গণাণা 14:1 - Chakma Bible

¹ এই কধাগান্‌ শুনিনে ইস্রায়েলীয়গুনে বেক্কুনে জয়-জগার গরা ধোজ্যন। তারা গোদা রেদ্‌‌তো ধুরিনে কানাকুদি গুরিলাক্।

গণাণা 14:1 Iomraidhean Croise

গীতসংহিতা 106:25

তারা তাম্বুলো ভিদিরে কধা কুয়ো ধুরিলাক্; লগেপ্রভুর কধা তারা কান ন-পাদিলাক্।

গীতসংহিতা 78:32

তো তারা পাপ গরা ধুরিলাক্, তার আমক্ অবার কামানি দেগিনেয়ো তারে বিশ্বেজ্ ন-গুরিলাক্।

যাত্রা 13:17

ফরৌণে যেক্কে ইস্রায়েলীয়গুনোরে বিদেয় গুরি দিলো সেক্কে গোজেনে তারারে পলেষ্টীয়গুনোর দেজ ভিদিরেদি ন-নেযেল, যুদিয়ো সিয়েন্‌ এলঅ‌ বেগত্তুন্‌ উজু পথ্‌। গোজেনে কোইয়্যেদে সেই দেজর্‌ ভিদিরেদি যেবার্‌ অক্তত্‌ যুদি তারা যুদ্ধো গরেদে অবস্থাত্‌ পড়ন্‌ সালে অয়ত মন্‌ বোদোলেনে তারা আরঅ‌ মিসর্‌ দেজত্‌ ফিরি যেবাক্‌।

যাত্রা 33:4

এই দজাগানর্ কধা শুনিনে মানুচ্চুনে কানা-কুদি গরা ধুরিলাক্। তারা কনজনে আর কনঅ‌ সনা-রূবো ন-পিনিলাক্,

গণাণা 13:13

আশের-গুট্টির মীখায়েলর পূঅ সথুর; নপ্তালি-গুট্টির বপ্সির পূঅ নহ্‌বি আর গাদ-গুট্টির মাখির পূঅ গ্যূয়েল।

গণাণা 13:33

আমি সিয়েনত্‌ নেফিলীয়গুনোরে দেক্ক্যেই। অনাকর্‌ বংশর মানুচ্চুনে দঅ জাদত্‌ নেফিলীয়। তারারে দেগিনে আমি নিজোরে মনে গুরিলোং ঘাস-ফিরিং আর তারায়ো আমারে সেধোক্ক্যেন মনে গুরিলাক।”

গণাণা 14:2

মোশি আর হারোণর বিরুদ্ধে তারা নানান কধা কলাক্‌। তারা বেক্কুনে মিলিনে তারারে কলাক্, “মিসর দেজত্‌ বা এই ধূল্যেচর চাগালাত্‌ মুরি যানাগানই আমার উজিত এলঅ।

দ্বি’লম্বর বিররণ 1:26

মাত্তর্‌ তুমি সেই দেজত্‌ যেবাত্তে ন চেলা। তুমি তমার্‌ গোজেন লগেপ্রভুর উগুমোর্‌ বিরুদ্ধে থিয়্যেলা।

দ্বি’লম্বর বিররণ 1:45

তুমি ফিরি এইনে লগেপ্রভু ইদু কানিলা, মাত্তর্‌ তে তমার্‌ কাঁনানিগানি ন শুনিলো; তে কানান্‌ ঢিবেই দি রাগেল।

দ্বি’লম্বর বিররণ 9:23

লগেপ্রভু কাদেশ-বর্ণেয়ত্তুন তমারে রওনা গুরিবার্‌ অক্তত্‌ কোইয়্যেদে, যে দেজ্‌ছান মুই তমারে দুয়োং তুমি যেইনে সিয়েন গজক্ গরঅ। মাত্তর্‌ তুমি তমার গোজেন লগেপ্রভুর উগুমোর্‌ বিরুদ্ধে উল্লোমী গুরিলে। তুমি তারে বিশ্বেজঅ ন-গরঅ, তার্‌ কধালোই কানঅ ন-পাদঅ।

যিহোশূয় 14:8

মাত্তর্‌ যে ভেইয়ুনে মঅ‌ লগে যেইয়োন্‌ তারা মানুচ্চুনোরে নিরাশ্‌ গুরি তুল্যন্‌। তো মুই মর্‌ গোজেন লগেপ্রভুর কধানি পুরোপুরিই মানি চোল্যং।

১ শমূয়েল 30:4

এ অবস্থা দেগিনে দায়ূদে আর তার মানুচ্চুনে দাঙর্‌ দাঙর্‌ গুরি কানা ধুরিলাক্। যেরেন্দি এন্‌ অবস্থা অলঅ, তারার্‌ কানিবার্‌ বলঅ আর ন-রলঅ।