গণাণা 13:20 - Chakma Bible

²⁰ সিদুগোর্‌ মাদিত্‌ কি গম্‌ ক্ষেত-ক্ষেত্তি জর্মায়, না-কি ন-জর্মায়? সিয়েনত্‌ গাজবাজ্ আগন্‌, না-কি নেই? সে জাগানত্তুন্ কয়েক্কো গুলো-গুলি লোই আনিবাত্তে তুমি অমকদ চেট্টা গুরিবা।” সে অক্তত্‌ বানা আংগুর্‌ তুলোনা আরাম্ভ ওইয়্যে।

গণাণা 13:20 Iomraidhean Croise

১ বংশধর 22:11

ইক্কিনে ও মর্‌ পুয়োবো, লগেপ্রভু তঅ লগে থোক্‌; তুই ভালেদি গর্‌ আর লগেপ্রভুর কধামজিম্‌ তর্‌ গোজেন্‌ লগেপ্রভুর ঘরান্‌ বানেই নেযা।

নহিমিয় 9:25

তারা দেবাল্‌-ঘিজ্যে ভালোক্কানি শঅর্‌ আর বোল্‌বোল্যে ভূই গজক্‌ গোজ্যন্‌; তারা নানান্‌ বাবোত্যে গম্‌ গম্‌ জিনিজ্‌সোই ভোজ্যে ঘর্‌ আর আগেন্দি কুড়ো ওইয়্যে এধোক্কেন্‌ কূয়ো, আংগুর ক্ষেত্‌, জলপাইয়োর্‌ বাগান আর বোউত্‌ গুলোগুলি গাজ্‌ গজক্‌ গোজ্যন্‌। তারা হেইনে পেট্‌ ভুরিনে পক্তা-মোক্তা ওইয়োন্‌ আর তর্‌ দিয়্যে বোউত্‌ ভালেদি ভোগ গোজ্যন।

নহিমিয় 9:35

তারার্‌ রাজাগিরির্‌ সময়োত্‌ তারা তর্‌ দিয়্যে দাঙর্‌ আর বোল্‌বোল্যে দেজত্‌ বোউত্‌ মংগল ভোগ গোজ্যন্‌, তো তারা তর্‌ সেবা ন-গরন্‌ বা তারার্‌ ভান্ন্যেই পধত্তুন্‌ ন-ফিরোন্‌।

যিহিষ্কেল 34:14

চরি বেড়েবার গম্ জাগাত্ মুই তারারে চোরেম্ আর ইস্রায়েলর্ অজল্ অজল্ মুড়োত্ তারারে চোড়েবার জাগা অবঅ। গম্ গম্ চোড়েবার জাগাত্ তারা থেবাক্ আর সিয়েনত্ ইস্রায়েলর মুড়োগুনো উগুরে গম্ চরেদে ভূইয়োত্ হেই হেই বেড়েবাক্।

দানিয়েল 11:24

তাগোয়্যে রেজ্যগানিয়ে যেক্কে নিজোরে নিরাপদ মনে গুরিবো সেক্কে তে তারারে আক্রমন গুরিবো আর তার পূরোণি মানুচ্চুনেয়ো সেই পূরোণি মানুচ্চুনোর পূরোণি মানুচ্চুনে যিয়েনি গুরি ন-পারন্ তে সিয়েনি গুরিবো। কাড়ি নেযেয়্যে আর লুদেয়্যে পযাপিরানি আর ধনানি তে তার্ মানুচ্চুনো ভিদিরে বিলেই দিবো। তে তাম্বুলানি সর্বনাশ গুরিবাত্তে কুজুরোমি গুরিবো, মাত্তর্ সিয়েনি বানা কয়েক দিনোত্তে।

মীখা 7:1

কি দযা মর্! মুই ওইয়োংগে তা ধোক্ক্যেন যে বেক্ ফলুন পাড়ি নেযেবার পরেদি আংগুর তুলোদে আর অন্য ফল পাড়িবাত্তে যায়, মাত্তর্ সিদু হেবাত্তে কনঅ আংগুরোর্ থুপ্ নেই, কনঅ পত্তমে পাক্যে ডোমোর্‌অ নেই যিগুন্ মঅ পরাণানে চায়।

