গণাণা 11:17 - Chakma Bible

¹⁷ মুই সিয়েনত্‌ লামি এইনে তঅ সমারে কধা কোম্‌। তঅ উগুরে যে আত্মাগান্‌ আঘে মুই সিয়েনরে তারা উগুরেয়ো দিম্‌। মানুচ্চুনোর্‌ ভারান্‌ বুয়োই নিবাত্তে তারা তরে সাহায্য গুরিবাক। সেক্কে তত্তুন্‌ আর গায়্‌ গায়্‌ দায়িত্বোগান বুয়োই নেযা ন-পুরিবো।

গণাণা 11:17 Iomraidhean Croise

পত্থম 11:5

মানুচ্চুনে যে শঅরান আর অজল ঘরান বানেয়োন সিয়েন্‌ চেবাত্তে লগেপ্রভু লামি এলঅ।

পত্থম 17:22

অব্রাহাম লগে কধা কনা থুম্‌ গুরিনে গোজেনে তা কায় কুরেত্তুন্‌ উগুরেন্দি উদি গেলঅ।

পত্থম 17:3

সেক্কে অব্রামে মাদিত্‌ মাদা নিগিরি পড়িলো, আর গোজেনে তা লগে কধা কুয়ো ধুরিলো।

পত্থম 18:33

অব্রাহাম লগে কধা কনা থুম্‌ গুরিনে লগেপ্রভু সিয়েনত্তুন্‌ আঢি গেলগোই আর অব্রাহামেয়ো তা ঘরত্‌ ফিরি গেলঅ।

২ রাজাবলী 2:15

যিরীহোর যে ভাববাদী সমাজ্যেগুনে সিয়েনত্‌ থিয়্যেই এলাক্‌ তারা ইলীশায়রে দেগিনে কলাক্‌, “এলিয়োর আত্মাগানে ইলীশায় উগুরে বিশ্বেজ্ গোজ্যে।” তারা ইলীশায়র লগে দেগা গুরিবাত্তে গেলাক্‌ আর তা মুজুঙোত্‌ মাদিত্‌ মাধাবো লোঙেইনে সালাম গুরিনে কলাক্,

২ রাজাবলী 2:9

পার্ ওই এইনে এলিয় ইলীশায়রে কলঅ, “মরে কঅ, তঅ কায়-কুরেত্তুন মরে তুলি নেযেবার্‌ আগেন্দি মুই তত্তে কি গুরিম?” জোবত্‌ ইলীশায় কলঅ, “তঅ আত্মাগানর দ্বিগুন আত্মা যেনে মুই পাং।”

নহিমিয় 9:20

তুই তারারে শিক্ষ্যে দিবাত্তে তর্‌ মংগলময় আত্মাবোরে দান গোজ্যস্‌। তারার্‌ হানা-দানাত্তে তুই যে মান্না দুয়োচ্‌ সিয়েনি বন্ধ গুরি ন-দুয়োচ্‌; তুই তারারে পানিতিরেজ্ কাদেবাত্তে পানি দুয়োচ্‌।

যাত্রা 18:18

সেক্কে তুই আর তঅ মানুচ্চুনে হামাক্কায়্‌ বল্‌পোজ্যে ওই যেবাক্‌। কামান্‌ এদক্‌ বেশ আগাত্যে যে, তর্‌ গায়্‌-গায়্‌ সিয়েন্‌ গরানা সম্ভব নয়।

যাত্রা 18:22

ইগুনেই আমিঝে মানুচ্চুনোর্‌ বিচের্‌ গুরিবাক্। চিগোন-চাগোন্‌ বেপারানি তারা বিচের্‌ গুরিবাক আর দাঙর্‌ দাঙর্‌ বেপারানি তইদু আনিবাক্। সেক্কে তর্‌ কামানি পাদল্‌ অবঅ‌ কিত্তে তারায়ো তর্‌ ভারান্‌ কিজু কমে দিবাক্।

যাত্রা 19:20

লগেপ্রভু সিনাই মুড়োবো মাদাথ্‌ লামি এইনে মোশিরে ডাগিলো আর মোশি মুড়োবো উগুরে উদিলোগোই।

যাত্রা 34:5

লগেপ্রভু মেঘ ভিদিরেত্তুন্‌ লামি এইনে মোশি কায়-কুরে ঠিয়্যেল আর তার্‌ “লগেপ্রভু” নাঙান্‌ ফগদাঙ্‌ গুরিলো।

যিশাইয় 44:3

কিত্তে মুই মাদি ফাদি যেইয়্যে ভূইয়ো উগুরে পানি ঢালিম আর শুগুনো জাগা উগুরেদি পানি গঙার্ বুয়োই দিম। মুই তঅ পুয়ো-ছাগুনো উগুরে মঅ আত্মাগান ঢালি দিম আর তঅ বংশর মানুচ্চুনোরে বর্ দিম।

যিশাইয় 63:11

সেক্কে তা মানুচ্চুনে পুরোনা দিনোর কধা, অত্তাৎ মোশি আর তা মানুচ্চুনোর পুরোণি দিনোর কধা ইদোত্ তুলিলাক্। তারা কলাক্, “যিবে তা মানুচ্চুনোরে আর তারার নেতাগুনোরে সাগর ভিদিরেদি আন্যে, যিবে তারা ভিদিরেদি থেবাত্তে তা পবিত্র আত্মাগানরে দিয়্যে তে কুদু?

