গণাণা 11:29 - Chakma Bible

²⁹ জোবত্‌ মোশি কলঅ, “মর্‌ মান-সর্মানান্‌ তইদু দাঙর্‌ ওই উদিলো? মুই চাং লগেপ্রভুর বেক্‌ মানুচ্চুনেয়ই যেন ভাববাদী অন আর লগেপ্রভু যেনে তার আত্মাগান্‌ তারা উগুরে দে।”

গণাণা 11:29 Iomraidhean Croise

যোয়েল 2:27

সেক্কে তুমি হবর্ পেবা, মুই ইস্রায়েলীয়গুনো ভিদিরে আগং আর মুয়ই তমার্ গোজেন লগেপ্রভু, অন্য কনজন নয়; মঅ মানুচ্চুনে আর কনদিন্‌অ ন-লাজেবাক্।

যোয়েল 3:1

শুনো, সেদিন্যে আর সেই অক্তত্ যেক্কে মুই যিহূদা আর যিরূশালেমর অবস্থাগান ফিরেম,

গণাণা 11:30

ইয়েনর পরেদি মোশি আর ইস্রায়েলীয় বুড়ো নেতাগুনে তাম্বুলোত্‌ ফিরি গেলাক্।

লূকে লেখ্যে গম্ হবর্ 10:2

তে শিচ্চ্যগুনোরে কলঅ, ঘেচ্চেক্‌গুরি খেত্-খেত্তি সয়সাগোজ্যে, মাত্তর্ কাম গুরিবার্ মানুচ্ কম্। ইয়েনত্তে খেত্-খেত্তি গিরোজ ইধু কোজোলী গরঅ যেন তে তার্ খেত্-খেত্তিগানি কাবিবাত্তে মানুচ্ পাধেই দে।

প্রেরিত্‌ 26:29

পৌলে কলঅ, “সময় কম্ ওক্ বা বেশ্ ওক্, মুই গোজেন ইধু এ তবনাগান্ গরং যে, বানা তুই নয়, মাত্তর্ যিগুনে এচ্চ্যে মঅ কধানি শুন্ন্যন্ তারা বেক্কুনে যেন মঅ ধোক্ক্যেন্ অন্-বানা এই শিগোলান্ বাদে।”

১ করিন্হীয় 13:4

কোচ্‌পানা নিত্য ধৈজ্জ্য ধরে, দোয়্যে গরে, ইংসে ন-গরে, দেমাগ্ ন-গরে, বার্‌‌বো ন-গরে,

১ করিন্হীয় 14:5

মুই চাং যেন তুমি বেক্কুনে নানান্ ভাষায় কধা কোই পারঅ, মাত্তর্ আরঅ বেশ্ গুরি চাং যেন তুমি ভাববাদী ইজেবে কধা কোই পারঅ। অন্য কনঅ ভাষায় যে মানুচ্চো কধা কয়, মন্ডলীর্ মানুচ্চুনোরে গড়েই তুলিবাত্যে যুনি তে তার্ কধানির্ অত্তগান বুঝেই ন-দে, সালে তাত্তুন্ ভাববাদী ইজেবে যে কধা কয় তে-ই বরং দাঙর্।

১ করিন্হীয় 3:21

সেনত্তে তুমি কেঅ কনঅ মান্‌জ্যরে নিইনে বার্‌বো ন-গোজ্জ্য, কিয়া বেক্কানি দঅ তমার।

১ করিন্হীয় 3:3

কিয়া তুমি এজঅ পাপ-খাচ্চ্যদ অধীনোত্ আঘ। তমা ভিদিরে যেক্কে ইংসে আর কোল্-কোজ্যে গুরি আঘ সেক্কে কি তুমি পাপ-স্বভাবর্ অধীনোত্ নয়? আর তমা চালচলন কি এক্কুবারে সাধারন মান্‌‍‌‍‌‍‌‍জ্য ধোক্ক্যেন নয়? ‌‍

ফিলিপীয় 2:3

নিজোর্ লাভর্ আজায় বা দেমাগর্ বশত কিচ্চু ন-গোজ্জ্য, বরং নম্র গুরিনে অন্যরে নিজোত্তুন্ সর্মানর্ জাগা দুয়ো।

যাকোব 4:5

তুমি কি মনে গরঅ যে, পবিত্র বোইবো মিজে মিজে এ কধাগান কয় যে, পবিত্র আত্মা, যিয়েনরে গোজেনে আমা মন ভিদিরে দিয়্যে, তে আমাত্তুন্ ভোক্তি পেবাত্যে আওজ্ গুরিনে বাজ্জেই আঘে?

যাকোব 5:9

ভেইলগ্, গোজেনে যেন তমারে দুষ্ ন-ধরে ইয়েনত্যে তুমি একজন আরেকজনরে দুষ ন-দুয়ো। চঅ, বিচের গুরিয়্যেবো দোরান কায়কুরে লুম্মেগি।

১ পিতর 2:1

ইয়েনত্যে অন্যগুনোরে ক্ষতি গুরিবার নানান্ বাবোত্যে আওজ্‌, নানান্ বাবোত্যে ছলনা, ভন্ডামি, ইংসে আর নানান্ বাবোত্যে বদ্‌নাঙর্ কধাবাত্তা তমা মন ভিদিরেত্তুন্ নিগিলেই দুয়ো।

১ শমূয়েল 10:6

সেক্কে লগেপ্রভুর আত্মাগান পুরোপুরিভাবে তরে নিজোর অধীনোত্ আনিবো, আর সেক্কে তুইয়ো তারার লগে গোজেনর দিয়্যে কধা কবে। সেক্কে তুই অন্য বাবোত্যে মানুচ্‌ ওই যেবে।