গণাণা 11:12 - Chakma Bible

¹² মুই কি এই বেক্‌ মানুচ্চুনোরে পেদত্‌ ধোজ্যং? মুই কি ইগুনোরে পুদেয়োং? তুই তারার পুরোণি মানুচ্চুনো ইদু যে দেজ্‌চান্‌ দিবার্‌ শমক্‌ খেইয়োচ্‌ সিয়েনত্‌ কিত্তেই তুই মরে সাদাঙা-বাব ধোক্ক্যেন গুরি তারারে বুগোদ্‌ গুরি নেযেবাত্তে কোইয়োচ?

গণাণা 11:12 Iomraidhean Croise

পত্থম 13:15

যেদক্কানি জাগা তুই দেগিবে সিয়েনি মুই তরে আর তঅ বংশবোরে উমরত্তে দিম্‌।

পত্থম 24:7

স্বর্গর গোজেন লগেপ্রভু মরে মঅ বাবঅ ঘর-ভিদে আর মর্‌ জর্মেয়্যে জাগাত্তুন্‌ নিগিলেই আনিলো। তে মঅ লগে কধা কোইয়্যে আর শমত্‌ খেইনে কোইয়্যেদে, এ দেজ্‌সান্‌ তে মঅ বংশবোরে দিবো। তে তঅ আগেন্দি তা দূত্তোরে সিদু পাদেই দিবো যেনে মঅ পুয়োবোর্‌ মোক্‌ অবাত্তে তুই সিয়েনত্তুন্‌ এক্কো মিলে আনি পারচ্‌।

পত্থম 26:3

ইক্কিনে এ দেজত্‌ তুই কয়েক দিনোত্তে বজত্তি গুরিবে। মুই নিজে তঅ সমারে থেইনে তরে বর্ দিম। এ দেজ্‌ছানি মুই তরে আর তঅ বংশর্‌ মানুচ্চুনোরে দিম্‌। ইয়েন বাদে মুই তঅ বাব্‌ অব্রাহাম ইধু যে শমত্তান্‌ গোজ্যং সিয়েনঅ অদে অদে রাগেম্‌।

পত্থম 50:24

পরেদি এক সময়ত্‌ যোষেফে তা ভেইয়ুনোরে কলঅ, “মর্‌ মুরিবার্‌ অক্ত ওই এচ্চ্যে, মাত্তর্‌ ইয়েন্‌ ঘেচ্চেকগুরি, গোজেনে তমারে দেগাশুনো গুরিবো। তে অব্রাহাম, ইসহাক আর যাকোবরে যে দেজ্‌সান্‌ দিবো বিলি শমক্‌ গোজ্যে সে দেজ্‌সানত্‌ তে তমারে ইয়োত্তুন্‌ নেযেব।”

২ রাজাবলী 10:1

শমরিয়াত আহাবর সত্তুরজন বংশধর এলাক্‌। যেহূ চিদি লিগিনে শমরিয়াত্‌ যিষ্রিয়েলর শাজন্‌গুরিয়্যেগুনো ইদু, বুড়ো নেতাগুনো ইদু আর আহাবর বংশধরুনো রোক্ষ্যেগুরিয়্যেগুনো ইদু পাধেই দিলো। তে লিগিলোদে,

২ রাজাবলী 10:5

সেনত্তে রাজঘরর্‌ কাবিদ্যঙো, শঅরর্‌ শাজন্‌গুরিয়্যেবো, বুড়ো নেতাগুনে আর আহাবর বংশধরুনোর রোক্ষ্যেগুরিয়্যেবো যেহূরে এ কধাগান কোই পাদেল, “আমি তঅ চাগর্‌। তুই যিয়েন্‌ কবে আমি সিয়েনই গুরিবোং। আমি কাররে রাজা ন-বানেবং; তুই যিয়েন্‌ গম্‌ বিলি মনে গরচ্‌ সিয়েনই গর্‌।”

যাত্রা 13:11

লগেপ্রভু তমারে আর তমার্‌ পুরোণি মানেইয়ুনো ইধু শমক্‌ হেইনে যে এগেম্ গোজ্যে সেই এগেম্ মজিম তে যেক্কে কনানীয়গুনোর্‌ দেজত্‌ তমারে নেযেইনে অধিকার্‌ ইজেবে সিয়েন তমারে দিবো,

