গণাণা 11:10 - Chakma Bible

¹⁰ মোশি শুনিলোদে পত্তি পরিবারর্‌ মানুচ্চুনে তারার্‌ নিজোর্‌ নিজোর্‌ তাম্বুলোর দোরো কুরে কানদন্‌। ইয়েন্দোই লগেপ্রভু রাগে ফুলি উদিলো আর মোশিয়ো কাঙেলেত্যে পেলঅ।

গণাণা 11:10 Iomraidhean Croise

গীতসংহিতা 106:25

তারা তাম্বুলো ভিদিরে কধা কুয়ো ধুরিলাক্; লগেপ্রভুর কধা তারা কান ন-পাদিলাক্।

গীতসংহিতা 139:21

ও লগেপ্রভু, যিগুনে তরে এলাফেলা গরন্ মুই কি তারারে এলাফেলা ন-গরং? যিগুনে তঅ বিরুদ্ধে কাম গরন্ মুই কি তারারে ঈচ্ ন-গরং?

গীতসংহিতা 78:21

এ কধাগান শুনিনে লগেপ্রভু রাগে ফুলি উদিলো। যাকোব বিরুদ্ধে তা মনত্ আগুন জুলি উদিলো, ইস্রায়েলর বিরুদ্ধে তা রাগ্‌কান জাগি উদিলো;

গীতসংহিতা 78:59

ইয়েনি দেগিনে গোজেনে অমকদ বেজার্ অলঅ; তে ইস্রায়েলরে পুরোপুরি গুরিনে এলাফেলা গুরিলো।

যিশাইয় 5:25

সেনত্তে লগেপ্রভুর রাগ্‌‌কান তা মানুচ্চুনো বিরুদ্ধে জুলি উঠ্যে; তে আঢ্ তুলিনে তারারে আঘাত্ গোজ্যে। মুড়ো-মুড়ি গির্‌‌গিরাদন্ আর মরাকিয়্যেনি পধত্ পেজা কুড়ো ধোক্ক্যেন্ পোজ্যে আঘে। ইয়েনর্ পরেদিয়ো তা রাগ্‌‌কান্ ন-থামায়, তে আঢ্ তুলি রাগেয়্যে।

যিরমিয় 17:4

যে অধিকারান্ মুই তরে দুয়োং, তর্ নিজো দুষে তুই সিয়েন আরেবে। যে দেজ্‌চান কধা তুই হবর্ ন-পাজ্ সে দেজত্ মুই তরে তঅ শত্রুগুনোর চাগর্ বানেম, কিত্তে তুই মর্ রাগর্ আগুনান জ্বালেয়োচ্ আর সিয়েন জিংকানিবর্ জুলিবো।‍

গণাণা 11:1

ইস্রায়েলীয়গুনোর যেদক্কানি দুখ্‌-কট্ট অর্‌ সিয়েনিলোই তারা লগেপ্রভুর মুজুঙোত্ কিজিক্-মিজিক্ গরা ধোজ্যন্‌। সিয়েনি শুনিনে লগেপ্রভু অমহদ বেজার্‌ অলঅ। তার পাধেয়্যে আগুনান্‌ তারা ভিদিরে জ্বলা ধুরিলো আর তাম্বুলোর কাজা কুরেন্দি কিজু মান্‌জ্যরে পুড়িনে মারে ফেলেল।

গণাণা 11:11

তে লগেপ্রভুরে কলঅ, “তুই তর্‌ চাগর্‌বোরে কিত্তে এই দজাত্‌ ফেলেয়োচ্‌? তরে বেজার্‌ অইদে ধোক্ক্যেন মুই এন্ কি গোজ্যংগে, তুই এই বেক্‌ মানুচ্চুনোর্‌ ভারান্‌ মঅ উগুরে চাপি দুয়োচ্‌?

গণাণা 11:9

রেদোত্‌ তাম্বুলানর-চাগালাত্‌‌ শিরো পানি পুরিদো আর সিয়েন উগুরে পুরিদো মান্না।

গণাণা 12:3

আসলে মোশি এলদে এক্কো সিদে মানুচ্‌, পিত্‌থিমীর্‌ যে কনঅ মান্‌জ্যত্তুন্‌ বেশ্‌ সিদে।

গণাণা 12:9

হারোণ আর মরিয়ম উগুরে লগেপ্রভু রাগে জুলি উদিলো। পরেদি তে গেলগোই।

গণাণা 16:27

এই কধাগান শুনিনে মানুচ্চুনে কোরহ, দাথন আর অবীরামর্‌ তাম্বুলো ইত্তুন্‌ সুরিই গেলাক্। সে সময়োত্‌ দাথন আর অবীরামে তারার মোক্কুনোরে আর চিগোন-দাঙর ঝি-পূঅগুনোরে লোইনে তাম্বুলো দোরোন ইদু নিগিলি এইনে থিয়্যেই রলাক।

মার্ক 10:14

যীশু সিয়েন দেগিনে রাগ্ ওইনে শিচ্চ্যগুনোরে কলঅ, “চিগোন্ গুরোগুনোরে মইধু এবাত্তে দুয়ো, মানা ন-গোজ্য; কিয়া গোজেন রেজ্যগান্ ইগুনো ধোক্ক্যেন্ মানুচ্চুনোত্যে।

মার্ক 3:5

সেক্কে যীশু বিরক্ত ওইনে তারা ইন্দি রিনি চেলঅ আর তারার্ মনানি দরঅ বিলিনে অমকদ দুঘে সেই মানুচ্চুনোরে কলঅ, “তঅ আঢ্‌‌তান্ বাবেই দে।” মানুচ্চো আঢ্‌‌তান বাবেই দেনার্ পরেদি তা আঢ্‌‌তান এক্কুবারে গম্ ওই গেলঅ।

দ্বি’লম্বর বিররণ 32:22

মর্‌ রাগর আগুনান জুলি উঠ্যে; সেই আগুনান জ্বলের গোরর্ বেগত্তুন তলেন্দি জাগান সং। সেই আগুনান পিত্‌থিমী আর তার বেক ফসলানি হেই ফেলেব আর আগুনান্ লাগেব বেক মুড়োবোর গড়াত্‌।