যোয়েল 2:28

সে পরেদি মুই বেক্ মানুচ্চুনো উগুরে মঅ আত্মাগান ঢালি দিম। সেক্কে তঅ পুয়োগুনে আর ঝিগুনে ভাববাদী ইজেবে গোজেন কধা কবাক্, তমা বুড়ো মানুচ্চুনে স্ববন দেগিবাক্ আর তমা গাবুজ্যেগুনে দর্শন পেবাক্।

গণাণা 11:25

সেক্কে লগেপ্রভু সেই মেঘ ভিদিরে গুরি লামি এইনে মোশি সমারে কধা কলঅ। মোশি উগুরে যে আত্মাগান্‌ এলঅ তাঁরে তে সেই সত্তুরজন বুড়ো নেতা উগুরেয়ো দিলো। যেক্কে সেই আত্মাগান্‌ তাঁরা উগুরে এলঅ সেক্কে কয়েকদিনোত্তে তাঁরা ভাববাদী ইজেবে কধা কোইয়োন।

গণাণা 12:5

সেক্কে লগেপ্রভু মেঘ মাধ্যমে আঝিল্ ওইনে লামি এলঅ আর মিলন-তাম্বুলোর দোরো ইদু থিয়্যেইনে হারোণ আর মরিয়মরে ডাগিলো। তাঁরা দ্বিজনে উজেই এজানার্‌ পরেদি লগেপ্রভুর কলদে, “তুমি মঅ কধাগান্‌ শুনো। তমা ভিদিরে কনঅ নবী থেলে মুই লগেপ্রভুর দিব্য জ্ঞানর্‌ ভিদিরেন্দি নিজোরে তাইদু ফগদাং গরং আর স্ববন্দোই কধা কং।

গণাণা 12:8

মুই তা সমারে মুজুঙো-মুজুঙি দোলেডালে কধা কং, কনঅ ভানালোই নয়। লগেপ্রভু যেধোক্ক্যেনগুরি দেগা দে তে সিয়েন্‌ দেগে। ইয়েনর পরেদিয়ো তুমি মর্‌ চাগর্‌ মোশির্‌ বিপক্ষে কধা কধে ন-দোরেলা?”

গণাণা 27:18

ইয়েনর্ জোবত্‌ লগেপ্রভু মোশিরে কলঅ, “নূনোর পূঅ যিহোশূয় ভিদিরে গোজেনর্‌ আত্মাগান্ আঘে। তুই তারে আনিনে তা উগুরে তর্‌ আত্তান্‌ রাগেচ্‌।

গণাণা 7:89

ইয়েনর পরেদি মোশি যেক্কে লগেপ্রভুর লগে কধা কবাত্তে মিলন-তাম্বুলোত্‌ চোমেদ সেক্কে সাক্ষ্য-সিন্দুগো উগুরে ঢাগনিগানর্‌ কাজাকুরেন্দি করূব দ্বিবের্‌ ভিদিরে জাগানত্তুন্‌ তাঁর কধানি শুনিদাক্। এবাবোত্যেগুরি লগেপ্রভু মোশি সমারে কধা কদঅ।

যোহন 3:13

যে স্বর্গত্ থায় আর স্বর্গত্তুন্ লামি এচ্চ্যে সেই মান্‌জ্যপুয়োবো বাদে আর কনজনে স্বর্গত্ ন-উদোন্।

যোহন 7:39

যীশু উগুরে বিশ্বেজ্ গুরিনে যিগুনে পবিত্র আত্মাগানরে পেবাক্ সেই পবিত্র আত্মাগান পৌইদ্যেনে যীশু এ কধাগান কলঅ। পবিত্র আত্মাগানরে সেক্কেয়ো দিয়্যে ন-অয় কিয়া সেক্কেয়ো যীশু তা মহিমাগান্ ফিরি ন-পায়।

রোমীয় 8:9

মাত্তর্ গোজেনর্ আত্মাগানে যুনি তমা মনত্ বজত্তি গরে সালে তুমি দঅ পাপ-খাচ্চ্যদর্ তলে নয় বরং পবিত্র আত্মার তলে। যিবে মনত্ খ্রীষ্টর্ আত্মা নেই তে খ্রীষ্টর্ নয়।

১ করিন্হীয় 2:12

আমি জগদর্ আত্মাগানরে ন-পেই, বরং গোজেনত্তুন্ তার্ আত্মাগানরে পেইয়্যেই, যেন গোজেনে আমারে যেদক্কানি দান দিয়্যে সিয়েনি বুঝি পারিই;

১ থিষলনীকীয় 4:8

সেনত্যে এ শিক্ষ্যেগান যে এলাফেলা গরে তে মান্‌জ্যরে এলাফেলা ন-গরে, মাত্তর্ যিবে তার্ পবিত্র আত্মাগানরে তমাত্যে দান গোজ্জ্যে তেয়ই গোজেনরে এলাফেলা গরে।

১ পিতর 1:22

ইক্কিনে সত্যগানরে মানি লোইনে তুমি তমার মনানরে সিজি গোজ্জ্য, আর সেনত্যে বিশ্বেজি ভেইয়ুনে তমা ইধু এদক্ পরাণর্। সেনত্যে কঙত্তে, তুমি একজন আরেকজনরে মনে-পরাণে গভীন্ গুরিনে কোচ্‌পেইয়ো।

যিহূদা 1:19

এ মানুচ্চুনে দলাদলি সৃট্টি গরন্ আর তারা নিজোর আওজ্ মজিম চলন্। তারার্ মনভিদিরে পবিত্র আত্মা নেই।

১ শমূয়েল 10:6

সেক্কে লগেপ্রভুর আত্মাগান পুরোপুরিভাবে তরে নিজোর অধীনোত্ আনিবো, আর সেক্কে তুইয়ো তারার লগে গোজেনর দিয়্যে কধা কবে। সেক্কে তুই অন্য বাবোত্যে মানুচ্‌ ওই যেবে।