গণাণা 11:20 - Chakma Bible

²⁰ পুরো একমাস সং হেবা। সেক্কে সেই য়েরাগান্‌ তমার্‌ নাগন্দি নিগিলি এবঅ আর য়েরালোই তমার্‌ ন-রুচ্যে মু-অবঅ। এদক্কানি অবঅ কারন যিবে তমা ভিদিরে আঘে সেই লগেপ্রভুরে তুমি অগ্রাজ্য গোজ্য আর তা মুজুঙোত্‌ কাঁনি কাঁনি কোইয়ো, মিসর দেজ্‌চান্‌ ফেলেই এজানা তমার্‌ উজিত্‌ ন-এলঅ।

গণাণা 11:20 Iomraidhean Croise

২ শমূয়েল 12:10

তুই মরে ঈচ্ গোজ্যস্‌ আর হিত্তীয় ঊরিয়োর্‌ মোক্কোরে নেযেইনে নিজোর্‌ মোক্‌ বানেয়োচ্, সেনত্তে তঅ ঘর মানুচ্চুনে কনদিন্‌অ খুনোর আঢত্তুন মাব্ ন-পেবাক্।

গীতসংহিতা 106:15

তারা যিয়েন চেইয়োন তে সিয়েনই তারারে দিলো, মাত্তর্ তারা উগুরে পাধেই দিলো এক ক্ষয় গোজ্যে পিড়ে।

যাত্রা 16:13

সাজোন্যা অক্তত্‌ নানান্‌ বাবোত্যা ভারুই পেক্‌ এইনে তারার্‌ তাম্বুলোর-চাগালাগান্‌ ঢাগি ফেলেলাক্‌। বেন্যে অক্তত্‌ দেগা গেলদে চাগালার্‌ চেরোকিত্তে শিরোপানিয়ে নাঢা যেইয়্যে।

যাত্রা 16:3

তারা তাঁরারে কলাক্কে, “মিসর দেজত্‌ লগেপ্রভুর্‌ আদত্‌ আমি কিত্যেই ন-মুরিলোং। সিদু আমি য়েরার্‌ পিলেগুন মুজুঙোত্‌ থোইনে পেট ভরন্‌ পিদে-য়েরা খেদং। আমার এই পুরো দল্লোরে ন-হাবেনে মারে ফেলেবাত্তেই তুমি আমারে এই ধূল্যেচর-বামর্‌ ভিদিরে আন্য।”

যাত্রা 16:8

মোশি আরঅ কলদে, “সাজোন্যা অক্তত্‌ যেক্কে লগেপ্রভু তমারে য়েরা দিবো আর বেন্যে অক্তত্‌ দিবো নানান্‌ বাবোত্যা পিদে সেক্কেয়ই তুমি বুঝিবাদে, লগেপ্রভুই‌ তমারে মিসর দেজত্তুন্‌ নিগিলেই আন্যে। তাঁর্‌ বিরুদ্ধে তুমি যেদক্কানি কধা কোইয়ো সিয়েনি বেক্কানি তে শুন্যে। আমি কন্না? এদক্কানি কধা তুমি আজলে আমা বিরুদ্ধে ন-কর্‌, কোইয়োদে লগেপ্রভুর্‌ বিরুদ্ধে।”

গম্ উপদেজ্ 27:7

যিবে পেট্‌‌তো ভরা মধুয়ো গম্ ন-পায়, মাত্তর্ যিবের পেট্ পুরে তাইদু তিদেগান্‌অ মিদে লাঘে।

মালাখি 1:6

বেগত্তুন্ খেমতাবলা লগেপ্রভু কত্তে, “পুয়ো তা বাবরে আর চাগর্ তা গিরোজোরে সর্মান গরে। যুনি মুই বাপ্ ওই থাং সালে মুই পাঙ্গে সর্মানান্ কুদু? যুনি গিরোজ্ ওই থাং সালে মর্ পাওনা শ্রদ্ধাগান্ কুদু? ও ধর্মগুরুগুন, তুমি মরে ঈচ্ গোজ্য। মাত্তর্ তুমি কত্তে, ‘আমি কেধোক্ক্যেনগুরি তরে ঈচ্ গোজ্যেই?’

