গণাণা 13:32 - Chakma Bible

³² তারা যে দেজ্‌চানর খোঁজ-খবর লোই এচ্ছ্যন্‌ ইস্রায়েলীয়গুনো ইদু সেই দেজ্‌চানর্‌ পৌইদ্যেনে এক্কান্‌ বাজে কধা উড়ে দিইনে কলাক্কে, “আমি যে দেজচানর্‌ খোঁজ-খবর লোই এচ্ছ্যেই সেই দেজ্‌চানে তার্‌ আদাম্মেগুনোরে গিলিনে খেই ফেলায়। যিদুক্কুন্‌ মানুচ্‌ আমি সিয়েনত্‌ দেক্ক্যেই তারারে দেগদে অমহদ দাঙর্‌।

গণাণা 13:32 Iomraidhean Croise

২ শমূয়েল 21:20

আর এক্কো যুদ্ধো গাতদ্‌ ওইয়্যে। সে যুদ্ধোত্‌ এক্কো লাম্বা বাবোত্যে মানুচ্‌ এলঅ যার্‌ দ্বিয়েন আঢত্‌ আর টেঙত্‌ ছগান্‌ গুরিনে বেক্কানিয়ে চোব্বিশচুয়ো আঙুল এলাক্। তেয়ো এলদে এক্কো রফায়ীয়।

১ বংশধর 20:6

গাতদ্‌ আর একবার যুদ্ধো ওইয়্যে। সে যুদ্ধোত্‌ এক্কো লাম্বা মানুচ্‌ এলঅ যিবের্‌ দ্বিআদত্‌ আর দ্বিটেঙত্‌ ছোবো গুরিনে বেক্কুনে চব্বিশছুয়ো আঙুল্‌ এলাক্‌। তেয়ো এলদে এক্কো রফায়ীয়।

গীতসংহিতা 106:24

পরেন্দি তারা সেই দোল্ দেজ‌্‌ছানরে ঈচ্ গুরিলাক্; তারা লগেপ্রভুর কধা বিশ্বেজ্ ন-গুরিলাক্।

যিহিষ্কেল 36:12

মুই তমা উগুরেদি মানুচ্চুনোরে, অত্তাৎ মর্ মানুচ্ ইস্রায়েলীয়গুনোরে আদা-উদো গোরেম্। তারা তমারে অধিকার গুরিবাক্ আর তুমি তারার্ অধিকারর্ জাগা অবা; তুমি আর কনদিন্‌অ তারারে পুয়োছা নেইয়্যে ন-গুরিবা।

আমোষ 2:10

ইমোরীয়গুনোর দেজ্ তমারে দিবাত্তে মুই মিসরত্তুন্ তমারে নিগিলেই আনিনে ধূল্যেচর-চাগালাত্ চল্লিশ বজর্ পরিচালনা গোজ্যং।

আমোষ 2:9

ও ইস্রায়েলর মানুচ্চুন, ইমোরীয়গুনে যুনিয়ো এরস গাজ ধোক্ক্যেন লাম্বা আর এলোন গাজ ধোক্ক্যেন দরমর এলাক্ তো তমা মুজুঙোত্ সেই ইমোরীয়গুনোরে মুয়ই ভস্ত গোজ্যং। মুই তারার্ ফল আর শিঙোরানি ভস্ত গোজ্যং।

গণাণা 13:28

মাত্তর্‌ যিগুনে সেই জাগানত্‌ বজত্তি গত্তন্‌ তারার্‌ কিয়্যেত্‌ বল্‌ বেশ্‌ আর তারার শঅরানিয়ো অমহদ দাঙর্‌ দাঙর্‌ আর দেবাল্‌লোই ঘিজ্যে। অনাকর বংশর মানুচ্চুনোরেয়ো আমি সিয়েনত্‌ দেক্ক্যেই।

মথি লেখ্যে গম্ হবর্ 23:13

ধর্ম-মাষ্টর আর ফরীশীগুন, তমাত্যে কত্তমান দর্‌গরেপারা! তুমি ফক্কর্! তুমি মানুচ্চুনো মুজুঙোত্ স্বর্গ-রেজ্যর্ দোরান্ নাঢি রাগঅ। মাত্তর্ তুমি নিজেয়ো ন-সমঅ আর যিগুনে সুমিবাত্তে চেরেস্টা গত্তন্ তারারেয়ো সুমিবাত্তে ন-দুয়ো।

দ্বি’লম্বর বিররণ 1:28

আমি কেধোক্ক্যেনগুরি সিদু যেবং? আমা ভেইয়ুনে আমা মনানি ভাঙি দুয়োন। তারা কদন্দে, সিদুগোর্‌ মানুচ্চুনে তারাত্তুন্‌ বেশ্‌ বোলী আর লাম্বা; তারার্‌ শঅরানিয়ো দাঙর্‌ দাঙর্‌ আর তারার্‌ চেরোকিত্তে রোইয়্যেদে আগাজত্‌-দুস্যে দেবাল্‌। সিয়েনত্‌ তারা অনাকীয়গুনোরেয়ো দেখ্যন।