গণাণা 13:27 - Chakma Bible

²⁷ তারা মোশিরে কলাক্, “তুই আমারে যে দেজত্‌ পাদেয়োচ্‌ আমি সিয়োদোই যেইয়্যেই। দেজ্‌চানত্‌ আজলে দুধ, মধু আর কনঅ কিজুর অভাব নেই। ইগুনোই অলাক সিদুগোর্ গুলোগুলি।

গণাণা 13:27 Iomraidhean Croise

নহিমিয় 9:25

তারা দেবাল্‌-ঘিজ্যে ভালোক্কানি শঅর্‌ আর বোল্‌বোল্যে ভূই গজক্‌ গোজ্যন্‌; তারা নানান্‌ বাবোত্যে গম্‌ গম্‌ জিনিজ্‌সোই ভোজ্যে ঘর্‌ আর আগেন্দি কুড়ো ওইয়্যে এধোক্কেন্‌ কূয়ো, আংগুর ক্ষেত্‌, জলপাইয়োর্‌ বাগান আর বোউত্‌ গুলোগুলি গাজ্‌ গজক্‌ গোজ্যন্‌। তারা হেইনে পেট্‌ ভুরিনে পক্তা-মোক্তা ওইয়োন্‌ আর তর্‌ দিয়্যে বোউত্‌ ভালেদি ভোগ গোজ্যন।

যাত্রা 13:5

যেক্কে লগেপ্রভু তমারে কনানীয়, হিত্তীয়, ইমোরীয়, হিব্বীয় আর যিবূষীয়গুনোর্‌ দেজত্‌ নেযেব সেক্কে তুমি বজরর্‌ এই মাস্যত্‌ এই অনুষ্ঠানান্ পালন গুরিবা। ইয়েনই সেই দেজ্‌ছান যিয়েন্‌ লগেপ্রভু তমারে দিবো বিলি তমার পুরোণি মানেইয়ুনো ইধু শমক্‌ গোজ্যে। সিয়েনত্‌ দুধ, মধু আর কনঅ‌ কিজুর্‌ অভাব নেই।

যাত্রা 3:17

সেনত্যে মুই কঙর্‌, মিসর দেজর্ অত্যেচারত্তুন্‌ নিগিলেনে মুই তমারে কনানীয়, হিত্তীয়, ইমোরীয়, পরিষীয়, হিব্বীয় আর যিবূষীয়গুনোর দেজত্‌ নেযেম্‌। সিয়েনত্ দুধ, মধু আর কনঅ কিজুর্‌ অভাব নেই।

যাত্রা 3:8

মিসরীয়গুনোর্‌ আঢত্তুন্‌ তারারে রোক্ষ্যে গুরিবাত্যে মুই লামি এচ্চোং। মুই তারারে সে দেজত্তুন্‌ নিগিলেনে কনানীয়, হিত্তীয়, ইমোরীয়, পরিষীয়, হিব্বীয় আর যিবূষীয়গুনো দেজত্‌ নেযেম্‌। দেজ্‌সান্‌ এদক্‌ দাঙর্‌ আর দোল্; সিয়েনত্‌ দুধ, মধু আর কনঅ কিজুর্‌ অভাব নেই।

যাত্রা 33:3

সিদু দুধ, মধু আর কনঅ‌ কিজুর্‌ চিদে চজ্জা নেই। মাত্তর্‌ তুমি এক্কো একবুচ্চ্যে জাদ্ বিলিনে মুই তমা লগে ন-যেম্‌, গেলে পদথ্‌ মুই তমারে শেজ্ গুরি দিম্‌।”

যিরমিয় 11:5

মুই তমা পুরোণী মানুচ্চুনো ইধু এমন দেজ্ দিবার শমক্ গোজ্যং যিয়েনত্ দুধ, মধু আর কনঅ কিজুর অভাব নেই, আর সে শমক্তান্ মুই পুরেই দিম।’ সে দেজ্‌চানই এচ্চ্যে তুমি গজক্ গুরি আগঅ।” ‍ জোবত্ মুই কলুং, “আমেন, লগেপ্রভু।”

যিরমিয় 32:22

যে দেজত্ দুধ, মধু আর কনঅ কিজুর্ অভাব নেই সে দেজ্‌চান দিবার কধা তুই তারার পুরোণি মানুচ্চুনো ইধু শমক্ হেইয়োচ্ আর সিয়েন তারারে দুয়োচ্।‌

যিহিষ্কেল 20:15

ইয়েনিবাদেয়ো সেই ধূল্যেচর-চাগালাত্ তারা ইধু মুই শমক্ হেইয়োঙ্, মর্ দিয়্যে দেজ্-যে দেজত্ দুধ, মধু আর কনঅ কিজুর্ অভাব নেই, যে দেজ্‌‌‌‌‌চান বেক্ দেজ্‌‌‌‌‌চানিত্তুন সেরা-সে দেজত্ মুই তারারে ন-নেযেম।