গণাণা 11:13

এই বেক্‌ মানুচ্চুনোত্তে মুই কুদু য়েরা পেম? তারা মইদু বানা ‘য়েরা হেবাত্তে দুয়ো’ কোই কোই কানাকুদি গত্তন্‌।

গণাণা 11:19

সেই য়েরাগান্‌ তুমি বানা একদিন, দ্বিদিন, পাঁচদিন, দশ দিন বা কুড়ি দিন হেবা সিয়েন নয়,

গণাণা 11:21

এ কধাগান্‌ শুনিনে মোশি কলদে, “যুদ্ধো গরেদে ধোক্ক্যেন মানুজই মঅ সমারে ছয় লাখ্‌ আগন্‌, আর তুই কত্তে পুরো একমাস সং তুই তারারে য়েরা হেবাত্তে দিবে।

গণাণা 14:3

যুদ্ধোত্‌ মুরি যেবাত্তে কিত্তে লগেপ্রভু আমারে সেই দেজত্‌ নেযার্‌? তারা আমার মোক্‌ আর ঝি-পূঅগুনোরে কারি নিবাক্‌। ইয়োত্তুন্‌ মিসরত্‌ ফিরি যানা আমার উজিত এলঅ।”

গণাণা 14:4

তারা একজন আরেকজনরে কলাক্, “যঅ, এক্কো নেতা ঠিগ্ গুরি নেযেইনে আমি মিসরত্‌ ফিরি যেই।”

গণাণা 16:13

তুই এই ধূল্যেচর-চাগালাত্ মারে ফেলেবাত্তে এধোক্ক্যেন দেজত্তুন্‌ আমারে নিগিলেই আন্ন্যচ্‌ যিয়েনত্‌ দুধ, মধু আর কনঅ কিজুর অভাব ন-এলঅ। ইয়েনই কি যগাজ্যে নয়? সিয়েন উগুরে ইক্কিনে আর আমার্‌ নেতা অবাত্তে চঅর্‌।

গণাণা 20:4

কিত্তে তুই লগেপ্রভুর মানুচ্চুনোরে এই ধূল্যেচর-চাগালাত্‌ আনিলে যেনে য়েমানপাল সুদ্দো আমি মুরি যেই?

প্রেরিত্‌ 13:41

তুমি যিগুনে গোজেনরে নিইনে তামাজা গুরি থাগ, তুমি শুনো- তুমি আমক্ অ আর ভস্ত অ; কিয়া তমা সময়োত্ মুই এমন্ এক্কান্ কিজু গুরিবাত্তে যাঙর্ যিয়েনর্ কধা তুমি কনঅ বাবদে বিশ্বেজ্ ন-গুরিবা, কেঅ কলেয়ো ন-গুরিবা।”

১ থিষলনীকীয় 4:8

সেনত্যে এ শিক্ষ্যেগান যে এলাফেলা গরে তে মান্‌জ্যরে এলাফেলা ন-গরে, মাত্তর্ যিবে তার্ পবিত্র আত্মাগানরে তমাত্যে দান গোজ্জ্যে তেয়ই গোজেনরে এলাফেলা গরে।

যিহোশূয় 24:27

পরেন্দি তে বেক্‌ মানুচ্চুনোরে কলঅ্‌, “এ পাত্তর্‌বো আমা বিরুদ্ধে সাক্ষী ওই থেবঅ। লগেপ্রভু আমা ইদু যেদক্কানি কধা কোইয়্যে সিয়েনি এ পাত্তর্‌বো শুন্যে। যুনি তুমি তমার গোজেনরে অস্বীগের্‌ গরঅ সালে ইবে তমার বিরুদ্ধে সাক্ষ্য দিবো।”

১ শমূয়েল 10:19

শমূয়েলে আরঅ কলঅ, “মাত্তর্‌ তমার গোজেন, যিবে বেক্‌ দযা আর দুর্দজাত্তুন্‌ তমারে উদ্ধোর গোজ্যে, এচ্চ্যে তারেই তুমি এলাফেলা গরর্‌ আর কর্‌, ‘আমা উগুরে এক্কো রাজা নেযা।’ সেনত্তেই ইক্কিনে তুমি যে যার গুট্টি আর বংশ মজিম্ লগেপ্রভুর মুজুঙোত্‌ আঝিল্ অ।”

১ শমূয়েল 2:30

“সেনত্তেই ইস্রায়েলীয়গুনোর গোজেন লগেপ্রভু কত্তে, ‘মুই হামাক্কায় কোইয়োঙে, তর্‌ আর তর্‌ পুরোণি মানুচ্চুনোর বংশর মানুচ্চুনে সারা জিংকানিবর্‌ মর্‌ সেবা কাম গুরিবাক্’; মাত্তর্‌ ইক্কিনে লগেপ্রভু কত্তে, ‘সিয়েন আর ন-চলিবো। যিগুনে মরে সর্মান গুরিবাক্ মুই তারারে সর্মান গুরিম আর যিগুনে মরে ঈচ্ গুরিবাক্ তারারে ঈচ্ গরা অবঅ।