গণাণা 13:19

কেধোক্ক্যেন দেজত্‌ তারা বজত্তি গত্তন আর সিয়েন্‌ গম্‌, না-কি ভান্ন্যেই। যেদক্কানি শঅরত্‌ তারা বজত্তি গত্তন্‌ সিয়েনি কি দেবাল ছাড়া, না-কি দেবাল্লোই ঘিজ্যে?

দ্বি’লম্বর বিররণ 1:24

তারা তমারে ছাড়িনে সেই মুড়ো-মুড়ি চাগালাত্‌ উদিলাক আর ইষ্কোল কিঝিঙোত্‌ যেইনে গমেডালে বেক্কানি চেইনে এলাক।

দ্বি’লম্বর বিররণ 1:25

তারা সেই দেজর্‌ কিজু গুলোগুলি লগে গুরি নেযেইনে আমারে কলাক্, আমার গোজেন লগেপ্রভু যে দেজ্‌ছান আমারে দিবাত্তে যার্‌ সিয়েন্‌ জদবদে দোল্‌।

দ্বি’লম্বর বিররণ 31:23

নূনোর পূঅ যিহোশূয়রে লগেপ্রভু এ উগুমান দিলো, “তুই বোলী অ আর মনত্‌ বুক্‌ বান্‌। যে দেজ্‌ছান দিবার এগেম মুই শমক্‌ গুরিনে ইস্রায়েলীয়গুনো ইদু গোজ্যং সিয়েনত্ তুমি তারারে নেযেবা। মুই নিজে তঅ সমারে থেম্‌।”

ইব্রীয় 13:6

ইয়েনত্যে আমি সাহচ্‌ গুরিনে কোই পারিই, প্রভু মর্ এজাল্‌‌দিয়্যে, মুই ন-দোরেম; মান্‌জ্যে মরে কি গুরি পারন্?

যিহোশূয় 1:6

“তুই বলী অ, মনত্‌ বল্‌ বান্‌, কিত্তেই যে দেজ্‌চান দিবার্‌ কধা মুই এ মানুচ্চুনোর পূরোণি মানুচ্চুনো ইদু শমক্‌ খেইনে কোইয়োং, সে দেজ্‌চান এ মানুচ্চুনোর অধিকার ইজেবপান্ তত্তুনোই ভাগ গুরি দিয়্যে পুরিবো।

যিহোশূয় 1:9

মুই তরে উগুম দুয়োঙর, সেনত্তেই তুই বোলী অ আর মনত্‌ সাহস আন্‌। ন-দোরেচ্‌ বা ঝিমেয়্যে ন-ওস্, কিত্যে তুই যিয়োদোই যেদে সাৎ তর্‌ গোজেন লগেপ্রভু তঅ‌ লগে থেবঅ‌।”

যিহোশূয় 2:1

নূনর পূঅ যিহোশূয় শিটীমত্তুন দ্বিবে চড়রে এ কধাগান কোইনে গুমোরত্ পাধেই দিলো, “তুমি যেইনে সে দেজ্‌চান আর বিশেজ্ গুরি যিরীহো শঅরান্‌ গমে ডালে চেই এজঅ।” এই কধাগান শুনিনে তারা যিরীহো শঅরত্‌ গেলাক্‌। সিদু তারা রাহব নাঙে এক বেশ্যে মিলে ঘরত্‌ যেইনে রলাক্‌।

যিহোশূয় 2:3

রাজা এ কধানি শুনিনে রাহব ইদু কোই পাদেল, “যিগুনে এইনে তঅ‌ ঘরত্‌ চোম্মোন্‌ তারারে নিগিলেই আন্‌, কিত্যে তারা পুরো দেজ্‌চানর্‌ খোজ-হবর নিবাত্তে এচ্চোন্‌।”