যিহিষ্কেল 20:6

সেদিন্যে মুই তারা ইধু আরঅ শমক্ হেইয়োঙ, মিসর দেজত্তুন তারারে নিগিলেনে তারাত্তে যে দেজ্‌‌‌চান মুই ঠিগ্ গোজ্যং সে দেজত্ তারারে নেযেম্। সিদু দুধ, মধু আর কনঅ কিজুর অভাব নেই; সিয়েন বেগ্ দেজ্‌‌‌চানিত্তুন্ সেরা।

লেবীয় 20:24

মুই তমারে কোইয়োংগে, তারার্‌ দেজ্‌চান্‌ তমা অধীনোত্‌ এবঅ। দুধ, মধু আর কনঅ কিজুর্‌ অভাব নেইয়ে এক্কান্‌ দেজ্‌ সোম্বোত্তি ইজেবে মুই তমারে দিম। মুই লগেপ্রভু তমার গোজেন। অন্য বেক্‌ জাদত্তুন্‌ মুয়ই তমারে ফারক্‌ গোজ্যং।

গণাণা 14:8

লগেপ্রভু যুনি আমা উগুরে বেজার ন-থায়্‌ সালে সেই দেজ্‌চানত্‌ তে আমারে নেযেব যিয়েনত্‌ দুধ, মধু আর কনঅ কিজুর অভাব নেই, আর তে সিয়েনি আমারে দিবো।

গণাণা 16:13

তুই এই ধূল্যেচর-চাগালাত্ মারে ফেলেবাত্তে এধোক্ক্যেন দেজত্তুন্‌ আমারে নিগিলেই আন্ন্যচ্‌ যিয়েনত্‌ দুধ, মধু আর কনঅ কিজুর অভাব ন-এলঅ। ইয়েনই কি যগাজ্যে নয়? সিয়েন উগুরে ইক্কিনে আর আমার্‌ নেতা অবাত্তে চঅর্‌।

গণাণা 16:14

ইয়েনবাদে তুই দঅ সেধোক্ক্যেন কনঅ দুধ আর মধুুলোই ভোজ্যে দেজত্‌ আমারে ন-নেযাচ্‌ বা ভুই-জবিন্ আর আংগুর্‌ ক্ষেদর অধিকারঅ্‌ ন-দুয়োচ্‌। তুই কি এই মানুচ্চুনোরে চোগকান্‌ গুরি রাগেবাত্তে চর্‌? না, আমি ন-যেবং।”

দ্বি’লম্বর বিররণ 26:9

তে আমারে ইয়েনত্ আন্যে আর দুধ আর মধুলোই ভোজ্যে এ দেজ্‌ছান আমারে দিয়্যে।

দ্বি’লম্বর বিররণ 27:3

আর সিগুনো উগুরে এ রীদি-সুদোমর্ বেক্‌ কধানি লিগিবা। তমার পুরোণি মানুচ্চুনোর গোজেন লগেপ্রভু তমা ইদু গোজ্যে তার এগেম্ মজিম দুধ আর মধুলোই ভোজ্যে যে দেজ্‌ছান তমারে দিবাত্তে যার্‌ তুমি সিয়েনত্‌ যানার পরেন্দি,

দ্বি’লম্বর বিররণ 31:20

তারার পুরোণি মানুচ্চুনো ইদু মর্‌ শমক্‌ গোজ্যে সেই দুধ আর মধুলোই ভরা দেজত্‌ যেক্কে মুই তারারে নেযেম্‌ আর যেক্কে তারা পেট ভরা খেইনে সুগেই থেবাক সেক্কে তারা মরে ঈচ্ গুরিনে মর্‌ সুদোমানি ভাঙিনে দেব-দেবেদাগুনোর্ পিজেন্দি যেইনে তারারে পূজো গুরিবাক।

দ্বি’লম্বর বিররণ 6:3

ইস্রায়েলীয়গুন, তুমি মঅ কধাগান শুনো আর উঝিয়ার্‌ ওইনে এ বেক্কানি মানি চলঅ, যেনে দুধ আর মধুলোই ভোজ্যে সেই দেজত্‌ যেবার্‌ পরেন্দি তমার পুরোণি মানুচ্চুনোর্‌ গোজেন লগেপ্রভুর এগেম্ মজিম তমার্‌ ভালেদি অয় আর তুমি মান্‌জ্যন্দি ভালোক্কুন্‌ বেশ্‌ ওইনে উদি পার।

যিহোশূয় 5:6

মিসরত্তুন নিগিলি এজানার্‌ সলাবোত্‌ যিগুনোর যুদ্বো গরেদে ধোক্ক্যেন্‌ বয়স ওইয়্যে তারা বেক্কুনে মুরি ন-যানা সং চোল্লিশ বজর ইস্রায়েলীয়গুনোরে ধূল্যেচর-চাগালাত্‌ ঘুরো পোজ্যে, কিত্যে তারা লগেপ্রভুর কধানি ন-মানন্‌। লগেপ্রভু তারারে শমক্‌ খেইনে কোইয়্যেদে, তারার পুরোণি মানুচ্চুনো ইদু দুধ আর মধুলোই ভোজ্যে যে দেজ্‌চান আমারে দিবো বিলিনে শমক্‌ খেইয়্যে সিয়েন্‌ তারা চেই ন-পেবাক্‌।