গণাণা 11:16 - Chakma Bible

¹⁶ লগেপ্রভু মোশিরে কলঅ, ইস্রায়েলীয়গুনো ভিদিরে যিগুনোরে তুই নেতা আর সর্মানিত মানুচ্‌ বিলি জানচ্‌ তারা ভিদিরেত্তুন্‌ সত্তুরজন বুড়ো নেতারে মইদু আন্‌। তুই তারারে মিলন-তাম্বুলো ইদু এইনে তঅ সমারে থিয়্যেবাত্তে কঅ‌।

গণাণা 11:16 Iomraidhean Croise

পত্থম 46:27

মিসর দেজত্‌ যোষেফর যে দ্বিবে পুয়োর জর্ম ওইয়োন্‌ আর যাকোব পরিবারত্তুন্‌ যিগুনে মিসরত্‌ যেইয়োন্‌ তারা এলাক্‌ বেক্কুনে সত্তুরজন।

যাত্রা 18:25

তে বেক্‌ ইস্রায়েলীয়গুনো ভিদিরেত্তুন্‌ যগাজ্যে মানুচ্চুনোরে বেঈ লোইনে নেতা ইজেবে তারারে নেযেল-কয়েকজনরে আজার উগুরে, কয়েকজনরে শত উগুরে, কয়েকজনরে পঞ্চাজ উগুরে আর কয়েকজনরে দশ জন উগুরে।

যাত্রা 24:1

পরেদি লগেপ্রভু মোশিরে কলঅ, “হারোণ, নাদব, অবীহূ আর ইস্রায়েলীয়গুনোর্‌ সত্তুরজন বুড়ো মাই-মুরুব্বী আর তুই মইদু উদোগি। এবার্‌ অক্তত্‌ তুমি দূরোত্তুন্‌ মাদা নিগিরিনে মরে ভোক্তি সর্মান জানেবা।

যাত্রা 24:9

ইয়েন পরেদি মোশি, হারোণ, নাদব, অবীহূ আর ইস্রায়েলীয়গুনোর্‌ সত্তুরজন বুড়ো মাই-মুরুব্বীগুনে মুড়োবো উগুরে উদিনে ইস্রায়েলীয়গুনোর্‌ গোজেনরে দেগিলাক্। তা টেঙর্‌ তলে এলঅ‌ জোক্‌জোক্যে আগাজ ধোক্ক্যেন নীলকান্তমণিলোই বানেয়্যে পাক্কা ধোক্ক্যেন কিজু এক্কান।

যাত্রা 4:29

সে পরেদি মোশি আর হারোণে মিসর দেজত্‌ যেইনে বেক্‌ ইস্রায়েলীয় বুড়ো নেতাগুনোরে একলগে এগত্তর্‌ গুরিলাক্।

যিরমিয় 19:1

লগেপ্রভু কোইয়্যেদে, তুই যেইনে কুমর ইত্তুন এক্কো মাদির্ পিলে কিনি আন। তঅ লগে মানুচ্চুনোত্তুন্ কয়েক্কো বুড়ো নেতা আর বয়স ওইয়্যে ধর্মগুরুনোরে নেযা।

যিহিষ্কেল 8:11

সিগুনো মুজুঙোত্ থিয়্যেই আগন্ ইস্রায়েলীয়গুনোর সত্তুর্ জন নেতা আর তারা ভিদিরে থিয়্যেই আগেদে শাফনর পুয়ো যাসনিয়। তারার্ পত্তিজনর আঢত্ এক্কো গুরি আগর্‌বাট্টির্ টগ্ এলঅ আর সিগুনোত্তুন্ আগর্‌বাট্টির্ ধূমো মেঘ্‌কানি উগুরেদি উদের্।

গণাণা 11:24

এই কধাগান শুনিনে মোশি বারেন্দি যেইনে লগেপ্রভু যিয়েন্‌ কোইয়্যে সিয়েন্‌ মানুচ্চুনোরে জানেল। তে ইস্রায়েলীয়গুনোত্তুন্‌ সত্তুরজন বুড়ো নেতারে আনিনে মিলন-তাম্বুলো মুজুঙোত্ আঝিল্ গুরিলো।

গণাণা 16:25

এই কধাগান শুনিনে মোশি উদিনে দাথন আর অবীরামর ইদু গেলঅ আর ইস্রায়েলীয় বুড়ো নেতাগুনে তাঁর পিজে পিজে গেলাক্।

লূকে লেখ্যে গম্ হবর্ 10:1

ইয়েনর্ পরেদি প্রভু যীশু আরঅ সত্তুর্‌জন শিচ্চ্যরে প্রচারত্ পাধেবাত্তে বেঈ নেযেল। তে নিজে যে আদামত্ আর যে জাগাত্ যেবঅ বিলি ঠিগ্ গোজ্যে সেই বেক্ জাগানিত্ যেবার্ আগেদি শিচ্চ্যগুনোরে দ্বিজন্ দ্বিজন্ গুরি পাধেই দিলো।

লূকে লেখ্যে গম্ হবর্ 10:17

সেই সত্তুর্‌‌জন শিচ্চ্য হুজিয়ে ফিরি এইনে কলাক্, “প্রভু, তঅ নাঙান্ ধুরিনে কলে ভান্ন্যেই আত্মাগুনেয়ো আমা কধা শুনোন্।”

দ্বি’লম্বর বিররণ 1:15

সেনত্যেই মুই তমা গুট্টিত্তুন্‌ জ্ঞানীবলা আর অভিজ্ঞতাবলা সর্দারুনোরে নেযেইনে তমা উগুরে আজার উগুরে নেতা, শত উগুরে নেতা, পঞ্চাশ উগুরে নেতা, দশজন উগুরে নেতা আর অন্য কাম্‌গুরিয়্যে মানুচ্‌ নেযেয়োং।

দ্বি’লম্বর বিররণ 16:18

তমার গোজেন লগেপ্রভু তমারে যেদক্কানি আদাম আর শঅর দিবাত্তে যার্‌ তার পত্তিগানিত্‌ পত্তি গুট্টিত্তে তুমি বিচেরক আর কামগুরিয়্যে নেযেবা। তারা দোলেডালে মানুচ্চুনোর বিচের গুরিবাক্।

দ্বি’লম্বর বিররণ 31:28

তুমি তমার গুট্টির বুড়ো নেতাগুনোরে আর কামগুরিয়ে বেক্কুনোরে মঅ মুজুঙোত্‌ এগত্তর্‌ গর্‌। মুই তারারে এই বেক্‌ কধানি কবাত্তে চাঙ্‌ আর দাঙর্‌ আগাজ্‌ আর পিত্‌থিমীগানরে তারার বিরুদ্ধে সাক্ষী রাগেইনে যেবাত্তে চাং।