গণাণা 12:2 - Chakma Bible

² “লগেপ্রভু কি বানা মোশিরে দিইনে কধা কোইয়্যে? আমারে দিইনে কি তে কনঅ কধা ন-হয়?” লগেপ্রভুর এই বেক্‌ কধানি শুনিলো।

গণাণা 12:2 Iomraidhean Croise

পত্থম 29:33

সে পরেদি লেয়া আরঅ পিদিলী অলঅ তার্‌ আরঅ এক্কো পুয়ো অলঅ। তে পুয়োবোর নাঙান্‌ রাগেল শিমিয়োন (যিয়েনর্‌ ভেদ্‌‌তান “তে শুনে”), কিত্তে তে কোইয়্যেদে, “মরে য়েলাফেলা গরানার কধাগান লগেপ্রভুর্‌ কানত্‌ যেইনে লুম্মেগোই, সেনত্তে তে মরে এ পুয়োবোয়ো দিলো।”

২ শমূয়েল 11:27

আবিলেচ্‌ গরানার্‌ পরেন্দি দায়ূদে তারে তা ঘরত্‌ আনিলো। তে তার মোক্‌ অলঅ আর তার্‌ এক্কো পূঅ অলঅ। মাত্তর্‌ দায়ূদে যিয়েন্‌ গোজ্যে সিয়েন্দোই লগেপ্রভু বেজার্‌ অলঅ।

২ রাজাবলী 19:4

আসিরিয়ার রাজা জেদা গোজেনরে ঠাট্টা-তামাজা গুরিবাত্তে রব্‌শাকিরে পাদেয়্যে মাত্তর্‌ তর্‌ গোজেন্‌ লগেপ্রভু অয়ত সে কধানি শুনিনে তারে সাজা দিবো। সেনত্তে যিগুনে এজঅ বাঁজি আগন্‌ তারাত্তে তুই তবনা গর্‌।”

যাত্রা 4:14

এ কধাগান শুনিনে লগেপ্রভু মোশি উগুরে রাগে জুলি উদিলো। তে কলঅ, “তর্‌ ভেই লেবীয় হারোণে কি নেই? মুই হবর্‌ পাং তে অমহদ গমেডালে কধা কোই জানে। তে তঅ লগে দেগা গুরিবাত্তে এজের্‌। তরে দেগিলে তে অমহদ হুজি অবঅ।

যাত্রা 4:30

লগেপ্রভু মোশিরে যেদক্কানি কধা কোইয়্যে সিয়ানি বেক্কানি হারোণে তারারে জানেল আর মানুচ্চুনো মুজুঙোত্‌ সে আমক্‌ অইদে কামানি গুরি দেগেলাক্।

যাত্রা 5:1

পরেদি মোশি আর হারোণে যেইনে ফরৌণরে কলাক্, “লগেপ্রভু, যিবে ইস্রায়েলীয়গুনোর্‌ গোজেন, তে কোইয়্যেদে, মঅ মানুচ্চুনে যেনে ধূল্যেচর-চাগালাত্‌‌ যেইনে মঅ নাঙে এক্কো মেইত্‌বান গুরি পারন সেনত্যে তারারে যেবাত্তে দে। ”

যাত্রা 7:10

লগেপ্রভু তারারে যিয়েন কোইয়্যে মোশি আর হারোণে ফরৌণ ইধু যেইনে ঠিগ্‌ সিয়েন গুরিলাক্। হারোণে তা লুদিক্কো ফরৌণ আর তার্‌ কাম্‌গুরিয়্যেগুনো মুজুঙোত্‌ ফেলেল, আর সিবে সাপ ওই গেলঅ।

গম্ উপদেজ্ 13:10

বাড়্‌বো গরানাগানে বানা কোল্-কোজ্যে বাজেই দে, মাত্তর্ যিগুনে উবদেজ্ শুনোন্ তারা ইদু জ্ঞান পাহ্ যায়।

যিশাইয় 37:4

আসিরিয়ার্ রাজা জেদা গোজেনরে ঠাট্টা-মশ্‌‌‌কারি গুরিবাত্তে রব্‌শাকিরে পাদেয়্যে, মাত্তর্ তর্ গোজেন লগেপ্রভু অয়ত সে কধানি শুনিনে তারে সাজা দিবো। সেনত্তে যিগুনে এজঅ বাঁজি আগন্ তারাত্তে তুই তবনা গর্।”

মীখা 6:4

মুই মিসর দেজত্তুন্ তমারে নিগিলেই আন্যং, চাগর অবস্থাত্তুন্ তমারে উদ্ধোর্ গোজ্যং। তমারে বল্ দিবাত্তে মোশি, হারোণ আর মরিয়মরে পাদেয়োং।

