাদৎ্‌ মিলন-তাম্বুলান সে মোক্ক্যেন্দি ঢাগি গেলঅ আর লগেপ্রভুর মহিমা ফুদি উদিলো।

গণাণা 17:7

মোশি সেই লুদিক্কুন্ লোইনে সাক্ষ্য-সিন্দুগো ভিদিরে লগেপ্রভুর মুজুঙোত্ রাগেল।

গণাণা 20:6

সেক্কে মোশি আর হারোণে তারার ইত্তুন্‌ মিলন-তাম্বুলো দোরান ইদু যেইনে আদু পাড়িনে পড়িলাক্। সেক্কে লগেপ্রভুর মহিমাগান্ তারা মুজুঙোত্ ফগদাং অলঅ।

মথি লেখ্যে গম্ হবর্ 23:37

“যিরূশালেম! হায় যিরূশালেম! তুই ভাববাদীগুনোরে খুন্ গুরি থাচ্ আর তমা ইধু যিগুনোরে গোজেনর্ হবর্ কোইয়্যে দিপাদা অয় তারারে পাত্তর্ মারি থাচ্। কুরো শর্মা যেবাবোত্যেগুরি ছগুনোরে তা ডুয়োনিলোই এগত্তর্ গরে সেবাবোত্যেগুরি মুই তঅ মানুচ্চুনোরে কয়বার্ মইধু এগত্তর্ গুরিবাত্তে চেইয়োং, মাত্তর্ তুমি রাজী ন-অ।

প্রেরিত্‌ 7:52

এমন্‌ কনঅ ভাববাদী আঘে কি, যিবেরে তমা পূরোণি মানুচ্চুনে অত্যেচার্ ন-গরন্? এমন্‌ কি, যিগুনে সেই গম্ মান্‌‌জ্যর্, অত্তাৎ খ্রীষ্ট এবার্ কধাগান আগে কোইয়োন তারারেয়ো তারা মারে ফেল্ল্যন্। আর ইক্কিনে তুমি যীশুরে শত্রুগুনো আঢত্ ধুরি দিইনে তারে খুন্ গোরেইয়ো।

প্রেরিত্‌ 7:59

যেক্কে সাক্ষীগুনে স্তিফানরে পাত্তর্ মারদন্ সেক্কে তে তবনা গুরিনে কলদে, “প্রভু যীশু, মঅ আত্মাগানরে গুজি লঅ।”

১ শমূয়েল 30:6

সেক্কে দায়ূদে দাঙর্ দজাত্‌ পোজ্যে, কিত্যে ঝি-পূঅগুনোত্তে তার মানুচ্চুনোর্‌ মনান্‌ দায়ূদো উগুরে এন্‌ তিদে ওই উঠ্যে, তারা দায়ূদোরে পাত্তর্‌ মারিবার্‌ কধানি কুয়োকি গত্তন্‌। মাত্তর্‌ দায়ূদে তার্‌ গোজেন লগেপ্রভুর উগুরে নির্ভর গুরিনে মনত্‌ বল্‌ পেলঅ।