যাত্রা 13:5

যেক্কে লগেপ্রভু তমারে কনানীয়, হিত্তীয়, ইমোরীয়, হিব্বীয় আর যিবূষীয়গুনোর্‌ দেজত্‌ নেযেব সেক্কে তুমি বজরর্‌ এই মাস্যত্‌ এই অনুষ্ঠানান্ পালন গুরিবা। ইয়েনই সেই দেজ্‌ছান যিয়েন্‌ লগেপ্রভু তমারে দিবো বিলি তমার পুরোণি মানেইয়ুনো ইধু শমক্‌ গোজ্যে। সিয়েনত্‌ দুধ, মধু আর কনঅ‌ কিজুর্‌ অভাব নেই।

যাত্রা 33:1

সে পরেদি লগেপ্রভু মোশিরে কলঅ‌, “তর্‌ যে মানুচ্চুনোরে তুই মিসর দেজত্তুন্‌ নিগিলেই আন্যচ্‌ তারারে নেযেইনে তুই এই জাগায়ান্‌ ছাড়িনে মর্‌ এগেম্ গোজ্যে দেজত্‌ যাহ্‌। সেই দেজ্‌ছান পৌইদ্যেনে মুই অব্রাহাম, ইস্‌হাক আর যাকোব ইদু এই এগেমান্‌ গোজ্যং, মুই তারার্‌ বংশধরুনোরে সিয়েন্‌ দিম।

যাত্রা 6:8

যে দেজ্‌চান্‌ দিবার শমক্‌ মুই অব্রাহাম, ইস্‌হাক আর যাকোব ইধু গোজ্যং সে দেজ্‌চানত্‌ মুই তমারে নেযেম আর সে দেজ্‌চানর্‌ অধিকারান্‌ মুই তমারে দিম। মুয়ই লগেপ্রভু।’ ”

যিশাইয় 40:11

তে গরগ ধোক্ক্যেন্ গুরি তা ভেড়া পালুন চোরেব, ভেড়া ছঅগুন্ তে আঢ্‌তোই তুলি নিবো‌ আর করত্ গুরি তারারে বুয়োই নেযেব; ছঅ আগন্ এবাবোত্যে ভেড়িগুনোরে তে লাড়ে লাড়ে গুরি চালেই নেযেব।

যিশাইয় 49:15

সেনত্তে লগেপ্রভু কোইয়্যেদে, মাবো কি তার্ দুধো পুয়োবোরে ভুলি যেই পারে? যে পুয়োবোরে তে জর্ম দিয়্যে তারে কি তে মেয়্যে ন-গুরিবো? এমন্অ ওই পারে, মাবো ভুলি যেই পারে মাত্তর্ মুই কনদিন্অ তরে ভুলি ন-যেম্।।

যিশাইয় 49:23

রাজাগুনে তমার্ লালন-পালনগুরিয়্যে অবাক্ আর তারার রাণীমিলেগুনে তমার্ সেবাগুরিয়্যে অবাক্। তারা মাদিত্ মাঢা নিগিরিনে তরে জু জু জানেবাক্ আর তমার টেঙর্ ধূল্যে কাজেবাক্। সেক্কে তুমি হবর্ পেবা, মুয়ই লগেপ্রভু; যিগুনে মঅ উগুরে আজা রাগান তারা ন-লাজেবাক্।”

যিহিষ্কেল 34:23

মুই তারা উগুরে এক্কো গরগরে, অত্তাৎ মর্ চাগর্ দায়ূদোরে নেযেম; তে নিজেই তারারে দেগাশুনো গুরিবো আর তারার্ গরগ্ অবঅ।

যোহন 10:11

মুয়ই আজল্ ভেড়া গরক্। আজল্ ভেড়া গরক্কো তা ভেড়াগুনোত্তে নিজো পরাণান্ দে।

১ করিন্হীয় 4:15

খ্রীষ্ট পৌইদ্যেনে শিক্ষ্যে দিবার্ মানুচ্‌ অয়ত তমার্ আজার আজার থেই পারন, মাত্তর্ বাপ্ তমার ভালোক্কুন্ নেই; মুয়ই গম হবরর্ মাধ্যমে খ্রীষ্টীয় জিংকানিত্ তমার বাপ্ ওইয়োং।

গালাতীয় 4:19

মর্ পুয়ো-ছাগুন্, যেদক্ বিলোন সং তুমি খ্রীষ্ট ধোক্ক্যেন ন-অ সেদক্ বিলোন সং মুই আরঅ তমাত্যে পুয়ো ফুদোইদ্যে দুঘো ধোক্ক্যেন কষ্টত্ ভুগোঙর্।

১ থিষলনীকীয় 2:7

মাত্তর্ সিয়েনর্ বদলে মাবো যেধোক্ক্যেন তা নিজোর পুয়ো-ছাগুনোরে আদর-যত্তন্ গরে, তমা ইধু থেবার অক্তত্ আমিয়ো তমা লগে সেবাবোত্যে নরম বেবহার গোজ্জ্যেই।