গণাণা 11:1

ইস্রায়েলীয়গুনোর যেদক্কানি দুখ্‌-কট্ট অর্‌ সিয়েনিলোই তারা লগেপ্রভুর মুজুঙোত্ কিজিক্-মিজিক্ গরা ধোজ্যন্‌। সিয়েনি শুনিনে লগেপ্রভু অমহদ বেজার্‌ অলঅ। তার পাধেয়্যে আগুনান্‌ তারা ভিদিরে জ্বলা ধুরিলো আর তাম্বুলোর কাজা কুরেন্দি কিজু মান্‌জ্যরে পুড়িনে মারে ফেলেল।

গণাণা 11:29

জোবত্‌ মোশি কলঅ, “মর্‌ মান-সর্মানান্‌ তইদু দাঙর্‌ ওই উদিলো? মুই চাং লগেপ্রভুর বেক্‌ মানুচ্চুনেয়ই যেন ভাববাদী অন আর লগেপ্রভু যেনে তার আত্মাগান্‌ তারা উগুরে দে।”

গণাণা 12:3

আসলে মোশি এলদে এক্কো সিদে মানুচ্‌, পিত্‌থিমীর্‌ যে কনঅ মান্‌জ্যত্তুন্‌ বেশ্‌ সিদে।

গণাণা 16:3

তারা মোশি আর হারোণর বিপক্ষে দল বুদি এইনে কলাক্, “তুমি অমকদ বাড়াবাড়ি গরর্‌। গোদা ইস্রায়েলীয় সমাজ্‌সো পত্তিজনই লগেপ্রভুর নাঙে যুদো গোজ্যে আর লগেপ্রভুয়ো তারা সমারে আঘে। মাত্তর্‌ তুমি কিত্তে লগেপ্রভুর মানুচ্চুনো উগুরে নিজোরে তুলি ধোজ্য?”

রোমীয় 12:10

একজন আরেক জনরে ভেইয়ো ধোক্ক্যেন্ গভীন্ গুরিনে কোচ্‌পেয়ো। নিজোত্তুন্ অন্যরে বেচ্‌ গুরি সর্মান গরঅ।

রোমীয় 12:3

মুই গোজেনত্তুন্ যে বিশেষ দোয়্যে পেইয়োং সিয়েনর্ মাধ্যমে মুই তমা বেক্কুনোরে কঙর্, নিজোরে যেত্তমান্ দাঙর্ মনে গরানা উচিত্ সিয়েনত্তুন্ বেশ্ দাঙর্ তুমি নিজোরে মনে ন-গোজ্য, বরং যেত্তমান্ যগাজ্যে সেত্তমান্ মনে গোজ্য। গোজেনে যিবেরে যেত্তমান্ বিশ্বেজর্ খেমতা দিয়্যে তাত্তুন্ বেশ্ কনজনে যেন নিজোরে মনে ন-গরন্।

ফিলিপীয় 2:14

তুমি কনঅ আবিত্তি আর তর্ক ন-গুরিনে বেক্কানি গরঅ, যেন তুমি নিদ্দুজি আর খাটি ওই পারঅ আর এই কালর্ বিবেক-নেইয়্যে আর বজং খাচ্চ্যদর্ মানুচ্চুনো মুজুঙোত্ গোজেনর্ থুদোনেইয়্যে মানুচ্ ওই পারঅ। সে মানুচ্চুনো মুজুঙোত্ তুমি দঅ জিংকানি দান গুরিয়্যে কধা তুলি ধুরিনে এ জগদত্ তারা ধোক্ক্যেন জ্বোল্‌জোল্যে ওই আঘঅ, সালে খ্রীষ্ট যেদিন্যে এবঅ সেদিন্যে মুই ইয়েনিলোই দেমাগ্ গুরি পারিম যে, মর্ চেষ্টা আর কামানি নিষ্ফল ন-অয়।

ফিলিপীয় 2:3

নিজোর্ লাভর্ আজায় বা দেমাগর্ বশত কিচ্চু ন-গোজ্জ্য, বরং নম্র গুরিনে অন্যরে নিজোত্তুন্ সর্মানর্ জাগা দুয়ো।

১ পিতর 5:5

সেবাবোত্যেগুরি গাবুজ্জ্যেগুন, তুমি আজল্ নেতাগুনোর অধীনোত্ থাগঅ। তুমি বেক্কুনে নরম ওইনে একজন আরেকজনরে সেবা গরঅ, কিয়া পবিত্র বোইবোর কধামজিম, “গোজেনে বার্‌বোগুনোর্ বিরুদ্ধে যায়, মাত্তর্ নরম মানুচ্চুনোরে দোয়্যে গরে।”